1 KORENMEI 15:3 - KARANU KABI SAMTAM

³ Kadapokii Iniido doukalu, hang doito rou katii tei gonyii dakii pyii leile, katunii kabi rasam taiswisii Kristanii nyii kem jangpii taipyii takle.

1 KORENMEI 15:3 Referans Kwoze

1 PITAR 2:24

Kem kito tai aisii nyiinii kasang kamajyii kito ringtang karam jangpii mpou sekpiinii Krosh gamto mpoumah pumpot kikii nyiimah kakui kama hangtei pungpyii takle; mpoumah rajam jam teipiinii gonyiigo tii mbipyii takle.

GALATIMEI 1:4

Nyii Pfii ninado nyii Saraamah kamaning kamarei taiswisii tingnei- shang kashyii kahong sazyii pouryii ki aito nyiigo keipyii tang karam jang- pii, mpou pum sektei nyii kem jang- piinii pyiitakle.

1 JON 2:2

Sateichii mpou ai nyii kem jangpii pow ruipyii tang karam teile, nyii kem jangpii roinii makle, nlenii sazyii pouryii kem hang jangpiidole.

GALATIMEI 1:12

kadapokii teitei Inii meinah dato doudo doumakle, mei hangninii kaniido teitei n-gu ralipyii makle, Jisu Krista sekpiinii teitei n-gu mati mangoupyiile.

MATIMANGOU KAPYII 1:5

Sateichii malum kabui sakchyii, kataimei kak kito ringkhii karei, sateichii sazyii pouryii hangmah apum tiikalei Jisu Krista dato jumage kapyii ninado kamajung tei gonyiigo kaswipyii matulo. Nyiigo lungsyii kapyii mpoumah zai teipiinii nyiimah kem kito nyiigo laat mpatpyii takle;

ROMMEI 4:25

Jisu go nyii kem jangpii gitoi takle, sateichii nyiigo tiimajyii pyii tang karam jangpii tiimaring pyii takle.

IPISAMEI 5:2

Sateichii Kristanii nyiigo lungsyii pyiisanii, nyii jangpii mpou- mah pumsekpii pyiitoi tang karam manam kabi pot hangninii tiisii, Saraa dakii karat kapyii takumpii gonyiinii lungkasyii kito tatpyiilo.

2 KORENMEI 5:21

Krista teinii kem tiisang tiimakle, nlenii nyiinii mpougo kaswisii hangninii tiisii nja kalu kito, Saraamah kasang kamajyii tei nyiinii jaihai matu tang karam jangpii Saraanii mpougo nyii jangpii nyiimah kemtei dou njoi matu takle.

1 KORENMEI 11:23

Kadapokii Inii gonyii dakii kapyii tei Inii Bangpii dato doule. Kadapokii Bangpii Jisunii, mpougo schoi choikai kalei tinghum tei,

TIILAMLWI KAPYIIMEI THA JUKAMATI 3:18

Nlenii Saraanii mpoumah Kristanii kamage kalak leh tang karam jangpiinii Lungka- kalingmei hang mah mwi kito doirei- sii mati kapyii tei aitiisii mpounii madou gong pyii takle.

JONNII KARYII KABI RASAM JUKAMATI 1:29

Adoipiinei tei Jisunii mpoulam pang gongkalei tei ngouwosii mpounii tamle, “Julo, Saraa mah Jaonah, sazyii pouryiimei mah kem kama hang poitoi kapyii tei!

1 PITAR 1:11

Kristamah rangii teinii lungkakalingmei lung kito liit tosii, Kristanii kamage kalak pungtang takle, nlenii kamage kalak pung kaleitai mpounii ngam tangle katu tei rangiinii mati mangoupyiile. Ai ai kadadou pat tangpo sateichii kada takumpii pat tangpo katu tei Lung- kakalingmeinii fiile.

IPISAMEI 1:7

Kadapokii Kristanii karatsii taikapyii teipii nyiihang go matapii laat mpatpyii takle, katunii, nyii kem kama hangtei magapyii takle. Saraamah jumage kapyii tei kadaziikapii dipo,

GALATIMEI 3:13

Nyiijangpii Kristanii kasang tei tiisii, ajaitingshang mah kasheeng kiteito kalei mpatpyii takle kada- pokii aitiisii ryiibamle, katunii, “Ating gamto njusii siikaksii taikalei meihang tei Saraamah kasheeng tei doutakle.”

ROMMEI 3:25

Saraanii Ahgo pyiile, kadaponii kamalum paikito meinah mah kem tei mpounii karatsii taikapyii teipii meinah mah kem tei tiimateipyii matu tang karam jangpii Saraanii ai tiipyiile, mpoumah kasang kamajyii tei tiimangou tang karam jangpii. Tinglang kareiki mpoumah leh kati teipii meinah mah kem hangtei fiiseisu takle, nlenii aitoi tinglang kinii mpounii ahnyii mah kem hangtei fiisii leile, mpoumah kasang kamajyii tei tiimangou tang karam jangpii. Aitiisii Saraanii mpousek ai kasang kamajyiile sateichii mpounii Jisugo kamalum meihang go tiimajyii pyiile katu tei mangoule.

METIU 26:28

“Kadapokii ai ai kem kito kaleipyii tang karam mei hangka jangpiinii majou mang kapyii sat tang karam karanu samtam mah gumah zai teile.

1 PITAR 3:18

Kadapokii Saraa dakii pang gong pyii tang karam jangpii, kakui kama meihang jangpii kasang kamajyii katunii, Kristaniido kem jangpii binii taipyii takle hang jangpii; mpougo pumpot lamto tai malei takle, nlenii rangii lamto ringkhii matu takle;

HEBRUMEI 5:3

sateichii meihang mah kem jangpii mpounii karat kapyii takum- pii, mpoumah kem jangpiiniido mpounii karat tang karamle.

HEBRUMEI 5:1

Kadapokii meihang kak kito kalai kalu kanat kajum tingdimei hang teinii Saraa nga kanga kito meihang tung tiisii pyiikatoi ninado kem hang jangpii karat matu tang karam jangpii bam kaipyiibamle.

1 KORENMEI 11:2

Gonyiinii mahlyii hang kito n-gu maning kasei jangpii sateichii gonyii dakii Inii pyii kabam hangtei go- nyiinii tiigatpii ryiileile katu jangpii Inii gonyiigo tam matoile.

METIU 26:24

Mpou- mah kaang kito ryii kabam tei takumpii, meinah sapfii mpou teinii tai tangle, nlenii meinah sapfii mpougo schoi choi kakai ah teinii kadaziikapiinii kamage tang takpo? Mei teipou jangpiinanii nuto lung- sang lung m-mang kasu teiniipou ah jangpii bibwi tangle.”

LUKNII KARYII KABI RASAM JUKAMATI 24:25

Teito mpounii mpoupiina dakii tamle, “Oh kapangmei, ninado lungkakalingmeinii katam sam gotei malum kalang kasumei!

TIILAMLWI KAPYIIMEI THA JUKAMATI 8:32

Sateichii mpounii fiikalei kabi rasam tei aile: “Jao go gitang karam jangpii chyiitat kalei takumpii mak-kii Jaonahnii mpou mai taitoi tang karampii doiteito nra kasu takumpiinii, mpounii mpou mwi n-gapat makle.

TIILAMLWI KAPYIIMEI THA JUKAMATI 17:2

Sateichii Polnii mpou jai taiswisii ahnyiida tatliit sanii bam ka-ntak piinei hangtum kashang tiisii kabi rasam bung kito ahnyiigo kaswisii maning njoile.