1 KORENMEI 13:4 - KARANU KABI SAMTAM

⁴ Lungkasyii teinii lung leh kati sateichii jumage kati teile, lung- kasyii teinii meigo maimhii makle, mak-kii palhiidi leimakle.

1 KORENMEI 13:4 Referans Kwoze

1 PITAR 4:8

Mahlyiihang phyii- ryiito gonyii hangninanii hangni- niigo kalungsyii katu kito lung liitlo; kadapokii lungkasyii teipiinii kem hangkii gomtwum pyiile.

IPISAMEI 4:32

Sateichii gonyii hangninanii hangniniigo kalungsyii- sii, lung manoilo; Saraaniido Krista paikito gonyiigo magakapyii takumpii gonyii hangninanii hangniniigo kama kaleipyiilo.

KOLOSIMEI 3:12

Teijangpiinii Saraamah kalei kalu kamatei ninado lungkasyiimei hang takumpiinii, lungset kati, lung- kasyii, lung kasana, lung kamanoi lung leh kati, tei gonyiinii nat kaikalei takumpii kai wolo.

1 JON 4:11

Lungkasyiimei, Saraanii nyiigo aiziikii lungsyiipyii leponii, nyiiniido hangninanii hangniniigo kalung- syiijyiile.

1 PITAR 3:8

Kalui kito, kamaning lungswi hangninii, ti njoi katu, lung kamanoi, lungkasyii, sateichii detdi kasu lung- swi tei gonyii hang leilo.

1 THESOLONIKAMEI 5:14

Sateichii kangsanamei, nyiinii gonyiigo tam katwi leile, kamahat meigo mahat sulosii tampyii ralipyiilo, rangii kasuimeigo lung tiimadi pyiilo, kasuimeigo tiihalo sateichii ahnyiihang dato lungleh tilo.

2 PITAR 1:7

Gonyiimah Saraa kamaning ki- teikii asanamei takumpii kakukabi, sateichii gonyiimah asanamei ta- kumpii kaku kabi kiteikii lungkasyii tei kai mpam kalu tiilo.

IPISAMEI 4:2

Tinglang kaleita lung sanalo, manoilo, sateichii lung leh tilo. Hangninanii hangniniigo lung leh kati teipii kaswisii gonyiimah lungkasyii tei mangoulo.

2 KORENMEI 6:6

Nyiimah kamateipii, swirek katipii, leh katipii sateichii Saraa nga ka- ngameile katu tei nyiinii nyii roinapii meigo mangoule...rangii kamateipii, nyiimah kasang lungkasyiipii.

KOLOSIMEI 1:11

Ka-nta tei njasii lunglum kati sateichii lungleh kati hang kito, mpoumah pumtei kavamah teima- ham taiswisii pumtei hang teipiinii gonyiigo tiisangting pyiisii,

GALATIMEI 5:26

Nyiinii matapii mpou mpou det disii, hangninanii hangniniigo kara- rhii katu, katairou katu tei tiisuleje.

1 KORENMEI 4:6

Sateichii kangsanamei, gonyii mei kaniido mei hangninii jangpii kaki hangninii phyiiryiikii mazhii kasu tiisii detdilak tang karam jangpii, ryii kabam tei maju leimakle katu ai nyii gamto gonyiinii raliwo kabui jangpii, gonyii jangpii Inii gu gamkii sateichii Apollos gamkii nda tiileile.

2 TIMOTHI 4:2

Samtei tam ralipyiilo, tinglang kido, tinglang kasu kido tiisii leihumlo, lungleh kati sateichii ralikapyii hangteipii njasii swiki liit matulo n-gipyiilo, ninado lung tiimadi pyiilo,

2 TIMOTHI 3:10

Nlenii gumah ralikapyii, gu jairali sateichii Gutiilung kito Inii mikleeng kalei gumah kamalum, gulung lum kati, gu mah lungkasyii, gumah lung leh kati;

1 PITAR 2:1

Teijangpii kachui, kabijai katii, meigo kamaimhii, kalet kalou katii lat, sateichii kashyii kahong kiteito gonyii roinapii gonyii mpaa wosii,

TAITAS 3:3

Dapokii ndounii nyiido kapang kamang, katam swikasu, dhiisii tat katu, kathaam kathaam pumzai mah kamarei ka-ntha ninado kasamou hang mah kikaleimei tiisii kem ninado kamaimhii kito nyii tiilung lungsii meihangpii nyiigo ngourousii ninado nyiinii ahnyiigo ngourousii leile.

1 KORENMEI 3:3

Kadaponii gonyii aitoi katangdo pumzai kito leile, kadapokii gonyii kak kito kamaimhii sateichii n-girazyii kalei tei teipii, gonyii pum zaimei makpo, sateichii meidamei takumpii gonyiinii tatlei tak makpo?

TIILAMLWI KAPYIIMEI THA JUKAMATI 7:9

“Sateichii nyii pfii nyiipaomeinii Joseph go ngourousii mpougo Izip kikii joitoi aitakle; sateichii Saraanii mpougo kaswipyii sanii,

2 TIMOTHI 2:25

ngou karoumeigo manoisii tiima- jyiipyii tang karamle; ahnyiinii lung kalisii kasang tigong matu tang karam jangpii. Saraanii ahnyiigo tinglang kabi pyii leido malahle.

1 TIMOTHI 6:4

mpounii tang katii teipii sagoitu takle... sateichii mpounii samah kado timakle. Mpounii samtam hang jangpii ka n-gi kazyii kanyii, pumzai mah matou kasu kamarei ka-ntha tei leile, sateichii aipiinii kamaimhii katu, swilung nja kasu, tam kamashyii, kashyii swi kamaning,

1 KORENMEI 8:1

Aitoinii tingtugo pyiitoi kalei chiitak mah kaang kito; “Nyii- hang ai swirek kati leile,” katu nyiinii tile, “swirek kati” teipii det tiimatule, nlenii lungkasyii teipii tiimakhiile.

ROMMEI 1:29

Ahnyii teinii kashyii kahong, ajaitingshang kashyii, lukanyii, kamaimhii, kama- lung piinii katokryii, meigo kagi, n-girazyiipii, kachuipii, kakaloupii, kasampeipii.

JEMS 4:5

Mak-kii “Saraanii nyii lung kikii kai kabam rangii ai hangkapiinii mahungsii doukanyiipii tokryiile sii kabi rasam kito tam kalei ai kasang maklesii gonyiinii maning leipo?”

1 KORENMEI 4:18

Inii gonyiida gonglakle katupii kangkanii detdi sii bamle.

ROMMEI 13:13

Nyiinii kavaki tat kalei takumpii tat majyiile; ajai kasu sateichii jou sak kapiinhii, kashyii kahong tha katii, sateichii ngou kashyii tha katii, n-gee razyii kapat sateichii kamai- mhii tei tiisude,

KOLOSIMEI 2:18

Mikpii meinii ngou kasu kangou hang jangpii sagoiki lesii tamsii kaleimei sateichii kasang kasu meinah mah jairali ninado sating gam rakot hang go matalosii tamsii kaleimei kata hangninii kaniido gonyiigo tiimaga malei sulo; tei kakum mei teinii meinahnii swi maning kalei mpoumah kamaning hangteipii magat totakle.

PILIPIMEI 1:15

Kangkanii kasangpii kamai- mhii ninado n-girazyii jangpii sateichii kangkanii kabi lungswi jangpii Kris- tamah kabi rasam tei tam ralipyiile.

2 KORENMEI 12:20

Kadapokii Inii kagong tinglang kak, Inii kamarei takumpii gonyiigo Inii doukasu, sateichii gonyiinii kamarei takumpii gonyiinii n-gu doukasu malahle; n-girazyii kapat, kangourou katu, kararhii katu, mpou mpou jangpiinii kamaning, kalet kalou katii, samchet sampei katu, detkadi ninado matou kasu tei Inii ngoutang maniisii hingle.

1 KORENMEI 5:2

teitii leponii kada takumpii gonyiinii detdiwo tangpo? Gonyiinii swi kashyiipii tokryii kajyiimakpo? Ai kakum tha tiikalei mei gotei gonyii kak kito poitoi maleilo.

METIU 27:18

Kadapokii ahnyiinii Barabas go ngou karou jangpiinii pyiitoi takle katu tei mpounii tile.