1 KORENMEI 13:2 - KARANU KABI SAMTAM

² Sateichii lungkakaling mah teimaham hangtei leikado satei- chii Inii Saraa sam tam ka-mpat mah luha tei dou kado, kamakum sam hang sateichii swirek kati hangtei tiwo kado sateichii zang hang go bam tii-nlai kabui mah kamalum hangtei Inii lei kado, lungkasyii tei galeponii Inii samah kado makle.

1 KORENMEI 13:2 Referans Kwoze

1 JON 4:8

Lungsyii kasumei hang teinii Saraago timakle, dapokii Saraanii lungkasyiile.

1 KORENMEI 13:3

Sateichii Inii gumah kabam hangtei pyiitoi aikado sateichii gupum ai miru matu tang karam jangpiinii pyiitoi aikado lungkasyii tei galeponii, aipiinii n-gu samah kado kabi tiipyii makle.

METIU 17:20

Mpounii ahnyii dakii tamle, “Gonyii mah kamalum kacheng jangpiiniile, kadapokii Inii gonyii dakii kasangpii tam leile, gonyiinii njang-gaiti lwirou langkii kamalum tei leipodinchii, gonyiinii zangtung aigo tam tangle, ‘aikito luki tat tulo,’ sateichii teiteinii tat tutangle; sateichii gonyiinii tiipei kalak mah kado gatangle.

1 KORENMEI 16:22

Bangpiigo lungsyii kasumei hang teinii sheeng kapyii tei doumatulo!

METIU 21:21

Jisunii ahnyiigo khekalatle, “Inii gonyii dakii kasangpii tam leile, gonyiinii malum leponii sateichii maning riirhii suleponii, kadhiitbang gamkii Inii tiikabam ai gonyiinii tiikabui roisupiinii ai zang ai katang godo. ‘Nang gungtusii dwijai lungkii goroinapii toikai ailo’ sii tamleponii, teitei tiitangle.

IPISAMEI 3:4

Sateichii Inii ryiikabam tei gonyiinii fiileponii, Kristamah kamakummah kaang kito gumah kati tei gonyiinii tiwobuile.

1 KORENMEI 13:1

Inii meinah mah sateichii sating gamlui hang mah lat katham katham tambuisii lei kido malahle, nlenii Inii lungkasyii tei gu dato galeponii, I-ai sagyiikoi kapat mak-kii lak kalei pung hangninii takumle.

GALATIMEI 5:16

Nlenii Inii tam leile, rangii paito tatlo. Sateichii pumzaimah ka- marei ka-ntha tei tiisulo.

KOLOSIMEI 1:26

katunii, tinglang sateichii meilui meiha kadaziikii jangpii kabai kabam kamakum, nlenii aitoinii mpoumah kamateimei hangdakii mati mangou pyii kalei teile.

GALATIMEI 6:3

Kadapokii samah kado kasu mei kata hangninanii ah roinapii ahgo mah hangninii tiisii maning leponii ah roinapii chui aitakle.

GALATIMEI 5:22

Nlenii rangiimah riiti teinii, lungkasyii, ka-nta, kamajung, lung leh kati, lungsyii kati, kabi, maning makhang wokabui,

1 KORENMEI 12:28

Sateichii Saraanii charsh kak kito mei kang- kiigo, karei reisang kito, tiilamlwi kapyiimei, hangna kashang kito lungkakalingmei, hangtum kashang kito madhiikapyiimei tei kalaipyii takle; sateichii teidoi tei kamadat tha katiimei, ara kanimeigo tii ka-mbimei, tiikahamei, doimajang kapyiimei, lat kataam kataam katam mei pyiibam takle.

1 KORENMEI 7:19

Kadapokii mei hangninanii Jehudimei mah ajai taiswisii tiigyii malem kido tiigyii malem mak kido samah kado makle, nlenii Saraa mah kakhatsam gotei majai katu teile.

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

IPISAMEI 6:19

Sateichii kabi rasam mah kathok kamakum tei Inii tamsii timatu wokabui jangpii, sateichii Inii tam tang karam jangpii gu mwi kokga kapat tinglang kak, tam tang karam samtei Saraanii n-gu pyii kabui tiisii gujangpiiniido riita khangpyiilo.

1 KORENMEI 4:1

Aitiisii meinii nyiigo Krista ki kaleimei takumpii sateichii Saraa mah kasang kamakumsam mah mahbam kajumei takumpii maning matulo.

ROMMEI 16:25

Aitoinii gumah kabi rasam taiswisii sateichii kamakum sam mati mangoupyiisii Jisu Krista mah kaang kito tam rali kapyii taiswisii, gonyiigo tiisangting pyiiwo kabui mpoudakii Inii gonyiigo pyii leile.

ROMMEI 11:25

Kangsanamei, gonyiinii gonyii roinapii kasakaipii lesii maning matu lak tang karam jangpii kamakum sam ai Inii gonyiigo timatu nyiile. Katunii, luikakimei kalei kaga hangnii Saraada gongliit kasuta lungkatei ai Isrelmei pyiiryii gongtakle.

METIU 21:19

sateichii pwidi kuto kadhiitbang hangninii ngousii mpounii teiki katang tat patle, nlenii mah kado dousutakle, nhii roinii takle. Teito mpounii ruibang gotei tamle, “Nangnii ati matisang matiloi lakle,” teisek-kii kadhiitbang tei kiga takle.

METIU 13:11

Sateichii mpounii ahnyiigo khekalatle, “Sating gam sazyii mah kamakum samtei timatu tang karam jangpii gonyii dakii pyiibam takle, nlenii ahnyii dakiinii pyiimakle.

2 KORENMEI 12:11

Inii swikagamei hangninii takumpii tiisii leile, nlenii gonyiinii teitei n-gu tiirou kido tiimatule, kadaponii n-gu tam matoi tang karam sekle, kadapokii Inii samah kado mak kido, phyii kasat tiilamlwi kapyiimei hang doito Inii nkangsang nkang buimakle.

1 KORENMEI 14:39

Teijangpiinii kangsanamei, Saraa sam tam mpat tang karam jangpii lungnhiisii mareilo, sateichii lat katham katham tiisii tam tang karam nam sulo;

1 KORENMEI 8:4

Teijangpiinii tingtu dakii pyiitoi kalei chiitakgo kachii mah kaang kitonii, “Tingtuparam teinii kasang karing tei gale,” sateichii “hangninii tei roisupiinii Saraa kaki gale katu nyiinii tile.”

TIILAMLWI KAPYIIMEI THA JUKAMATI 13:1

Sateichii Antiyok kito kalei Charsh datei Lungkakalingmei ninado ralikapyiimei: Barnabas, Niger sii kalat Simion ninado Sairen mpfii Lusiyas, sateichii Herot sagong mah samtak katiiki kahaipii Manaen ninado Sol tei leile.

ROMMEI 15:14

Kangsanamei, kabipiinii gonyii dato tokryiisii leile, swirek kati hang doutakle sateichii hangninanii hang- niniigo tampyii ralipyii buile katu tei Iniido gonyii kaang kito malum takle.

1 KORENMEI 11:4

Teipiinii phyii dwumsii kariita mak-kii Saraa sam tam ka-mpat sapfiimei hangnii mpou phyiigo dzyiirou makle;

1 KORENMEI 13:8

Lungkasyii teinii kalui gale, Saraa sam tam ka-mpatmei kangkii leile. Nlenii ahnyii teinii shangniikii jangpiile, lat katham katham katam mah luha hangkii leile, swirek kati tei leile, nlenii teiteinii gatu tangle.

1 KORENMEI 14:4

Lat hangninii kito tam kalei ah teinii ah roinapii ahgo tiihale, nlenii Saraa sam tam mpat kalei ahteinii Charsh hang go tiihale.

1 KORENMEI 14:29

Sateichii Saraa sam saa ka mpatmei hangnanii mak-kii hang- tumnii, tam mpat matulo, sateichii ahnyiinii tam kalei tei mei kaki- meinii samtak tiimatulo.

1 KORENMEI 15:51

Julo, Inii gonyii dakii kamakum sam tam leile, nyiihang zyiitu lakle,