1 KORENMEI 1:5 - KARANU KABI SAMTAM

⁵ Kadaponii Krista dato leikatu kito gonyiinii mahlyii hang kito, samlat hang kito, sateichii swirek kati hang kito niki takle;

1 KORENMEI 1:5 Referans Kwoze

2 KORENMEI 9:11

Tinglang kaleita kamathii katu gasii meigo pyiiti kabui jangpii mpounii gonyiigo tii- manipyii tangle, kadapokii teitei- piinii nyii dato ahnyiinii doukalu gonyiimah kapyii hang jangpii mei hangkanii Saraago hakalang tam tangle.

2 KORENMEI 8:7

Mahlyii hang kito gonyiinii Kristen kaki- meihang doireile: Gonyiinii Krista dakii kamalum kito, Gonyiinii kabi rasam tam ka-mpat kito, gonyiinii kasang swirek kati kito, gonyiinii nga ngakanyii kito, sateichii gonyiinii nyii jangpii lungkasyii kito. Teijangpiinii Kristenmei mah lungkasyii tha ki aitodo Inii gonyiigo kakimei doi reimatu nyiile.

KOLOSIMEI 2:3

Mpounii Saraamah kabai kabam kani kahiimah swirek kabi ninado swirek katimah kabi kani kahii hang go laat mpatsii kalei chabyii teile.

PILIPIMEI 1:9

Kasang swirek kabi ninado lungswi kati kangouhang tei kaswisii gonyii mah lungkasyii tei kisii kisii dibuibui matu tang karam jangpii Inii riitale;

ROMMEI 15:14

Kangsanamei, kabipiinii gonyii dato tokryiisii leile, swirek kati hang doutakle sateichii hangninanii hang- niniigo tampyii ralipyii buile katu tei Iniido gonyii kaang kito malum takle.

JEMS 3:13

Gonyii kak kito kasakai satei- chii kati tei tapo? Swirek kabimah kamanoi teipii, ahmah kabi tiilung kalung teipii, ahmah thalyii hangtei ahnii mangou matulo.

KOLOSIMEI 3:10

Sateichii teigo tiikapyii mah khii njoi taiswisii swikati kito tiiranu tiisatei kabam, mei kasatai gotei nat kai kalei takum kai wotakle.

IPISAMEI 6:19

Sateichii kabi rasam mah kathok kamakum tei Inii tamsii timatu wokabui jangpii, sateichii Inii tam tang karam jangpii gu mwi kokga kapat tinglang kak, tam tang karam samtei Saraanii n-gu pyii kabui tiisii gujangpiiniido riita khangpyiilo.

IPISAMEI 1:17

Sateichii gonyiigo tiisakai pyii tang karam ninado gonyiinii mpougo tikabui jangpii, gonyii dakii Saraago mati mangoupyii tang karam, rangii tei gonyii dakii pyii matulosii, kangam Pfii, nyii Bangpii Jisu Krista dato Inii khangsii leile.

1 KORENMEI 12:8

Kadaponii mei hangninii dakii rangii paikito swirek kabi samtam, sateichii mei kaki hangninii dakii njoi katu rangii teinii swirek kati mah samtam tei pyiibam takle;

2 PITAR 3:18

Nlenii jumage kapyii kito sateichii nyii Bangpii, nyiigo keikapyiipii Jisu Kristamah swirek kati kito dikhiilo. Mpou dakii aitoido kalui kaga katangdo pumtei kava tei matulo Amen.

IPISAMEI 3:8

Saraago kamalum meihang kak kito ka-nkhii khiisang tei I-le, teitii kido fiipei kalak Kristamah kani kahiimah kaang kito luikakimei dakii kabi rasam ai tam ralipyii matu tang karam tinglang kabi ai Saraanii n-gu pyiile.

IPISAMEI 2:7

Mpounii ai ai tiile, kadapokii gongtang karam tinglang hang kito Krista Jisu dato nyiigo mpoumah ajhii sakpei kalak jumage kapyii kanitei mpounii mangou tang karam jangpiile.

1 KORENMEI 13:2

Sateichii lungkakaling mah teimaham hangtei leikado satei- chii Inii Saraa sam tam ka-mpat mah luha tei dou kado, kamakum sam hang sateichii swirek kati hangtei tiwo kado sateichii zang hang go bam tii-nlai kabui mah kamalum hangtei Inii lei kado, lungkasyii tei galeponii Inii samah kado makle.

2 KORENMEI 4:6

Tii mpat kareiki Saraanii kakhatle, “Kamyii kito kava tei vamatulo.” Aimah njoi Saraa ainii mpoumah kava tei nyii lung kitodo vamatule. Kava ainii Krista ju kito vakalei Saraamah pumtei kava tei nyiigo timatule.

1 KORENMEI 14:26

Teitiileponii kangsanamei, tei- tei kadapeipo? Saraago mata tang karam jangpii gonyiinii gong ndwi katu kak, meihangni hangninanii Saraa kamaning lhii kado, mati mangou kapyii kado sam katam kado, tam kalei gotei kadat mpat katu kado, mahlyiihang tei Charshgo tiiha matu tang karam jangpii tiimatulo.

1 KORENMEI 13:8

Lungkasyii teinii kalui gale, Saraa sam tam ka-mpatmei kangkii leile. Nlenii ahnyii teinii shangniikii jangpiile, lat katham katham katam mah luha hangkii leile, swirek kati tei leile, nlenii teiteinii gatu tangle.

1 KORENMEI 12:10

Sateichii kaki hangninii dakii kamadat tha tiikabui mah luha, kaki hangninii dakii Saraa sam tam ka-mpat, kaki hangninii dakii rangii hang go juti tang karam, kaki hangninii dakii katham katham lat katii, kaki hangninii dakii lat katham katham gotei tam kalatpyii tang karam mah pyiibam takle,

1 KORENMEI 8:11

Kadapokii gomah swirek kati teipii Kristanii mpou tung tiisii tai kapyii, kamalum kasui gosanapii gotei tiimaga takle.

ROMMEI 15:4

Kadaponii kabi rasam kito ryiikabam mah leh kati sateichii lung tiimadi kapyii paikito nyiinii maning kamalum tei doutang karam jangpii leimik karei kito ryii kabam hangtei nyiigo ralipyii tang karam jangpii ryiibam takle.

ROMMEI 11:12

Sateichii Jehudimei mah kakui kama teipii sazyii pouryiikii kani tei pung gongle sateichii ahnyiimah rangii kasui teipii luikakimei hang dakii kani tei pung gong lepochiinii Jehudimei kalei kaga hangtei poi ndwi leponii satoi tei kadaziikapii diki tangpo?

TIILAMLWI KAPYIIMEI THA JUKAMATI 2:4

Teito ahnyii mei kalei kaga rangii kama- teipii tokryiisii, rangii teinii ahnyiigo malhii matu katu taiswisii lat katham katham tiisii malhii haotu takle.

2 KORENMEI 6:10

Nyiigo swi tiika- mage kado, tinglang kaleita nyiinii ntale; nyiinii mah kagamei takumle, nlenii mei hangkiigo nyiinii mah tiimani pyiile; nyiinii mah kado kaga takumle, nlenii kasangpii nyiinii mahlyii hangtei bamle.