1 KORENMEI 1:21 - KARANU KABI SAMTAM

²¹ Kadaponii Saraanii mpoumah swirek kabi kito, sazyii pouryiimeinii ahnyiimah swirek kabi teiroinapii mpougo timatu sutakle. Nlenii nyiinii tam ralikapyii kapang kamang mah samtam teipii malum kalumei hang go keipyii tangle katupii Saraanii satto takle.

1 KORENMEI 1:21 Referans Kwoze

LUKNII KARYII KABI RASAM JUKAMATI 10:21

Tei tinglang sek-kii mpounii rangii kamatei mah teimaham paito ka-ntapii tokryiisii tamle, “He gu pfii sating ninado Sazyii pouryii mah Bangpii, Inii n-go halang takle. Dapochiinii nangnii aihang aigo kasakai ninado katimei dato poi kabaibam siinii nahmei kacheng meihang dakii mangoupyii takle. Nle, gu pfii, dapochiinii aipiinii go mikjot kito kasat teile.

METIU 11:25

Teitinglangki Jisunii saa mpatle, “Sating ninado Sazyii mah Bangpii, gu pfii, Inii n-go halangle; dapochiinii nangnii aihang aigo kasakai ninado katimei dato poikabei bamsanii nahmei kachengmei hang dakii mangoupyii takle.

IPISAMEI 3:10

katunii, charsh paikito sating gam mah pum katiimei sateichii sating gam sazyii kito kalei teimaham hangnii Saraamah swirek kabi tei jai katham katham tiisii aitoi timatu tang karam jangpiile.

1 KORENMEI 1:24

Nlenii latkalu Jehudimei jangpii sateichii Grikmei jangpii- niido Krista ai Saraamah teimaham sateichii Saraamah swirek kabi teile.

ROMMEI 1:28

Kadaponii ahnyiinii Saraa mah kasang swikati tei lung kikii kaibam kasu jangpii Saraanii swilat kashyii kahong kikii sateichii ajai tingshang kashyii kikii kai aitakle.

ROMMEI 11:33

Saraa mah kani kahii hang ai kadaziikapii dipo! mpou mah swirek kabi ninado maati tei kadaziikapii tukpo! mpoumah samtak sateichii mpoumah pwidi tei tanii fiiwo buipo!

LUKNII KARYII KABI RASAM JUKAMATI 12:32

“Hing sulo, Jaonah kachengmei! Kadapochiinii gonyii dakii sating sazyii pyii katu tei gonyii Pfiinii kamarei teile.

JONNII KARYII KABI RASAM JUKAMATI 12:31

Sazyii pouryii aigo samtak tiitang karam tinglang tei aitoile, sazyii pouryii mah apum katiimeigo baatoi tang karam tinglang tei aitoile.

1 KORENMEI 1:18

Kadapokii Kristanii Krosh gamto kataimah samtam ai magasii kaleimei jangpiinii kamangle, nlenii keikapyii doukalu nyii jangpiinii teitei Saraa mah teimaham teile.

1 KORENMEI 1:23

Nlenii Jehudimei jangpiinii pi kapaswi kuitu sateichii lui kakimei jangpiinii kapang kamang tiisii kalei, krosh gamkii dhangsii gikalei Krista mah kaang kito nyiinii tam ralipyiile.

1 KORENMEI 1:25

Kadaponii Saraamah kapang kamang teinii meinah sung kisii sakaile; sateichii Saraamah kasui teinii meinah sung kisii teile.

1 KORENMEI 1:27

Nlenii kasakai meigo tii-nrou tang karam jangpii sazyii pouryiito kapang kamangmei gotei Saraanii kalai wotakle; sateichii kateimeigo tii-nrou tang karam jangpii, sazyii pouryiimah kasuimei gotei Saraanii kalai wotakle;

1 KORENMEI 2:14

Rangii haikasumei teinii Saraa rangiimah luha tei doumakle, kadapokii teitei mpou datonii kapang kamangle, sateichii mpounii teitei tipei wolakle. Kadaponii teiteinii rangiilamto kagongle.

1 KORENMEI 4:10

Nyiinii Krista jangpii kamang meile, nlenii gonyiinii Krista dato kasakai meile; nyiinii kasuile, nlenii gonyiinii kateimeile; gonyiinii tam kamatoi doule, nlenii nyiinii ju kashyii tei doule.

1 KORENMEI 6:2

Kamatei meinii sazyii pouryiimeigo samtak tiitangle katu timakpo? Sazyii pouryiigo gonyiinii samtak tiileponii, siiset kacheng gotei gonyiinii samtak tiipeiwo lakpo?

1 KORENMEI 11:32

Nlenii Bang- piinii nyiigo samtak tiile sateichii dwisii ratle, daponii nyii aigo sazyii pouryiigo kaswisii kama luikailak tang karam jangpii.

GALATIMEI 1:15

Nlenii n-gu lung kasunato Saraanii mpou mah jumage kapyii kito n-gu kalai wotakle sateichii mpou nga ngalosii latto takle;

GALATIMEI 4:8

Gonyiinii Saraago tisupiinii kalei karei tinglangki, nunuto sara kasuhang go gonyiinii maningsii leile.

IPISAMEI 1:9

Saraanii tii- tanglesii kamaning tei mpounii sat kalu tiitang karam kamakum kamaning tei nyii dakii matipyiile.

KOLOSIMEI 1:19

Kadapokii mpou dato Saraamah katokryii hangtei leitang karam,

HEBRUMEI 1:14

Sating gamlui hang ai kada- peipo, teitiileponii? Ahnyiinii Saraa nga ngasii kalei ninado keikapyii karing doutang karam meigo tiiha matu tang karam jangpii mpounii m-mang kabam rangii teile.

HEBRUMEI 2:3

Teitii leponii tei kakum kadi keikapyii karing gotei nyiinii alung liit suleponii, kada takumpii nyiinii nlek wotangpo? Bangpii sekpiinii karei reisang kito keikapyii karing ai saa mpat takle, sateichii mpounii katam swikasumei hang teinii maning kariirhii gasii ai ai kasangle katupii nyii dakii ma- ngoutakle,

HEBRUMEI 7:25

Teijangpii mpoumah paikito Saraada manang kagong mei hang go tinglang kaleita mpounii kei- kapyiido ngamle, kadapokii mpounii ahnyii jangpii riita khangpyii tang karam jangpii taksupii ringsii leile.

JEMS 4:4

Gonyii sapwimei sapfiimei kashyii kahong tha katiimei! Sazyii pouryiigo kanghe katii ai Saraago ngou karoumeile katu gonyiinii timakde? Teijangpii kata kangkanii sazyii pouryiigo kanghe tiikanyiimei teinii ah roinapiinii ahgo Saraamah angouroumei tiisii leile.

JEMS 5:15

Sateichii kamalum meimah ka- riita teipiinii rakanipii gotei keipyii tangle sateichii Bangpiinii ahgo kok matupyii tangle; sateichii ahnii kama tiibam leponii, ahgo kaleipyii tangle.

JEMS 5:20

kem katii hangniniigo ahmah kama pwidi kito pang nlai kagongmei hangteinii kem katii- piimah rangii tei katai kito keipyii tangle sateichii kama hangkii maga kapyii tei pung gong tangle katu tei ahnii timatulo.