1 JON 5:20 - KARANU KABI SAMTAM

²⁰ Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

1 JON 5:20 Referans Kwoze

JONNII KARYII KABI RASAM JUKAMATI 17:3

Sateichii hangni- niisang hangninii roinii kalei kasang Saraa Ahgo ninado Ahnii lang kamagong Jisu Kristago nyiinii tikatu ai; kalui kaga karing teile.

LUKNII KARYII KABI RASAM JUKAMATI 24:45

Teito ahnyiinii kabi rasam tiwo kabwi jangpii mpounii ahnyii swi tei laatpyii takle.

JONNII KARYII KABI RASAM JUKAMATI 14:9

Jisunii khekalatle, “Tinglang aitiiziika kathang ai Inii gonyiigo kaswisii bam takle, teitii kido nang n-gu timakpo, Filip? N-gu ngou kalumei hangteinii Pfiigo ngoutakle, teitii leponii, nang dajangpii ‘Pfii gotei nyii dakii mangoulo,’ sii tam leipo?

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

1 JON 5:1

Jisugo Kristale katupii kamalum meihangnii Saraa nahmeile sateichii Pfiigo lungkasyiimei hang- teinii mpougodo lungsyiile.

JONNII KARYII KABI RASAM JUKAMATI 20:28

Thomasnii mpougo khekalatle, “Gu Bangpii ninado gu Saraa!”

MATIMANGOU KAPYII 3:7

“Philadelphiya kito kalei charsh- mah rangii dakii ryiilo, kamatei, kasang, Devit mah chabyii jumsii kalei, laat aisekchii mei kaniido takam kalak, sateichii takam aisekchii mei kaniido laat kalak ah teinii sam hang ai tam leile.

1 JON 4:16

Sateichii Saraanii nyii jangpii lungkasyii kalei tei nyiinii tile sateichii malumle. Saraanii lungkasyiile, sateichii lung- kasyii kito taksupii kalei ah teinii Saraa dato taksupii leile, sateichii Saraanii ah dato taksupii leile.

ROMMEI 9:5

Ahnyii teinii Hebrumei peipao dato lung humle, sateichii meinah hangninii tiisii Krista tei, ahnyii mah atat areng kitole, kalei kaga hang pyiiryiito apum tiikalei Saraago tei kalui gasii tam matoi matulo. Amen.

JONNII KARYII KABI RASAM JUKAMATI 10:30

I ninado Pfii teinii hangniniile.”

1 JON 4:2

Aipiinii Saraamah rangii gotei gonyiinii tiwo buile: Jisu Kristanii pumzai pungsii gonglesii katam rangii hangtei Saraa datole;

1 JON 2:6

Saraa dato leilesii tamsii kalei ah teinii Jisu Kristanii tat kalei takum- piinii mpouniido tat tang karamle.

HEBRUMEI 1:8

Nlenii Nah sapfii mpoumah kaang kito mpounii tamle, “O, Saraa, gomah sating sazyii tei kalui tiisang tiimakle, sateichii kagu kapang gasii nangnii gomeigo apum tiisii lungle.

TAITAS 2:13

Nyiimah Saraa kadi sateichii Keikapyii Jisu Kris- tamah pumtei kava tei kadadou gong tangposii, nyiinii maning malumsii kalei satoi kapyii leimik piinei gotei nyiinii koikalei kak.

TIILAMLWI KAPYIIMEI THA JUKAMATI 20:28

Mpounah mah zai sekpiinii lyii kalu Saraamah Charsh go kamakot, gonyii roinapii ninado Jaokoi hang kiteito machyii wolo; rangii kamateinii gonyiigo jaokoi teimah kakoimei tiipyii takle.

JONNII KARYII KABI RASAM JUKAMATI 17:14

Inii gosam tei ahnyii dakii pyiitakle sateichii sazyii pouryiinii ahnyiigo ngourou takle. Kadapokii Inii sazyii pouryii mah kasu takumpii, ahnyiido sazyii pou- ryii mah makle.

MATIMANGOU KAPYII 19:11

Teito Sating gam laat kabam tei Inii ngoutakle, sateichii julo, takoi kaha ninado malum kabui ninado kasangsii kalat ahteinii tei phyiiryii tei tong leile, sateichii kasang kamajyii kito ahnii samtak tiileile ninado saryii tiileile.

MATIMANGOU KAPYII 15:3

Sateichii ahnyiinii Saraaki kaleipii, Moses mah ninado jaonah mah lhii tei aitiisii tiile: “Bangpii Saraa kadi, gomah tha hangtei daziikapiinii madatpo! Luihang mah sagong, gomah pwidi hangtei kadaziikapiinii majyiipo sateichii kasangpo!

MATIMANGOU KAPYII 6:10

Ahnyiinii rok sagoisii saale, “Kamatei ninado kadi kathang Bangpii!” Sazyii pouryii lung kalei- meigo tinglang kada thakii samtak tei tiisupii sateichii nyiigo kagimei- mah powtei ruisupiinii bam tangpo?

MATIMANGOU KAPYII 3:14

“Laodisiya, kito kalei Charsh- mah rangii dakii ryiilo, Amen sii kalat, malum kabui ninado kasang sakchyii Saraa baichem mah apum katii Ah teinii sam hang ai tam leile.

1 JON 4:14

Sateichii Pfiinii nah sapfii mpou gotei sazyii pouryiimah keikapyiipii tiisii lang m-mangpyii takle katu nyiinii ngoutakle sateichii sakchyii pyii leile.

PILIPIMEI 3:9

Kadapokii ajaiting- shangnii katam swikalu kito kadou, gumah kasang kamajyii tei supii, kamalum paikito Krista dato kadou, Saraa dato kamalum taiswisii kadou kasang kamajyii tei aitoinii Inii dousii Inii Kristago katong dou wosii mpougo tiigatpii njasii hangninii tiiwo kabui jangpii,

2 KORENMEI 4:6

Tii mpat kareiki Saraanii kakhatle, “Kamyii kito kava tei vamatulo.” Aimah njoi Saraa ainii mpoumah kava tei nyii lung kitodo vamatule. Kava ainii Krista ju kito vakalei Saraamah pumtei kava tei nyiigo timatule.

JONNII KARYII KABI RASAM JUKAMATI 15:4

Gudato taksupii leilo, sateichii Inii gonyii dato taksupii leitangle. darkha bang kiteito kha teinii taksupii lei sule- ponii, ah roinapii ti matipei kalak takumpii, gonyiinii gudato taksupii lei suleponii, gonyiido ti matipei wolakle.

JONNII KARYII KABI RASAM JUKAMATI 14:23

Jisunii mpougo khekalatle, “N-gu lungkasyiimei hangnii gumah karali tei switangle. Gu Pfiinii ahgo lungsyii tangle, sateichii Gu Pfiinii ninado Inii ahda gongsii ahgo kaswisii lungtangle.

JONNII KARYII KABI RASAM JUKAMATI 14:20

Teipiinei leimik tei gongsekchii, Inii gonyii dato kalei takumpii, Inii Pfii dato leile sateichii gonyiinii gudato leile katu tei gonyiinii tigong tangle.

JONNII KARYII KABI RASAM JUKAMATI 14:6

Jisunii mpougo khekalatle, “Pwi- dido, kasangdo sateichii karingdo I-le, gu paikito supii meikaniido Pfii datei gong womakle.

JONNII KARYII KABI RASAM JUKAMATI 1:18

Saraago mei kaniido ngousang ngoumakle, Saraago njoisii kalei, Pfii dato kalei, nah sapfii mpou teinii mpougo mati mangou pyiile.

LUKNII KARYII KABI RASAM JUKAMATI 21:15

Kadapochiinii gonyiigo ngou karoumei hangnii gonyii phyiiryiito nryiipei kalak mak-kii malhiipei kalak samtam ninado swirek kabi tei Inii gonyii dakii pyiitangle.

METIU 13:11

Sateichii mpounii ahnyiigo khekalatle, “Sating gam sazyii mah kamakum samtei timatu tang karam jangpii gonyii dakii pyiibam takle, nlenii ahnyii dakiinii pyiimakle.

1 JON 2:24

Gonyiinii saroisekto shiikalu tei gonyii dato taksupiinii leimatulo. Gonyiinii saroisekto shiikalu tei gonyii dato taksupii leileponii, gonyiiniido nah sapfii mpou dato sateichii Pfii dato taksupii leitangle.

IPISAMEI 3:18

teimah det kamaja, ta kathang, sagoi ninado kathok tei kadapeipo katu tei gonyiinii kama- teimei hang go kaswisii titang kabui,

2 KORENMEI 5:17

Teijangpii mei kata hangninanii Krista dato leileponii, ahnii karanu baichemle; kaham tei tat maju aitakle; julo, karanu tei gong takle.

1 KORENMEI 1:30

Nlenii Saraanii gonyiigo Krista Jisu dakii poi njapyii takle, sateichii Saraanii nyiijangpii Krista aigo nyiimah swirek kabi tiipyii takle, mpou paikito nyiihang go Saraa doito tiimadi pyiitakle; nyiinii Saraa mah kamateimei tiitakle sateichii matapii laat mpatpyii takle.

JONNII KARYII KABI RASAM JUKAMATI 17:25

Oh kasang kamajyii pfii, sazyii pouryii- nanii n-go timakle, nlenii Inanii n-go titakle; sateichii nangnii n-gu lang magongle katu tei ahnyiinii titakle.

JONNII KARYII KABI RASAM JUKAMATI 8:42

Jisunii ahnyii dakii tamle, “Saraa ai gonyii Pfii leponii, gonyiinii n-gu lungsyii tangle; dapokii Inii Saraa dato patsii gongtakle, Inii gumah kamaning kamazhiipii gong- makle, nlenii mpounii n-gu lang magongle.

1 JON 2:23

Nah sapfii mpougo mazhii ka- sumei hangteinii pfiigodo doumakle, nah sapfii mpougo kamazhii ah teinii pfiigodo doule.

1 JON 5:5

Sateichii Jisugo Saraa nahlesii kamalum ah tei supiinii, sazyii pouryiigo kangam ah tei tapo?

1 JON 5:15

Satei- chii nyiinii kakhang hang mpounii shiipyiile katu nyiinii tileponii, nyiinii mpou dato kakhang hangtei doutakle katu nyiinii tile.

1 JON 5:18

Saraa dato manaa kalu meihangnii kem tiisii leimakle, kadapokii Saraanah sapfii mpou teinii ahgo tiigatpii jumatousii leile sateichii sara kashyii teinii ahgo tiimashyiipei wolakle katu nyiinii tile.