1 JON 5:19 - KARANU KABI SAMTAM

¹⁹ Nyiinii Saraamahle, sateichii sazyii pouryii hangnii sara kashyii kang nkangsii leile katu nyiinii tile.

1 JON 5:19 Referans Kwoze

2 KORENMEI 4:4

Ahnyiinii malum makle, dapokii sazyii pouryii mah sara kashyii teinii ahnyii lungswi tei kamyii kikii kai aitakle. Saraamah njoi karei takum sek katu Kristamah pumtei kavamah kaang kabi rasam kito kagong, ahnyii phyiiryiito vakalei kava tei mpounii ahnyiigo mangou sutakle.

IPISAMEI 2:2

Tei tinglangki gonyiinii sazyii pouryiimah kashyii tai tei swisii, aitoi tinglang ki Saraanii katam swikasu sating nei sazyii kak kamarong kito apum tiisii kalei rangiimah teimaham hang gotei gonyiinii kaswisii leile.

GALATIMEI 1:4

Nyii Pfii ninado nyii Saraamah kamaning kamarei taiswisii tingnei- shang kashyii kahong sazyii pouryii ki aito nyiigo keipyii tang karam jang- pii, mpou pum sektei nyii kem jang- piinii pyiitakle.

JONNII KARYII KABI RASAM JUKAMATI 12:31

Sazyii pouryii aigo samtak tiitang karam tinglang tei aitoile, sazyii pouryii mah apum katiimeigo baatoi tang karam tinglang tei aitoile.

MATIMANGOU KAPYII 12:9

Ndou peipaomei mah sanhii, mwigatpwi sii kalat sara kashyii ninado seitan–- kasang kasupii chuisii kahem ah gotei sazyii pouryiikii toi m-mang aitakle, sateichii ahmah sating gamlui hangtei ahgo kaswisii toi m-mang aitakle.

JONNII KARYII KABI RASAM JUKAMATI 16:11

sateichii samtak katii mah kaang kito, sazyii pouryii aimah apum katiipii gotei samtak tii aitakle.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

1 JON 5:13

Saraa nah sapfii mpou zei kito kamalum gonyii dato kalui kaga karing leile katu gonyiinii titang karam jangpii, Inii ai ai ryii leile.

JEMS 4:4

Gonyii sapwimei sapfiimei kashyii kahong tha katiimei! Sazyii pouryiigo kanghe katii ai Saraago ngou karoumeile katu gonyiinii timakde? Teijangpii kata kangkanii sazyii pouryiigo kanghe tiikanyiimei teinii ah roinapiinii ahgo Saraamah angouroumei tiisii leile.

JONNII KARYII KABI RASAM JUKAMATI 14:30

Inii gonyiigo kaswisii karashii mathang wolak takle, dapodinchii sazyii pouryii mah apum katiipii tei gonglei takle, sateichii ahnii guphyiiryiito teimaham samah kado gale.

1 JON 5:10

Saraa nah sapfii mpougo kamalum ah teinii ah roinapii sakchyii tei leile, Saraago malum kasu ahteinii mpougo chuimatu aitakle, kadapokii Saraanii mpounah sapfii mpou mah kaang kito pyii kabam sakchyii tei ahnii malum sutakle.

1 JON 3:24

Sateichii mpoumah ka- khatsam kaswimei hangteinii mpou dato taksupii leile, sateichii mpounii ahnyii dato leile. Sateichii mpounii nyii dakii pyii kabam rangii aipiinii mpounii nyii dato taksupii leile katu nyiinii tile.

MATIMANGOU KAPYII 20:3

Kathok nlai kaga ahom lungkii toikai aitakle, sateichii tingkum tangkii tei sang kasuta ahnii luihang go chuisii hem matulak tang karam jangpii chabyii kai aisii ah gamkii seal kai aitakle. Aitaito ahgo tinglang shangniika jangpii mpat tang karamle.

1 JON 5:18

Saraa dato manaa kalu meihangnii kem tiisii leimakle, kadapokii Saraanah sapfii mpou teinii ahgo tiigatpii jumatousii leile sateichii sara kashyii teinii ahgo tiimashyiipei wolakle katu nyiinii tile.

2 KORENMEI 5:1

Kadapokii nyiinii lungkalei sazyii pouryii mah dwipeiki ai tiimaga aileponii, meinah bahpii tiikasu aki, sating gamto kalui gasii lungtang karam nitei, Saraa dato nyii jangpii leile katu nyiinii tile.

ROMMEI 8:16

Nyii hang Saraa mah nahmeile katu rangii sekpiinii nyii mah rangii go sakchyii kapyii teile.

1 JON 3:14

Nyiinii katai kito majusii karing kitei liit takle katu nyiinii tile, dapodinchii nyiinii nyii sanameigo lungsyiile. Lungsyii kasu ahteinii katai kito taksupii leile.

TAITAS 3:3

Dapokii ndounii nyiido kapang kamang, katam swikasu, dhiisii tat katu, kathaam kathaam pumzai mah kamarei ka-ntha ninado kasamou hang mah kikaleimei tiisii kem ninado kamaimhii kito nyii tiilung lungsii meihangpii nyiigo ngourousii ninado nyiinii ahnyiigo ngourousii leile.

2 TIMOTHI 1:12

Sateichii kaang aihang jangpii kamage kalak hang ai Inii dousii leile, nlenii Inii aitoido maning kamalum teipii tokryiile, daponii Inii malum kalei mpougo Inii tile, sateichii mpounii gudakii pyiikabam tinglang leimik katang tei mpounii n-gu koipyii jupyii wobuile katu tei Inii malumle.

2 KORENMEI 1:12

Kadapokii det tiikalei teinii aile; kabi kashyii tikabui nyii lungswi mah sakchyii, katunii, sazyii pouryii aito nyiinii tiilung lung kamatwi sateichii arou tiisii nyiinii gonyiigo ahai areng kabam kito, Saraanii pyiikabam kamatei ninado kasamsang teipii apum tiile, sazyii pouryiimei mah swirek kabi teipiinii makle; nlenii Saraamah jumage kapyii teipiiniile.

LUKNII KARYII KABI RASAM JUKAMATI 4:6

Sateichii sara kashyii teinii mpouda tamle, “Inii aihang mah teimaham sateichii ahnyii hang mah pumtei kava tei godakii pyiitangle; dapochiinii aihang ai gudakii pyiibam takle, Inii pyii kanyii mei dakii pyiiwo buile.

JONNII KARYII KABI RASAM JUKAMATI 17:15

Ahnyiigo sazyii pouryiito poitoi losii Inii godato riita makle, nlenii kashyii kiteito ahnyiigo koipyiilosii Inii godato riitale.

1 JON 5:15

Satei- chii nyiinii kakhang hang mpounii shiipyiile katu nyiinii tileponii, nyiinii mpou dato kakhang hangtei doutakle katu nyiinii tile.