1 JON 5:13 - KARANU KABI SAMTAM

¹³ Saraa nah sapfii mpou zei kito kamalum gonyii dato kalui kaga karing leile katu gonyiinii titang karam jangpii, Inii ai ai ryii leile.

1 JON 5:13 Referans Kwoze

JONNII KARYII KABI RASAM JUKAMATI 20:31

nlenii Jisu ai Saraa nah sapfii mpou Kristale katu tei gonyiinii malum matutang karam jangpii sateichii malum wosii gonyiinii mpou zei kito karing tei doumatutang karam jangpii aihang ai ryiikai bamle.

JONNII KARYII KABI RASAM JUKAMATI 1:12

Nlenii mpougo lukakaimei hang go, mpou zei kito malum kalumei hang go, Saraamah nahmei tiimatu tang karam mah teimaham tei mpounii pyiitakle;

1 JON 3:23

Sateichii ai ai mpoumah kakhatsamle, katunii, mpounah sapfii mpou Jisu Krista zei kito nyiinii malum tang karamle sateichii mpounii nyii dakii kakhat kabam takumpii, hangninanii hangniniigo nyiinii kalungsyii tang karamle.

JONNII KARYII KABI RASAM JUKAMATI 3:18

Mpougo kamalum mei goteinii samtak tiipyii makle, malum kasu- mei hang goteinii samtak tii aitakle, kadapokii mpounii hangniniisang hangninii roinii kalei Saraa nah sapfii mpou gotei malum makle.

1 JON 2:21

Gonyiinii kasang tei tikasu jangpii Inii ryiimakle, nlenii gonyiinii teitei kati jangpii sateichii kachui katu ai hangninii kado kasang kito gong makle katu kati jangpii ryiile.

GALATIMEI 4:6

Gonyii ai mpounah sapfiimei hangle katu mangoutang karam jangpii “Abba! Gu Pfii!” Sii saa ka-mpat, mpounah sapfii mpoumah rangii tei Saraanii gonyii lung kikii langkai pyiitakle.

1 JON 5:10

Saraa nah sapfii mpougo kamalum ah teinii ah roinapii sakchyii tei leile, Saraago malum kasu ahteinii mpougo chuimatu aitakle, kadapokii Saraanii mpounah sapfii mpou mah kaang kito pyii kabam sakchyii tei ahnii malum sutakle.

1 JON 2:1

Gunahmei, gonyiinii kem tiikasu tiisii Inii ai ai gonyii dakii ryii leile; nlenii mei kata hangninanii kem tiileponii, Pfii doito nyii jangpii satsii sam tampyii tang karam, kasang kamajyii Jisu Krista leile.

1 JON 1:4

Nyiimah ka-nta ai matwi mashang matu tang karam jangpii nyiinii ai ai ryii leile.

1 PITAR 5:12

Malum kabuimei hangninii tiisii Inii poikalei nyii sanapii Sailas mah tiikaha kito gonyii dakii Inii dwisii ryiileile, katunii, Inii tam katwisii, ai ai Saraamah kasang jumage kapyii teilesii sakchyii pyii leile, gonyiinii jumage kapyii ailung aito sangtingsii satlo.

2 KORENMEI 5:1

Kadapokii nyiinii lungkalei sazyii pouryii mah dwipeiki ai tiimaga aileponii, meinah bahpii tiikasu aki, sating gamto kalui gasii lungtang karam nitei, Saraa dato nyii jangpii leile katu nyiinii tile.

TIILAMLWI KAPYIIMEI THA JUKAMATI 4:12

Sa- teichii mei kaki hangninii dakado keikapyii karing tei gale, kadapokii nyiigo keipyii tang karam, meihang dakii pyiikabam sating kang aito zei kaki hangninii kado gale.”

JONNII KARYII KABI RASAM JUKAMATI 2:23

Jisunii kaakamaju takbai tinglangki Jerosalem kito kabam ki kak, mpounii tiikamangou hangtei ngou wosii meihangkanii mpougo malum wotakle.

1 JON 2:26

Gonyiigo chuisii hemtang karam jangpii tiisii kaleimei mah kaang kito Inii gonyii dakii samhang ai ryiile.

TIILAMLWI KAPYIIMEI THA JUKAMATI 3:16

Sateichii mpougo kamalum kito gonyiinii ngou kalei ninado tikalei sapfii mpou aigo mpou zei teipiinii tiisangtingpyii takle; nle mpou paikito kamalum tei piinii gonyiihang doito mpougo tii-mbi kapyii ai pyiitakle.

JONNII KARYII KABI RASAM JUKAMATI 21:24

Aihang mah sakchyii kapyii ninado aihang ai ryii katu boumei tei aile; sateichii mpoumah sakchyii ai kasangle katu nyiinii tile.

JONNII KARYII KABI RASAM JUKAMATI 5:24

“Inii gonyii dakii kasangpii tam leile, gusam shiisii ninado n-gu lang kamagong ahgo malumsii kalei ahteinii kalui kaga karing tei doutakle; sateichii samtak katii kitei ahnii hailakle, nlenii ahnii katai kito karingki kaamajupat wotakle.

1 JON 2:25

Sateichii mpounii nyii dakii pyii tanglesii riishii tiikabam tei aile, katunii, kalui kaga karing teile.

1 JON 4:9

Sateichii mpounah sapfii mpou fiilipiigo sazyii pouryiikii lang m-mangkapyii teipii Saraanii nyii jangpii mpoumah lungkasyii tei mangoule, dapokii mpoumah paikito nyiinii karing tei doumatu tang karam jangpiile.

1 JON 5:11

Sateichii sakchyii tei aile, katunii Saraanii nyii dakii kalui kaga karing tei pyiile, sateichii karing tei mpounah sapfii mpouda leile.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.