1 JON 5:1 - KARANU KABI SAMTAM

¹ Jisugo Kristale katupii kamalum meihangnii Saraa nahmeile sateichii Pfiigo lungkasyiimei hang- teinii mpougodo lungsyiile.

1 JON 5:1 Referans Kwoze

1 JON 2:29

Mpou ai kasang kamajyii teile katu gonyiinii tileponii, kasang tiisii kaleimei hang godo mpounii manaapyii takle katu gonyiinii tile.

JONNII KARYII KABI RASAM JUKAMATI 8:42

Jisunii ahnyii dakii tamle, “Saraa ai gonyii Pfii leponii, gonyiinii n-gu lungsyii tangle; dapokii Inii Saraa dato patsii gongtakle, Inii gumah kamaning kamazhiipii gong- makle, nlenii mpounii n-gu lang magongle.

1 JON 4:7

Lungkasyiimei, nyiinii hang- ninanii hangniniigo kalungsyiide, dapokii lungkasyii tei Saraa datole sateichii lungkasyiimei hang Saraa dato manaa takle, sateichii Saraago tile.

1 JON 3:14

Nyiinii katai kito majusii karing kitei liit takle katu nyiinii tile, dapodinchii nyiinii nyii sanameigo lungsyiile. Lungsyii kasu ahteinii katai kito taksupii leile.

1 JON 5:4

Kadapokii Saraa dato manaa kalumei hang teinii sazyii pouryiigo ngamle sateichii sazyii pouryiigo jangsai tiikalu kangam tei aile, katunii, nyiimah kamalum teile.

1 JON 4:20

Mei kata kangkanii, “Inii Saraago lungsyiile” sii tam takpokii, kangsanapiigo ngourou leponii, ahnii kachuimeile. Kadapokii ngoukalu kangsanapiigo lungsyii kasu ah teinii mikpiinii ngoukasu Saraago lung- syiipei wolakle.

1 JON 3:9

Saraa dato manaa kalumei hang- tei kem tiimakle. Dapokii Saraamah lwirou tei mpou dato taksupii leile, sateichii mpounii kem tiisii leiwo lakle. Dapokii ahnyii Saraa dato manaa takle.

JONNII KARYII KABI RASAM JUKAMATI 3:3

Jisunii mpougo Khekalatle, “Inii n-go kasangpii tam leile, mei kata hangninanii manaaloi suleponii, mpounii Saraa mah sating sazyii tei ngoupei wolakle.”

METIU 16:16

Simon Pitarnii khekalatle, “Nang karing Saraanah sapfii mpou teile.”

1 JON 2:10

Mpou sanapiigo lungkasyii ahteinii kava kito taksupiinii leile sateichii ahdato pi pasui tang karam gale.

JONNII KARYII KABI RASAM JUKAMATI 15:23

N-gu ngoukarou meihang teinii gu Pfii godo ngouroule.

1 JON 4:2

Aipiinii Saraamah rangii gotei gonyiinii tiwo buile: Jisu Kristanii pumzai pungsii gonglesii katam rangii hangtei Saraa datole;

1 PITAR 1:3

Nyii Bangpii Jisu Kristamah Apfii ninado Saraa gotei tam matoile! Mpoumah kadi lungset kati teipii Jisu Kristanii katai kito ringkakhii teipii mpounii nyiigo karanu tiilung tei pyiile. Aipii nyiigo taikalak karing maning kamalum teipii tiitokryii pyiile.

JEMS 1:18

Mpoumah karing kounah hang kak kito nyiinii riiti karei hangninii tiimatu tang karam jangpii mpoumah kamaning kamarei kito kasang mah samkang teipii mpounii nyiigo manaapyiile.

JONNII KARYII KABI RASAM JUKAMATI 6:69

Sa- teichii nangnii Saraa mah kamatei teile katu nyiinii malum wotakle ninado titakle.”

1 JON 3:17

Nlenii sazyii pouryii mah kanimei, hangninanii mpou sanapiinii bitang karam tei ngou wosii mpou sanapii jangpii lungtei laatsei suleponii, mpounii Saraago lungsyiile sii mpounii tam wobuipo?

TIILAMLWI KAPYIIMEI THA JUKAMATI 8:36

Sateichii ahnyiinii aitiisii pwidi lamto tatleibangpii dwi kalei nitei gong wotakle; teito Ithopiyamei mi katupii teinii tamle, “Julo, aiki dwi lei takle, n-gu dwi mpumpyii tang karam kito kadapei kadang leipo?”

JONNII KARYII KABI RASAM JUKAMATI 1:3

mahlyii hangtei mpou paikito tiile sateichii tii mpat kabam kito mpou haisupiinii mah hangninii kado tii mpat makle.

1 JON 5:5

Sateichii Jisugo Saraa nahlesii kamalum ah tei supiinii, sazyii pouryiigo kangam ah tei tapo?

1 JON 5:18

Saraa dato manaa kalu meihangnii kem tiisii leimakle, kadapokii Saraanah sapfii mpou teinii ahgo tiigatpii jumatousii leile sateichii sara kashyii teinii ahgo tiimashyiipei wolakle katu nyiinii tile.

LUKNII KARYII KABI RASAM JUKAMATI 7:5

Kada- pochiinii mpounii nyii luigo lung- syiile, sateichii mpounii nyii Ndwiki tiipyiile.”

TIILAMLWI KAPYIIMEI THA JUKAMATI 8:37

(Teito Filipnii tamle, Golung matum madum haisii malum takle leponii mazhiile, teito mpounii khekalatle, Saraa nah sapfii mpou tei Jisu Kristale katu Inii malumle.)