1 JON 4:6 - KARANU KABI SAMTAM

⁶ Nyiinii Saraa mahle, Saraago katimei hangteinii nyii sam shiile, Saraamah kasumei hang teinii nyiisam shiimakle, aipii nyiinii kasangmah rangiigo ninado kasang kasu rangiigo tile.

1 JON 4:6 Referans Kwoze

JONNII KARYII KABI RASAM JUKAMATI 14:17

Mpou ainii Saraa mah kaang kito kasang mangou kapyii rangii teile. Sazyii pouryiimeinii ahgo doupei wolakle, dapodinchii sazyii pouryiinii ahgo ngoupei wolakle ninado tipei wolakle. Nlenii gonyiinii ahgo tile, dapodinchii ahnii gonyiigo kaswisii bamle ninado gonyii lung kito leile.

JONNII KARYII KABI RASAM JUKAMATI 10:27

Gumah jaohangnii gumah roktei shiile sateichii Inii ahnyiigo tile ninado ahnyiinii gutai swile.

JONNII KARYII KABI RASAM JUKAMATI 15:26

“Nlenii Pfii dato lang magong tang karam tiikahapii tei; katunii Pfii dato kagong kasang mah rangii teinii kagong tinglang kak; ahnii gumah kaang kito sakchyii pyii tangle;

1 JON 4:1

Lungkasyiimei, rangii hang go malum sulo, nlenii rangii hangtei Saraa datopo katu ai ajaijulo; kada- pokii kasang kasu lungkakalingmei hangkii sazyii pouryii lung tatpat takle.

1 JON 4:4

Lungkasyii nahmei, gonyiinii Saraa mahle, sateichii gonyiinii ahnyiigo ngam wotakle, kadapokii gonyii dato kalei ah teinii sazyii pouryiito kalei ah sung kisii dikile.

JONNII KARYII KABI RASAM JUKAMATI 18:37

Pailatnii mpou dakii tamle, “Teitii leponii nang sagongde?” Jisu- nii khekalatle, “Sagonglesii nangnii katam teile, kadapokii Inii kasang kito sakchyii pyiitang karam jangpii n-gu lungle ninado Inii sazyii pouryii gongle. Kasang kito kaleimei hangnii gu sam shiileile.”

1 KORENMEI 14:37

Mei kata hangninanii mpou roinapiinii mpou ai Saraa sam saa ka-mpatmei hangninii lesii mak-kii rangiimah luha doukalumei hangniniilesii maning leponii, Inii gonyii dakii ryiikapyii hang ai Bangpii mah kakhatsamle katu tei ahnii timatulo.

2 THESOLONIKAMEI 1:8

tei tinglang kak Saraago mazhii kasumei ninado nyii Bangpii Jisumah kabi rasamgo swikasu meigo Saraanii powrui tangle.

JONNII KARYII KABI RASAM JUKAMATI 16:13

Nlenii kasang mah rangii teinii gongsekchii, ahnyiinii gonyiigo kasang hang kiteikii chyiitatpyii tangle; kadapokii ahnii mpou teimaham kito roinii kito tam lakle, nlenii ahnii shiikalu hangtei ahnii tam tangle sateichii gongtang karam hangtei ahnii gonyii dakii tam matipyii tangle.

1 JON 4:8

Lungsyii kasumei hang teinii Saraago timakle, dapokii Saraanii lungkasyiile.

1 TIMOTHI 4:1

Rangiinii matei sageisii tamle, katunii kana tinglangki mei kangkanii kamalum tei rat toi aitangle; ahnyiinii kasang kasu rangii hangnii katam tei jaitangle sateichii seitan hangmah rali kapyii tei switangle;

JONNII KARYII KABI RASAM JUKAMATI 13:20

Kasang kasangpii Inii gonyii dakii tam leile, Inii lang kamagongmei kata hangniniigo lukakaimei hangteinii n-gu lukaile sateichii n-gu lukakaimei hangteinii n-gu lang kamagong ahgo lukaile.”

JONNII KARYII KABI RASAM JUKAMATI 8:19

Teijangpiinii ahnyiinii mpougo tamle, “Go Pfii kadaki leipo?” Jisunii khekalatle, “Gonyiinii n-gudo gu Pfii godo timakle; gonyiinii n-gu tileponii, gonyiinii gu pfii godo titangle.”

LUKNII KARYII KABI RASAM JUKAMATI 10:22

“Mahlyiihang gu pfiinii n-gu pyiitakle; sateichii pfii teisupiinii mei kaniido nah gotei tapo katu tei timakle, sateichii nah sapfii mpou teisupiinii sateichii nah sapfii mpou teinii mangoupyii matu kanyiimei tei supiinii mei kaniido Apfii gotei timakle.”

JUD DATO KAGONG CHITI JUKAMATI 1:17

Nlenii lungkasyiimei, nyii Bangpii Jisu Kristamah tiilamlwi kapyiimeinii ndou karei kito tam kabam sam hang tei gonyiinii ma- ninglo;

2 PITAR 3:2

katunii, ndou kareiki lung- kakalingmeinii tam kabam ninado tiilamlwi kapyiimei mah paikito gonyii dakii pyiikabam Bangpii ninado nyiigo keikapyiipiimah kakhatsam tei gonyiinii maningloi matu tang karam jangpiile.

2 KORENMEI 10:7

Mahlyiihang mah pou jaitalui gotei gonyiinii jusii leile, mei kata hangninanii, ah ai Krista mahle katu tei ah roinapiinii ahgo malum leponii, ah roiniipanii nlailoisii swi mashak matulo, katunii, ahnii Kristamah katu takumpiinii nyiido Krista mahle.

ROMMEI 11:8

ryii kabam ai takumpii, “Saraanii ahnyii dakii swi kakamyii mah rangii hangninii katunii, ngouwo kalak mik, shiiwo kalak koi, tei tingnei katangpii pyii takle.”

ROMMEI 1:1

Jisu Krista ki kalaipii, tiilamlwi kapyiimei hangninii tiisii lat kalu, Saraa mah kabi rasam jangpii kalaikalu Polnii,

JONNII KARYII KABI RASAM JUKAMATI 20:21

Jisunii ahnyii dakii nlailoisii tamle, “Kamajung tei gonyiigo kaswi matulo. Gu Pfiinii n-gu lang ka-mpat takumpii, Iniido gonyiigo lang mpat leile.”

JONNII KARYII KABI RASAM JUKAMATI 10:16

Sateichii jaokoi aiki haikasu gumah jao kakido leile; ahnyii goteido Inii pang gong tang karamle, ninado ahnyiinii gumah roktei shii tangle; sateichii ahnyiinii Jaoka- koipii hangniniigo kaswisii jaokoi hangninii tiitangle.

JONNII KARYII KABI RASAM JUKAMATI 8:23

Teito mpounii ahnyii dakii tamle, “Gonyiinii kangtole, Inii lou gamtole, Inii sazyii pouryii aito makle.

JONNII KARYII KABI RASAM JUKAMATI 10:3

Ki takam kakoipii teinii mpou jangpii ki takam tei laatpyiile sateichii mpou mah jaohang teinii mpourok tei shiile, sateichii mpounii mpoumah jao hang gotei mpou mpou zei tei latsii saba pangpatpyiile.

1 JON 5:19

Nyiinii Saraamahle, sateichii sazyii pouryii hangnii sara kashyii kang nkangsii leile katu nyiinii tile.