15 Jisu Kristago Saraa nah sapfii mpoulesii kata kangkanii tam mpat leponii, Sa- raanii mpou dato sateichii mpounii Saraa dato taksupii leile.
Sateichii Jisugo Saraa nahlesii kamalum ah tei supiinii, sazyii pouryiigo kangam ah tei tapo?
Ka- daponii nangnii gomwipii Jisugo Bangpii lesii tam mpat lepochiinii sateichii Saraanii mpougo katai kito tiimaringpyii takle katu tei golung kito malum woleponii n-go keipyii tangle.
“Teijangpii meihang doito n-gu mazhii katumei hang gotei Iniido sating gamto kalei Gu pfii doito ahgo mazhiipyii tangle.
Aipiinii Saraamah rangii gotei gonyiinii tiwo buile: Jisu Kristanii pumzai pungsii gonglesii katam rangii hangtei Saraa datole;
Sateichii mpoumah ka- khatsam kaswimei hangteinii mpou dato taksupii leile, sateichii mpounii ahnyii dato leile. Sateichii mpounii nyii dakii pyii kabam rangii aipiinii mpounii nyii dato taksupii leile katu nyiinii tile.
sateichii Pfii Saraamah pumtei kava jangpii mahlyii hangnii, Jisu Krista ai Bangpiile katu tei madupii tam mpat tangle.
Meikaniido Saraago ngousang ngoumakle; hangninanii hangniniigo nyiinii kalungsyii leponii, Saraanii nyii dato taksupii leile; teito mpougo lungkasyii tei nyii dato sajek gasii matwi mashang takle.
Jisugo Kristale katupii kamalum meihangnii Saraa nahmeile sateichii Pfiigo lungkasyiimei hang- teinii mpougodo lungsyiile.
“Sateichii Inii gonyii dakii tam leile, meihang doito n-gu mazhii katumei hang gotei meinah sapfii mpou teiniido Sating gamlui doito mazhiipyii tangle.
Kadapokii Jisu Kristanii pumzai pungsii gongpyiile katu tisei kasumeigo chuisii kahem mei hangkii sazyii pouryii lung tatpat takle. Ai ai meigo chuisii kahem mei teile–sateichii Kristago ngou karoumei teile.
Gumah kamyii chiisii kalei ninado gumah zai saksii kalei ahteinii gudato taksupiinii leile, sateichii Inii ah dato taksupiinii leile.
Nah sapfii mpougo mazhii ka- sumei hangteinii pfiigodo doumakle, nah sapfii mpougo kamazhii ah teinii pfiigodo doule.
Gonyiinii saroisekto shiikalu tei gonyii dato taksupiinii leimatulo. Gonyiinii saroisekto shiikalu tei gonyii dato taksupii leileponii, gonyiiniido nah sapfii mpou dato sateichii Pfii dato taksupii leitangle.
Sateichii ai ai mpoumah kakhatsamle, katunii, mpounah sapfii mpou Jisu Krista zei kito nyiinii malum tang karamle sateichii mpounii nyii dakii kakhat kabam takumpii, hangninanii hangniniigo nyiinii kalungsyii tang karamle.
(Teito Filipnii tamle, Golung matum madum haisii malum takle leponii mazhiile, teito mpounii khekalatle, Saraa nah sapfii mpou tei Jisu Kristale katu Inii malumle.)