1 JON 4:14 - KARANU KABI SAMTAM

¹⁴ Sateichii Pfiinii nah sapfii mpou gotei sazyii pouryiimah keikapyiipii tiisii lang m-mangpyii takle katu nyiinii ngoutakle sateichii sakchyii pyii leile.

1 JON 4:14 Referans Kwoze

1 JON 4:10

Lungkasyii ai ailung kito leile, katunii, nyiinii Sa- raago lungsyii takle katu mah makle, nlenii Saraanii nyiigo lungsyii pyiisii mpounah sapfii mpou gotei nyii kem jangpiinii pow ruimatu tang karam jangpii m-mangpyii takle.

JONNII KARYII KABI RASAM JUKAMATI 4:42

teito ahnyiinii sapwi mpei dateikii tam takle, “Nangnii katam jangpii nyiinii aitoi malum makle, nlenii nyii sekpiinii mpougo shiitakle sateichii mpou ai kasangpiinii sazyii pouryii mah Keikapyiipiile katu nyiinii tile.”

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

JONNII KARYII KABI RASAM JUKAMATI 1:29

Adoipiinei tei Jisunii mpoulam pang gongkalei tei ngouwosii mpounii tamle, “Julo, Saraa mah Jaonah, sazyii pouryiimei mah kem kama hang poitoi kapyii tei!

1 JON 5:9

Nyiinii meinah mah sakchyii poileponii, Saraamah sakchyii teinii kisii dile, kadapokii Saraamah sakchyii tei aile, katunii, mpounii mpounah sapfii mpou mah kaang kito sakchyii pyiitakle.

1 PITAR 5:12

Malum kabuimei hangninii tiisii Inii poikalei nyii sanapii Sailas mah tiikaha kito gonyii dakii Inii dwisii ryiileile, katunii, Inii tam katwisii, ai ai Saraamah kasang jumage kapyii teilesii sakchyii pyii leile, gonyiinii jumage kapyii ailung aito sangtingsii satlo.

JONNII KARYII KABI RASAM JUKAMATI 12:47

Mei kata hangninanii gusam shii wosii teigotei swisu leponii Inii ahgo samtak tiimakle; kadapokii Inii sazyii pouryiigo samtak tiitang karam jangpii gong- makle, nlenii Inii sazyii pouryiigo keipyii tang karam jangpii gongle.

JONNII KARYII KABI RASAM JUKAMATI 5:39

Gonyiinii kabi rasam hangtei fiile, dapochiinii teihang lung kiteito gonyiinii kalui kaga karing doulesii maningle sateichii gumah kaang kito sakchyii pyiikalei tei teihang teile.

JONNII KARYII KABI RASAM JUKAMATI 3:34

Kadapokii Saraanii lang kamagong mpou teinii Saraa sam tam leile, dapokii mpounii rangii tei ajhii masaksii pyiimakle,

TIILAMLWI KAPYIIMEI THA JUKAMATI 18:5

Sateichii Sailas nei Timothinii Misidoniya kito tat kahum tinglang kak, Polnii Jisu ai Kristale katu tei Jehudimei hang dakii sakchyii pyiisii samtam kiteito lungliitsii bamle.

JONNII KARYII KABI RASAM JUKAMATI 10:36

Inii Saraa nah sapfii mpoulesii Inii tam katu jangpii, Pfiinii kalai wosii sazyii pouryiikii lang m-mang kapyii ah gotei, nang Saraago tam mashyiilesii mpoumah kaang kito gonyiinii tam leipo?

JONNII KARYII KABI RASAM JUKAMATI 3:32

Mpounii ngoukalu ninado shii kalu tei sak- chyii pyiile, nlenii mei kata hangninii kaniido mpoumah sakchyii tei lukai makle.

JONNII KARYII KABI RASAM JUKAMATI 3:11

Inii godakii kasangpii tam leile, nyiinii kati tei nyiinii tam leile sateichii nyiinii ngoukalei mah kaang kito nyiinii sakchyii pyii leile, nlenii gonyiinii nyiimah sakchyii tei lukaipyii makle.