1 JON 3:9 - KARANU KABI SAMTAM

⁹ Saraa dato manaa kalumei hang- tei kem tiimakle. Dapokii Saraamah lwirou tei mpou dato taksupii leile, sateichii mpounii kem tiisii leiwo lakle. Dapokii ahnyii Saraa dato manaa takle.

1 JON 3:9 Referans Kwoze

1 JON 5:18

Saraa dato manaa kalu meihangnii kem tiisii leimakle, kadapokii Saraanah sapfii mpou teinii ahgo tiigatpii jumatousii leile sateichii sara kashyii teinii ahgo tiimashyiipei wolakle katu nyiinii tile.

1 PITAR 1:23

Kadapokii gatuwo kabuimah lwirou kito supii, gatupeiwo kalakmah kito karing ninado Saraamah kalui kaga samtam paikito gonyiigo nlailoisii manaapyii takle.

JONNII KARYII KABI RASAM JUKAMATI 1:13

ahnyii teinii zai mah kito, mak-kii pumzai mah kito mak-kii meinah mah kamaning kamazhii kito manaamakle, nlenii Saraa datole.

1 JON 2:29

Mpou ai kasang kamajyii teile katu gonyiinii tileponii, kasang tiisii kaleimei hang godo mpounii manaapyii takle katu gonyiinii tile.

1 JON 5:1

Jisugo Kristale katupii kamalum meihangnii Saraa nahmeile sateichii Pfiigo lungkasyiimei hang- teinii mpougodo lungsyiile.

1 JON 5:4

Kadapokii Saraa dato manaa kalumei hang teinii sazyii pouryiigo ngamle sateichii sazyii pouryiigo jangsai tiikalu kangam tei aile, katunii, nyiimah kamalum teile.

JONNII KARYII KABI RASAM JUKAMATI 3:3

Jisunii mpougo Khekalatle, “Inii n-go kasangpii tam leile, mei kata hangninanii manaaloi suleponii, mpounii Saraa mah sating sazyii tei ngoupei wolakle.”

GALATIMEI 5:17

Kada- pokii pumzai mah kamarei ka-ntha teinii rangiigo mazhii makle, sateichii rangiimah kamarei ka-ntha teinii pum zai go mazhii makle. Ka- dapokii gonyiinii kamarei kamarei tei tiimatulak tang karam jangpii, hangna ai hangninanii hangninago mazhii makle.

1 JON 4:7

Lungkasyiimei, nyiinii hang- ninanii hangniniigo kalungsyiide, dapokii lungkasyii tei Saraa datole sateichii lungkasyiimei hang Saraa dato manaa takle, sateichii Saraago tile.

METIU 7:18

Rwibang kabinii riiti kashyii sateichii ruibang kashyiinii riiti kabi matipei wolakle.

ROMMEI 6:2

Teisang teimakle! Kem lamto taikalei nyiinii teikito kisii thaangsii kada takumpiinii lungwo tangpo?

TIILAMLWI KAPYIIMEI THA JUKAMATI 4:20

Kadapokii nyiinii ngou kalu ninado shiikalu tei tam- supei wolakle.”

TAITAS 1:2

chuisang chuilei kasu Saraanii pyiitanglesii ndouto riishii tiikabam kalui kaga karing tei doutanglesii maning kamalum kito,

1 JON 3:6

Mpou dato taksupii kaleimei hangtei kem tiimakle, kem katiimei hangnii mpougo ngoudo ngoumakle tido timakle.

3 JON 1:11

Lungkasyii gukangpii, kashyii jairali tei rali sulo, nlenii kabi jairali tei ralilo. Kabi katiimei hangtei Saraa mahle; Kashyii katiimei hang teinii Saraago ngou womakle.