1 JON 3:8 - KARANU KABI SAMTAM

⁸ Kem katii ahteinii seitan datole, dapokii seitannii saroisekto kem tiile. Seitanmah tha tei tiimaga tang karam jangpii, Saraanah sapfii mpou gotei magongle.

1 JON 3:8 Referans Kwoze

HEBRUMEI 2:14

Mpounii lat kalei nahmei hangtei pum zai kapungmei katu taiswisii, Jisunii ahnyii mah njoi tei poi wotakle, sateichii nunuto kalei meinah mah jaitalui tei Jisunii dou njoi takle. Mpoumah katai paikito kataimah teimaham kabam, seitan gotei mpounii tiimaga kabui tiisii mpounii ai ai tiile.

JONNII KARYII KABI RASAM JUKAMATI 8:44

Gonyii ai gonyii pfii seitan dateitole, sateichii gonyii pfii mah kamarei ka-ntha hang tiitang karam tei gonyii mah kamaning kamazhii teile. Ahnii nu saroisekto meigo kagi kabaameile sateichii kasang gotei kaswisii tha tiitang karam samah kado gale; dapochiinii ahda kasang tei gasang gale. Ahnii kachui sam katam kak nunuto kalei ahmah jai taiswisii malhiile, kadapokii ahnii kachuipiile ninado teimah pfii teile.

KOLOSIMEI 2:15

Apum katii ninado teimaham hang krosh gamto ahnyii phyiiryiito Judiwosii mpounii madulapii ahnyiigo mangou pyiitakle.

ROMMEI 16:20

Teitii- leponii kamajung mah Saraa teinii seitan gotei kalangsii gonyii pi kang- kii koumang biitnai matu tangle. Nyii Bangpii Jisu Krista mah jumage kapyii tei gonyiigo kaswipyii matulo.

JONNII KARYII KABI RASAM JUKAMATI 16:11

sateichii samtak katii mah kaang kito, sazyii pouryii aimah apum katiipii gotei samtak tii aitakle.

JONNII KARYII KABI RASAM JUKAMATI 12:31

Sazyii pouryii aigo samtak tiitang karam tinglang tei aitoile, sazyii pouryii mah apum katiimeigo baatoi tang karam tinglang tei aitoile.

2 PITAR 2:4

Kadapokii sating gamlui hangnii kem tiikalei tinglang kak Saraanii ahnyiigo khepyii suleponii, nlenii samtak tiitang karam jangpii kaika- bam ai mei aigo mibam kikii toikaisii kamyiimah ahom kikii pyiitoi aile- ponii,

MARK 1:24

“Nang nyiigo dapei tiinyiipo, Nazaret ki Jisu? Nang nyiigo tiima- shyiilesii aiki gong leipo? Nang tapo katu I tile, Nang Saraa mah kamatei sam katam meile.”

IPISAMEI 2:2

Tei tinglangki gonyiinii sazyii pouryiimah kashyii tai tei swisii, aitoi tinglang ki Saraanii katam swikasu sating nei sazyii kak kamarong kito apum tiisii kalei rangiimah teimaham hang gotei gonyiinii kaswisii leile.

LUKNII KARYII KABI RASAM JUKAMATI 10:18

Teito mpounii ahnyii dakii tamle, “Sating gamto sating kalik kalei takumpiinii seitan nii kou kahum tei Inii ngoutakle.

1 JON 3:10

Saraamah nahmei tei tatapo, sateichii seitanmah nahmei tei tatapo katu aipii ngou wobuile: Kasang tiikasumei ninado mpou sanapiigo lungsyii kasu mei tei Saraa dato makle.

METIU 13:38

Lubam teinii sazyii pouryiile, Lwirou kabi tei sagong sazyii mah nah sapfiimei hang teile; rhiimah teinii kashyii mah nah sapfiimei hangteile;

MATIMANGOU KAPYII 20:10

Sateichii ahnyiigo kasang kasu teipii chuisii hem kalu seitan gotei, saramkownah teiniido kasang kasu lungkakalingmei teiniido kalei, mi ninado sulphurmah mi jailungkii toikai aitakle, sateichii ahnyiigo kalui gasii tinghum tingna tiikamage tangle.

1 JON 5:19

Nyiinii Saraamahle, sateichii sazyii pouryii hangnii sara kashyii kang nkangsii leile katu nyiinii tile.

1 JON 3:5

Sateichii kem hang poitoipyii tang karam jangpii mpounii gongle, sateichii mpouda kem gasangle gale katu gonyiinii tile.

MATIMANGOU KAPYII 20:15

Sateichii karingmah larekbung lungkii mei kata hangniniimah zei ryiikabam tei dousuleponii, ah gotei mimah jailungkii toikai aitakle.

JUD DATO KAGONG CHITI JUKAMATI 1:6

Sa- teichii ahnyiigo pyiikabam teimaham mah bam kiteito bam supiinii, ahnyiimah lungkalei bam toikalei sating gamlui hang gotei mpounii samtak tiitang karam leimik kadi jangpii tuk kaki kamyii kiteikii kalui gasii sagyiirengpii peisii kaibam takle.

METIU 4:3

Teito Seitan teinii mpouda gongsii “Nang Saraa nah Sapfii mpou lepochiinii, kuitu hang ai tiirok ndat tolosii kakhatlo,” sii tamtakle.

METIU 12:28

Nlenii Saraa mah rangii teipii Inii sara kashyiigo baatoi leponii, Saraa mah sating sazyii tei gonyii phyiiryii gong takle.

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

HEBRUMEI 9:26

Teitii leponii, mpounii sazyii pouryii tii mpat saroisekto nlai nlai loisii kamage kalak tei pungsii lei tangle. Nlenii aitoinii meilui meiha kalui kito mpouroinapii mpougo karat kapyii teipiinii kem tei poitoi matu tang karam jangpii mpounii kalei kaga hang jangpiinii binii tat liitpyii takle.

1 JON 1:2

Sateichii karing tei mangou takle, sateichii nyiinii teitei ngoutakle teijangpii nyiinii teimah kaang kito sakchyii tiisii sateichii Pfiigo kaswisii kalei ninado nyii dakii mati kapyii kalui kaga karingmah kaang kito nyiinii gonyii dakii saa mpat leile.