1 JON 3:7 - KARANU KABI SAMTAM

⁷ Gunahmei, mei kaniido gonyiigo chuisii hem maluwo sulo! Kasang tiisii kaleimei tei mpounii kasang ka- majyii takumpiinii, kasang kamajyii meile.

1 JON 3:7 Referans Kwoze

1 JON 2:29

Mpou ai kasang kamajyii teile katu gonyiinii tileponii, kasang tiisii kaleimei hang godo mpounii manaapyii takle katu gonyiinii tile.

ROMMEI 2:13

Kadaponii ajai- tingshang gotei shii kalumei teinii Saraa doito kasang kamajyii tei makle, nlenii ajaitingsang taiswisii atha katiimei gotei tiimajyii pyiitangle.

1 JON 3:3

Sateichii mpougo maning kamalum meihangnii, mpounii kamatei takumpii mpou roinapii mpougo tiimateile.

1 JON 2:26

Gonyiigo chuisii hemtang karam jangpii tiisii kaleimei mah kaang kito Inii gonyii dakii samhang ai ryiile.

1 JON 2:1

Gunahmei, gonyiinii kem tiikasu tiisii Inii ai ai gonyii dakii ryii leile; nlenii mei kata hangninanii kem tiileponii, Pfii doito nyii jangpii satsii sam tampyii tang karam, kasang kamajyii Jisu Krista leile.

TIILAMLWI KAPYIIMEI THA JUKAMATI 10:35

nlenii lui hang kito mpougo kahing ninado kasang kamajyii tha katiimei hang go mpounii mazhiipyiile. Jisu Krista mah paito kamajung mah kabi rasam tei tamroisii,

IPISAMEI 5:9

Kadapokii kavamah riiti teinii kabi, kasang ninado kamajyii hang kito doule.

1 PITAR 2:24

Kem kito tai aisii nyiinii kasang kamajyii kito ringtang karam jangpii mpou sekpiinii Krosh gamto mpoumah pumpot kikii nyiimah kakui kama hangtei pungpyii takle; mpoumah rajam jam teipiinii gonyiigo tii mbipyii takle.

1 KORENMEI 6:9

Kasang kamajyii tha tiikasumei teinii Saraamah sating sazyii doulakle katu gonyii timakpo? Maningma sulo; kashyii kahong tha katii mak-kii, tingtugo kamata, mak-kii mashung kamaha, mak-kii pwimei pfiimei meijai tiikasu,

LUKNII KARYII KABI RASAM JUKAMATI 1:75

kamatei kito, kasang kamajyii kito, nyii tiilung mata mpougo kahing gasii nga ngakabui jangpii tiipyii takle.

JEMS 2:19

Saraa hangniniile katupii nangnii malumle, nangnii kamalum tei kabile, sara kashyii hang katang piiniido malumle ninado hingsii nchyiile.

PILIPIMEI 1:11

Jisu Krista roinii pyii wokabui pumtei kava ninado Saraago tam kamatoi, kasang kabi hangteipii gonyiimah tiilung tei tokryii tangle.

METIU 5:20

Kadapokii Inii gonyii dakii ka- sangpii tam leile, gonyiimah kasang kamajyii teinii Ajaitingshang kati ojamei ninado Farasismei hang doito kisuleponii, gonyiinii sating gam sazyiiki liitsang liitpei wolakle.

JEMS 1:22

Nlenii samtei kashiimei roinii tiisii, gonyii roinapii gonyiigo kasang kasu teipii chuisii hemwo kasu tiisii, gonyiinii samtei shii wosii tiikatu tiilo.

HEBRUMEI 7:2

sateichii Abrahamnii mahlyii hangmah njai kearii kito njai hangninii mpougo pyiitakle. Melki- zedek zei mah kaang karei ainii “Kasang kamajyii mah sagong” sateichii mpou ai Salem mah sagong katu taiswisii mpou ai “Kamajung mah sagong” teitiile.

HEBRUMEI 1:8

Nlenii Nah sapfii mpoumah kaang kito mpounii tamle, “O, Saraa, gomah sating sazyii tei kalui tiisang tiimakle, sateichii kagu kapang gasii nangnii gomeigo apum tiisii lungle.

IPISAMEI 5:6

Kapang kamang sam hangteipii gonyiigo meikaniido chuisii tamsii hem maluwo sulo; kadapokii katam swikasumei hang phyiiryii Saraa mah rakarhii gongliit tang karam teinii ai kakum hang jangpii sekle.

1 JON 3:18

Gunahmei, nyiinii samkangpii ninado sam katam kamalhiipii lungsyii sude, nlenii tha teipii sateichii kasang teipii kalungsyiide.

1 JON 4:17

Samtak katii piinei leimik nyiinii kamaning kamalum tei doumatu tang karam jangpii lungkasyii tei nyii dato sajek gasii tiimashang aitakle, dapodinchii mpounii ringsii kalei takumpii nyiiniido sazyii pouryii aito ringsii leile.