1 JON 3:24 - KARANU KABI SAMTAM

²⁴ Sateichii mpoumah ka- khatsam kaswimei hangteinii mpou dato taksupii leile, sateichii mpounii ahnyii dato leile. Sateichii mpounii nyii dakii pyii kabam rangii aipiinii mpounii nyii dato taksupii leile katu nyiinii tile.

1 JON 3:24 Referans Kwoze

1 KORENMEI 3:16

Gonyiinii Saraa mah kamatei Saraa kamaning kile ninado Saraa- mah rangiinii gonyii lungto leile katu gonyiinii timakpo?

2 TIMOTHI 1:14

Nyiilung kito lungsii kalei rangii kamatei paikito gudakii pyii kabam kabi tei jum wolo.

1 JON 2:6

Saraa dato leilesii tamsii kalei ah teinii Jisu Kristanii tat kalei takum- piinii mpouniido tat tang karamle.

1 KORENMEI 6:19

Sateichii gonyii pum teinii gonyiinii Saraa dato doukalu, gonyii lungto kalei rangii kamatei mah kamatei kile katu gonyiinii timakpo? Sateichii gonyiinii gonyiimah roinamakle;

1 JON 4:7

Lungkasyiimei, nyiinii hang- ninanii hangniniigo kalungsyiide, dapokii lungkasyii tei Saraa datole sateichii lungkasyiimei hang Saraa dato manaa takle, sateichii Saraago tile.

JONNII KARYII KABI RASAM JUKAMATI 17:21

ahnyii hang ai hangninii tiimatu tang karam jangpii Inii riita leile; nangnii n-gu lang magongle katu sazyii pouryiinii malum matu- tang karam jangpii, he Pfii-o, nangnii gudato sateichii Inii godato kalei takumpiinii, ahnyiinii nyii dato leimatu tang karam jangpii Inii riita leile.

1 JON 3:22

Sateichii nyiinii kakhang hangtei mpou dato doule, kadapokii nyiinii mpoumah kakhat- sam hangtei swisii mpounii kamarei tei nyiinii tiile.

2 KORENMEI 6:16

Saraamah Saraa kamaning ki tei nei tingtu hangteinii kadapei kamazhii leipo? Kadapokii nyiinii ringsii kalei Saraamah saraa kamaning ki teile; Saraanii tam kabam takumpii: “Ahnyii lung kito Inii lung tangle, sateichii ahnyii kak kito Inii nlai tangle, sateichii Inii ahnyii mah Saraa tei tiitangle ninado ahnyiinii gumei tiitangle.”

JONNII KARYII KABI RASAM JUKAMATI 10:38

nlenii Inii tiiziileponii, gonyiinii n-gu malum mak kido, Pfii teinii gudato leile sateichii Inii Pfii dato leile katu gonyiinii tigong tang karam jangpii tha hangtei malumlo.”

JONNII KARYII KABI RASAM JUKAMATI 14:17

Mpou ainii Saraa mah kaang kito kasang mangou kapyii rangii teile. Sazyii pouryiimeinii ahgo doupei wolakle, dapodinchii sazyii pouryiinii ahgo ngoupei wolakle ninado tipei wolakle. Nlenii gonyiinii ahgo tile, dapodinchii ahnii gonyiigo kaswisii bamle ninado gonyii lung kito leile.

1 THESOLONIKAMEI 4:8

Tei- jangpii aigo mazhii kasumei teinii meigo mazhii kasu tei makle, nlenii gonyii dakii mpoumah rangii kamatei pyiisii kalei Saraago mazhii makle.

1 JON 2:3

Nyiinii Saraamah kakhatsam hang tei swileponii, nyiinii mpougo tile katu tei aipii nyiinii tile.

1 JON 2:5

Nlenii mpou samtamgo kaswimei kata kangka dateito kasangpii Saraago lungkasyii tei bimatui takle. Mpou dato nyii ai leile katu aipii nyiinii tile:

1 JON 2:24

Gonyiinii saroisekto shiikalu tei gonyii dato taksupiinii leimatulo. Gonyiinii saroisekto shiikalu tei gonyii dato taksupii leileponii, gonyiiniido nah sapfii mpou dato sateichii Pfii dato taksupii leitangle.