1 JON 3:23 - KARANU KABI SAMTAM

²³ Sateichii ai ai mpoumah kakhatsamle, katunii, mpounah sapfii mpou Jisu Krista zei kito nyiinii malum tang karamle sateichii mpounii nyii dakii kakhat kabam takumpii, hangninanii hangniniigo nyiinii kalungsyii tang karamle.

1 JON 3:23 Referans Kwoze

JONNII KARYII KABI RASAM JUKAMATI 13:34

Karanu kakhatsam hangninii Inii gonyii dakii pyii leile, ‘gonyii hangninanii hangniniigo kalungsyiilo.’

1 PITAR 1:22

Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.

JONNII KARYII KABI RASAM JUKAMATI 15:12

Inii gonyiigo lungkasyii takumpii gonyiido hangninanii hang- niniigo kalungsyiilo katu ai gonyii dakii pyiikalei kakhatsamle.

JONNII KARYII KABI RASAM JUKAMATI 6:29

Jisunii ahnyii dakii khekalatle, “Mpounii lang magong kabam ahgo gonyiinii kamalum katu ai Saraanii kamarei tha teile.”

1 PITAR 4:8

Mahlyiihang phyii- ryiito gonyii hangninanii hangni- niigo kalungsyii katu kito lung liitlo; kadapokii lungkasyii teipiinii kem hangkii gomtwum pyiile.

1 JON 3:11

Kadapokii “Hangninanii hang- niniigo nyiinii kalungsyii tang karamle,” katu ai saroisekto gonyii- nii shiikalu samtam teile.

1 JON 4:21

Sateichii Saraago lungkasyii ah teinii kangsanapii godo lungsyii tang karamle katu kakhatsam ai nyiinii mpou dato doule.

1 THESOLONIKAMEI 4:9

Gonyii kangsanameigo kalungsyii matutang karam mah kaang kito mei kaniido gonyii dakii ryiitang karam kabi tei gale. Kadapokii hangninanii hangniniigo kada takumpii kalung- syii tangpo katu tei gonyiigo Saraanii ralipyii takle.

IPISAMEI 5:2

Sateichii Kristanii nyiigo lungsyii pyiisanii, nyii jangpii mpou- mah pumsekpii pyiitoi tang karam manam kabi pot hangninii tiisii, Saraa dakii karat kapyii takumpii gonyiinii lungkasyii kito tatpyiilo.

MARK 9:7

Teito kamong teinii gongsii ahnyiigo gomnei wotakle, sateichii kamong kiteito lat hangninii mashiile, “Ai ai Inii lungkasyii gunah sapfii mpou teile, mpounii katam tei gonyii swilo.”

METIU 22:39

sateichii aitakumpii hangna kashang tei aile: ‘Nangnii goroinapii n-go lungkasyii takumpii nangnii goki tiinaniipa- meigo lungsyii tang karamle.’

TIILAMLWI KAPYIIMEI THA JUKAMATI 16:31

Teito mpoupiinanii tamle, “Bangpii Jisugo malumlo sateichii nangdo goki kalungmeido kaleikapyii tei doutangle.”

JONNII KARYII KABI RASAM JUKAMATI 17:3

Sateichii hangni- niisang hangninii roinii kalei kasang Saraa Ahgo ninado Ahnii lang kamagong Jisu Kristago nyiinii tikatu ai; kalui kaga karing teile.

JONNII KARYII KABI RASAM JUKAMATI 14:1

“Gonyii lung lungnyii lunghao sulo; Saraago malumlo, n-gudo malumlo.

1 TIMOTHI 1:15

Jisu Kristanii kakui kama meigo keipyii tang karam jangpii sazyii pouryii gongpyiile katu ai malum wobuile sateichii nyiinii lukai tang karam jangpii tam kalei sam ai kasangle sateichii kem kama mei hang kak kiteito kem tiikaki tei I-le,

JONNII KARYII KABI RASAM JUKAMATI 1:12

Nlenii mpougo lukakaimei hang go, mpou zei kito malum kalumei hang go, Saraamah nahmei tiimatu tang karam mah teimaham tei mpounii pyiitakle;

JONNII KARYII KABI RASAM JUKAMATI 2:23

Jisunii kaakamaju takbai tinglangki Jerosalem kito kabam ki kak, mpounii tiikamangou hangtei ngou wosii meihangkanii mpougo malum wotakle.

JONNII KARYII KABI RASAM JUKAMATI 3:18

Mpougo kamalum mei goteinii samtak tiipyii makle, malum kasu- mei hang goteinii samtak tii aitakle, kadapokii mpounii hangniniisang hangninii roinii kalei Saraa nah sapfii mpou gotei malum makle.

1 JON 2:7

Lungkasyiimei, Inii gonyii dakii kasatai kakhatsam ryiilei makle, nlenii saroisekto gonyiinii doukalu kaham kakhatsam teile, Kaham kakhatsam teinii gonyiinii shiikalu teile.

1 JON 4:15

Jisu Kristago Saraa nah sapfii mpoulesii kata kangkanii tam mpat leponii, Sa- raanii mpou dato sateichii mpounii Saraa dato taksupii leile.

1 JON 5:13

Saraa nah sapfii mpou zei kito kamalum gonyii dato kalui kaga karing leile katu gonyiinii titang karam jangpii, Inii ai ai ryii leile.