1 JON 3:21 - KARANU KABI SAMTAM

²¹ Lungkasyiimei, nyii lungswinii nyiigo malesii tam mashyii suleponii, Saraa doito nyiinii lung kadi tei leile.

1 JON 3:21 Referans Kwoze

1 JON 2:28

Gunahmei, aitoinii mpounii kagong tinglang kak nyiinii lung kalum tei doukabui tiisii, sateichii mpounii kagong piinei leimik mpou dato nrousii mbeilak tang karam jangpii gonyiinii mpou dato taksu- piinii leilo.

HEBRUMEI 4:16

Teitii leponii nyiinii tiikaha mareisii kalei kak, lungsyii kati doutang karam ninado jumage kapyii tei nyiinii ngoutang karam jangpii, lung kalum tei kaswisii jumage kapyii mah sagongbam kitei nyiinii tat manang liitde.

2 KORENMEI 1:12

Kadapokii det tiikalei teinii aile; kabi kashyii tikabui nyii lungswi mah sakchyii, katunii, sazyii pouryii aito nyiinii tiilung lung kamatwi sateichii arou tiisii nyiinii gonyiigo ahai areng kabam kito, Saraanii pyiikabam kamatei ninado kasamsang teipii apum tiile, sazyii pouryiimei mah swirek kabi teipiinii makle; nlenii Saraamah jumage kapyii teipiiniile.

1 JON 5:14

Sateichii mpou dato kalei nyiimah maning kamalum tei aile, katunii, mpoumah kamaning taiswisii nyiinii mah kata kara khang leponii, nyiinii kakhang mpounii shiipyiile.

1 JON 4:17

Samtak katii piinei leimik nyiinii kamaning kamalum tei doumatu tang karam jangpii lungkasyii tei nyii dato sajek gasii tiimashang aitakle, dapodinchii mpounii ringsii kalei takumpii nyiiniido sazyii pouryii aito ringsii leile.

HEBRUMEI 10:22

Teipiinii kabi kashyii tikabui kama lungswi kiteito tiimatei kalei ninado dwi kamatei piinii shyii matei kalei pumrong hangtei pung- sii, lung kamatei ninado soikalak kamalum teipii nyiinii Saraada manang gongde.

1 KORENMEI 4:4

Kadapokii I gumah kama samah kado timakle, nlenii aipii I-kama ga kasang takle katumah makle; nlenii guphyiiryiikii samtak katii teinii Bangpii teile.

1 TIMOTHI 2:8

Teipiinii sapfiimeinii rakarhii sateichii n-gi tei gasii bah kamatei tei poimatusii bamlyii hang kito kariita tei Inii mareile.

ROMMEI 14:22

Gomah kamalum kalei tei Saraa gonei kak kito bam matulo: Mpounii mazhiipyii kalei kiteito mpou roinapii mpougo samtak tiikasu ahtei sadoi bile.

IPISAMEI 3:12

Mpougo nyiinii kamalum paikito ninado nyiinii Kristago hangninii tiisii nja kalu kito, maning kamalum hangteipii lungnyii lunghou katu gasii lungdisii Saraa doi liit tang karam tei nyiinii doule.

1 JON 2:7

Lungkasyiimei, Inii gonyii dakii kasatai kakhatsam ryiilei makle, nlenii saroisekto gonyiinii doukalu kaham kakhatsam teile, Kaham kakhatsam teinii gonyiinii shiikalu teile.

1 JON 3:2

Lungkasyiimei, aitoinii nyiinii Saraamah nahmei takle, nlenii nyii ai kadapei takum tangpo katu aitoi mangou makle, nlenii Kristanii ka- gong kak, nyiido mpou takum tangle katu nyiinii tile, dapodinchii mpounii kasangpii ringkalei sek takumpii nyiinii mpougo ngoutangle.

1 JON 3:20

nyiinii nyii lungswigo mpou doito tiisangtingloi tangle, kadapokii Saraanii nyii lungswi sung kisii dile, sateichii mpounii mahlyii hang tile.