1 JON 3:19 - KARANU KABI SAMTAM

¹⁹ Teitii leponii nyii ai kasang kito leile katu aipii titangle. Sateichii nyii lungswinii nyiigo malesii tam ka- mashyiita,

1 JON 3:19 Referans Kwoze

HEBRUMEI 10:22

Teipiinii kabi kashyii tikabui kama lungswi kiteito tiimatei kalei ninado dwi kamatei piinii shyii matei kalei pumrong hangtei pung- sii, lung kamatei ninado soikalak kamalum teipii nyiinii Saraada manang gongde.

1 JON 3:21

Lungkasyiimei, nyii lungswinii nyiigo malesii tam mashyii suleponii, Saraa doito nyiinii lung kadi tei leile.

JONNII KARYII KABI RASAM JUKAMATI 18:37

Pailatnii mpou dakii tamle, “Teitii leponii nang sagongde?” Jisu- nii khekalatle, “Sagonglesii nangnii katam teile, kadapokii Inii kasang kito sakchyii pyiitang karam jangpii n-gu lungle ninado Inii sazyii pouryii gongle. Kasang kito kaleimei hangnii gu sam shiileile.”

1 JON 1:8

Nyiinii kem galesii nyiinii tam leponii, nyiinii nyii roinapii chuisii hem wotakle, sateichii kasang tei nyiida gatakle.

2 TIMOTHI 1:12

Sateichii kaang aihang jangpii kamage kalak hang ai Inii dousii leile, nlenii Inii aitoido maning kamalum teipii tokryiile, daponii Inii malum kalei mpougo Inii tile, sateichii mpounii gudakii pyiikabam tinglang leimik katang tei mpounii n-gu koipyii jupyii wobuile katu tei Inii malumle.

ROMMEI 4:21

Sateichii Saraanii riishii tiipyii kabam tei tiido tiipyii builesii mpou lung kito sat tosii kamalum tei tei buibui tutakle.

JONNII KARYII KABI RASAM JUKAMATI 13:35

Gonyiida hangninanii hangniniigo lungkasyii tei leileponii, aipiinii meihangnii gonyii ai guboumeile katu tigong tangle.”

1 JON 3:14

Nyiinii katai kito majusii karing kitei liit takle katu nyiinii tile, dapodinchii nyiinii nyii sanameigo lungsyiile. Lungsyii kasu ahteinii katai kito taksupii leile.

HEBRUMEI 11:13

Riishii tiikabam tei dousupii, nlenii teigo tei ngou wosii, teigotei kadhii kito salam tiisii, ninado sazyii pouryiito ahnyii ai sapumnahle ninado sabameile katu tei tisii ahnyii hang tei kamalum kito taitakle.

ROMMEI 8:38

Kadaponii Inii malumle katunii, katainiido karingniido, sating gam- luinado, apum katiimei niikado, aitoi tinglangmah niikado, natei gongtang karam mah niikado, teimaham niikado,

1 JON 2:21

Gonyiinii kasang tei tikasu jangpii Inii ryiimakle, nlenii gonyiinii teitei kati jangpii sateichii kachui katu ai hangninii kado kasang kito gong makle katu kati jangpii ryiile.

1 JON 3:20

nyiinii nyii lungswigo mpou doito tiisangtingloi tangle, kadapokii Saraanii nyii lungswi sung kisii dile, sateichii mpounii mahlyii hang tile.