1 JON 3:14 - KARANU KABI SAMTAM

¹⁴ Nyiinii katai kito majusii karing kitei liit takle katu nyiinii tile, dapodinchii nyiinii nyii sanameigo lungsyiile. Lungsyii kasu ahteinii katai kito taksupii leile.

1 JON 3:14 Referans Kwoze

1 JON 5:2

Nyiinii Saraago lungsyiisii mpoumah kakhat- sam hang gotei kaswi kak, nyiinii Saraamah nahmeigo lungsyiile katu nyiinii aipii tile.

JONNII KARYII KABI RASAM JUKAMATI 13:35

Gonyiida hangninanii hangniniigo lungkasyii tei leileponii, aipiinii meihangnii gonyii ai guboumeile katu tigong tangle.”

1 THESOLONIKAMEI 4:9

Gonyii kangsanameigo kalungsyii matutang karam mah kaang kito mei kaniido gonyii dakii ryiitang karam kabi tei gale. Kadapokii hangninanii hangniniigo kada takumpii kalung- syii tangpo katu tei gonyiigo Saraanii ralipyii takle.

JONNII KARYII KABI RASAM JUKAMATI 5:24

“Inii gonyii dakii kasangpii tam leile, gusam shiisii ninado n-gu lang kamagong ahgo malumsii kalei ahteinii kalui kaga karing tei doutakle; sateichii samtak katii kitei ahnii hailakle, nlenii ahnii katai kito karingki kaamajupat wotakle.

1 PITAR 1:22

Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.

METIU 25:40

Sateichii Sagong teinii ahnyiigo khekalat tangle, ‘Inii gonyii dakii kasangpii tam leile, gukang sanamei kacheng chengsang hangninii dakii gonyiinii tiikapyii tatei gonyiinii gudakii tiipyii bamle.’

HEBRUMEI 13:1

Sung kating taikarhii mah kalungsyii katu tei taksupii leimatulo.

JONNII KARYII KABI RASAM JUKAMATI 15:12

Inii gonyiigo lungkasyii takumpii gonyiido hangninanii hang- niniigo kalungsyiilo katu ai gonyii dakii pyiikalei kakhatsamle.

1 JON 4:12

Meikaniido Saraago ngousang ngoumakle; hangninanii hangniniigo nyiinii kalungsyii leponii, Saraanii nyii dato taksupii leile; teito mpougo lungkasyii tei nyii dato sajek gasii matwi mashang takle.

1 JON 3:23

Sateichii ai ai mpoumah kakhatsamle, katunii, mpounah sapfii mpou Jisu Krista zei kito nyiinii malum tang karamle sateichii mpounii nyii dakii kakhat kabam takumpii, hangninanii hangniniigo nyiinii kalungsyii tang karamle.

1 PITAR 3:8

Kalui kito, kamaning lungswi hangninii, ti njoi katu, lung kamanoi, lungkasyii, sateichii detdi kasu lung- swi tei gonyii hang leilo.

KOLOSIMEI 1:4

daponii Krista Jisu dakii gonyiinii kamalum sateichii kamatei meihang dakii gonyiinii lungkasyii tei nyiinii shiitakle.

IPISAMEI 1:15

Kaang aijangpii, Bangpii Jisugo gonyiinii kamalum ninado Saraago kamalum meihang go gonyiinii lungkasyii tei Inii shiikalu sekpiinii,

1 JON 5:13

Saraa nah sapfii mpou zei kito kamalum gonyii dato kalui kaga karing leile katu gonyiinii titang karam jangpii, Inii ai ai ryii leile.

JONNII KARYII KABI RASAM JUKAMATI 15:17

Gonyii hangninanii hangniniigo kalungsyii matutang karam jangpii kakhatsam ai Inii gonyii dakii pyii leile.

1 JON 2:3

Nyiinii Saraamah kakhatsam hang tei swileponii, nyiinii mpougo tile katu tei aipii nyiinii tile.

2 PITAR 1:7

Gonyiimah Saraa kamaning ki- teikii asanamei takumpii kakukabi, sateichii gonyiimah asanamei ta- kumpii kaku kabi kiteikii lungkasyii tei kai mpam kalu tiilo.

IPISAMEI 2:5

nyiimah kakui kama kito nyiinii rangiilamto taika- lei tinglang kitodo, Kristago kaswisii mpounii nyiigo tiimaringpyiile. Gonyiigo keikapyii teinii Saraamah jumage kapyii kitole.

2 KORENMEI 5:1

Kadapokii nyiinii lungkalei sazyii pouryii mah dwipeiki ai tiimaga aileponii, meinah bahpii tiikasu aki, sating gamto kalui gasii lungtang karam nitei, Saraa dato nyii jangpii leile katu nyiinii tile.

IPISAMEI 2:1

Gonyii mah kama ninado kem hang jangpii gonyiinii tai kalei kito mpounii gonyiigo tiimaringpyii takle.

GALATIMEI 5:22

Nlenii rangiimah riiti teinii, lungkasyii, ka-nta, kamajung, lung leh kati, lungsyii kati, kabi, maning makhang wokabui,

LUKNII KARYII KABI RASAM JUKAMATI 15:32

Nyiinii nta nlang kajyiile, kadapochiinii ai, go taikarhiipii ainii katai kito ring takle; sateichii maga kalei kito douwo takle.’ ”

LUKNII KARYII KABI RASAM JUKAMATI 15:24

Kadapochiinii gunah sapfii mpou ai tai kalei kito ringloi takle,’ sateichii ahnyiinii nta nlangtu takle.

LUKNII KARYII KABI RASAM JUKAMATI 7:5

Kada- pochiinii mpounii nyii luigo lung- syiile, sateichii mpounii nyii Ndwiki tiipyiile.”