1 JON 3:10 - KARANU KABI SAMTAM

¹⁰ Saraamah nahmei tei tatapo, sateichii seitanmah nahmei tei tatapo katu aipii ngou wobuile: Kasang tiikasumei ninado mpou sanapiigo lungsyii kasu mei tei Saraa dato makle.

1 JON 3:10 Referans Kwoze

1 JON 4:8

Lungsyii kasumei hang teinii Saraago timakle, dapokii Saraanii lungkasyiile.

3 JON 1:11

Lungkasyii gukangpii, kashyii jairali tei rali sulo, nlenii kabi jairali tei ralilo. Kabi katiimei hangtei Saraa mahle; Kashyii katiimei hang teinii Saraago ngou womakle.

1 JON 4:21

Sateichii Saraago lungkasyii ah teinii kangsanapii godo lungsyii tang karamle katu kakhatsam ai nyiinii mpou dato doule.

JONNII KARYII KABI RASAM JUKAMATI 8:44

Gonyii ai gonyii pfii seitan dateitole, sateichii gonyii pfii mah kamarei ka-ntha hang tiitang karam tei gonyii mah kamaning kamazhii teile. Ahnii nu saroisekto meigo kagi kabaameile sateichii kasang gotei kaswisii tha tiitang karam samah kado gale; dapochiinii ahda kasang tei gasang gale. Ahnii kachui sam katam kak nunuto kalei ahmah jai taiswisii malhiile, kadapokii ahnii kachuipiile ninado teimah pfii teile.

METIU 13:38

Lubam teinii sazyii pouryiile, Lwirou kabi tei sagong sazyii mah nah sapfiimei hang teile; rhiimah teinii kashyii mah nah sapfiimei hangteile;

JONNII KARYII KABI RASAM JUKAMATI 8:47

Saraa dato kagongmei teinii Saraamah tam ka mpat samtei shii leile, nlenii gonyiinii Saraa dato gongmakle, teijangpii gonyiinii shii makle.”

LUKNII KARYII KABI RASAM JUKAMATI 6:35

Nlenii gonyiigo ngou karoumei hang go lungsyiilo, sateichii kabi tiilo, sateichii matiilo, douloi tang karam jangpii maning sulo. Kadaponii gonyii lhang tei ditangle, sateichii sagoi kaki Saraa nah tei gonyiinii tiitangle; kadapochiinii tiikapyii mai tikasu kashyiimei godo mpounii lukai pyiile.

1 JON 4:6

Nyiinii Saraa mahle, Saraago katimei hangteinii nyii sam shiile, Saraamah kasumei hang teinii nyiisam shiimakle, aipii nyiinii kasangmah rangiigo ninado kasang kasu rangiigo tile.

IPISAMEI 5:1

Gonyii ai Saraamah lungkasyii nahmei katu taiswisii, gonyiinii mpougo njoitang karam tei tiitang karamle.

1 JON 5:2

Nyiinii Saraago lungsyiisii mpoumah kakhat- sam hang gotei kaswi kak, nyiinii Saraamah nahmeigo lungsyiile katu nyiinii aipii tile.

1 JON 2:29

Mpou ai kasang kamajyii teile katu gonyiinii tileponii, kasang tiisii kaleimei hang godo mpounii manaapyii takle katu gonyiinii tile.

TIILAMLWI KAPYIIMEI THA JUKAMATI 13:10

“Nang sara kashyii mah nah sapfii mpou! Nangnii kabi hang gotei ngouroule. Nang kashyii chem katham kathampii tokryiile sateichii nangnii Bangpii mah kasang ka- majyii pwidi hang gotei tii-nkhuisii kalei tei ntak lakpo?

1 JON 5:19

Nyiinii Saraamahle, sateichii sazyii pouryii hangnii sara kashyii kang nkangsii leile katu nyiinii tile.

JONNII KARYII KABI RASAM JUKAMATI 1:12

Nlenii mpougo lukakaimei hang go, mpou zei kito malum kalumei hang go, Saraamah nahmei tiimatu tang karam mah teimaham tei mpounii pyiitakle;

JONNII KARYII KABI RASAM JUKAMATI 11:52

Sateichii lui hang jangpii roinii supiinii, marou maruksii kalei Saraa mah nahmei hang go mpounii hangninii tiisii poido poi nkom tang karam jangpii- niile katupii mpounii teipiikum tei kanat kajum Tingditupii tiisii, mpounii Saraa sam saa mpatle.

ROMMEI 13:8

Hangninanii hangniniigo lung- kasyii mah pow teisupiinii mei mah kado, mah hangninii kado pow pungsii leisulo; kadaponii mpouki tiinaniipameigo lungkasyiimei teinii ajaitingshang gotei gongmatwi ma- tule.

KOLOSIMEI 3:14

Sateichii aihang phyiiryiikii sajek gasii mahlyiihang go jum njapyiisii kalei lungkasyii tei nat kaikalei takumpii kai wolo.

1 TIMOTHI 1:5

Pyii kalei mwija aimah kaangnii lung kamatei kito kabi kasang kamajyii tikabui lungswi kito, ninado kasangpii kamalum kito kagong lungkasyii tei tiimakhii tang karam jangpiile.

1 JON 3:1

Julo, nyiigo Saraamah nahmei tiipyii tang karam jangpii Pfiinii nyii phyiiryiikii kadaziikapii lungsyii pyiitakpo? Sateichii nyiinii teitei miwo takle, kaang aijangpii sazyii pouryiinii nyiigo timakle, dapokii sazyii pouryiinii mpougo timakle.

1 JON 3:2

Lungkasyiimei, aitoinii nyiinii Saraamah nahmei takle, nlenii nyii ai kadapei takum tangpo katu aitoi mangou makle, nlenii Kristanii ka- gong kak, nyiido mpou takum tangle katu nyiinii tile, dapodinchii mpounii kasangpii ringkalei sek takumpii nyiinii mpougo ngoutangle.