1 JON 2:27 - KARANU KABI SAMTAM

²⁷ Sateichii mpou dato gonyiinii doukalu thao manuk kapyii teinii gonyii dato leile, sateichii mei kata hangninanii gonyiigo ralipyii tang karam kabi mah kado gale; nlenii mahlyiihang mah kaang kito mpoumah thao manuk kapyii teinii gonyiigo ralikapyii kasang, kachui kaga takumpii, sateichii teiteinii gonyiigo ralikapyii takumpii mpou dato gonyiinii taksupii leilo.

1 JON 2:27 Referans Kwoze

JONNII KARYII KABI RASAM JUKAMATI 14:26

Gu zei kito Pfiinii lang magong tang karam tiikahapii, rangii kamatei teinii gonyiigo mahlyii hang ralipyii tangle ninado Inii gonyii dakii tam kabam hangtei maning gongloi matu tangle.

1 KORENMEI 2:13

Sateichii ai ai sazyii pouryii mah swirek kabipii ralikapyii samlat kito nyiinii tam mpat makle, nlenii rangii doukalumei dakii rangii mah kasang hangtei adoidoi tiisii katam samlat kito tam leile.

JONNII KARYII KABI RASAM JUKAMATI 16:13

Nlenii kasang mah rangii teinii gongsekchii, ahnyiinii gonyiigo kasang hang kiteikii chyiitatpyii tangle; kadapokii ahnii mpou teimaham kito roinii kito tam lakle, nlenii ahnii shiikalu hangtei ahnii tam tangle sateichii gongtang karam hangtei ahnii gonyii dakii tam matipyii tangle.

1 THESOLONIKAMEI 2:13

Sateichii kaang aijangpii tak- supiinii Saraago halangle, katunii gonyiinii nyii dato shiikalu Saraamah samtam tei dou wosek-kii, meinah mah samtam tei supii, gonyii kamalum mei kak kito tha tiipyiisii kalei Saraa samlesii gonyiinii lukai wotakle, teitei Saraa samtam ka- sangle.

2 JON 1:2

Nyii dato taksupii kalei sateichii kalui gasii nyiigo kaswisii bam tang karam kasang mah kaang jangpiile:

1 JON 3:24

Sateichii mpoumah ka- khatsam kaswimei hangteinii mpou dato taksupii leile, sateichii mpounii ahnyii dato leile. Sateichii mpounii nyii dakii pyii kabam rangii aipiinii mpounii nyii dato taksupii leile katu nyiinii tile.

1 JON 2:28

Gunahmei, aitoinii mpounii kagong tinglang kak nyiinii lung kalum tei doukabui tiisii, sateichii mpounii kagong piinei leimik mpou dato nrousii mbeilak tang karam jangpii gonyiinii mpou dato taksu- piinii leilo.

1 PITAR 1:23

Kadapokii gatuwo kabuimah lwirou kito supii, gatupeiwo kalakmah kito karing ninado Saraamah kalui kaga samtam paikito gonyiigo nlailoisii manaapyii takle.

KOLOSIMEI 2:6

Gonyiinii Krista Jisugo Bangpii tiisii lukai kalu taiswisii gonyiigo ralikapyii takumpii mpougo kaswisii hangninii tiisii lunglo.

JONNII KARYII KABI RASAM JUKAMATI 14:17

Mpou ainii Saraa mah kaang kito kasang mangou kapyii rangii teile. Sazyii pouryiimeinii ahgo doupei wolakle, dapodinchii sazyii pouryiinii ahgo ngoupei wolakle ninado tipei wolakle. Nlenii gonyiinii ahgo tile, dapodinchii ahnii gonyiigo kaswisii bamle ninado gonyii lung kito leile.

IPISAMEI 4:21

Go- nyiinii mpoumah kaang kito madou- supii shiitakle, sateichii mpoutai kaswimei tiisii Jisu dato kalei kasang tei gonyiigo ralipyii takle.

JONNII KARYII KABI RASAM JUKAMATI 4:14

Nlenii Inii pyiitang karam dwitei sak kalumei hangteinii saryii- sang saryiiloi lakle; Inii pyiitang karam dwitei mpou lung kito kalui tiisupiinii ringtang karam jangpii pok kapat dwipok hangninii tiitangle.”

1 TIMOTHI 2:7

teijangpii lui kakimeimah kabi rasam katam mei ninado tiilamlwi kapyiimei hangninii tiisii kamalum ninado kasangmah sam tam matu tang karam jangpii n-gu kalaiwo takle. I-chuimakle, I-kasang tei tam leile!

METIU 13:11

Sateichii mpounii ahnyiigo khekalatle, “Sating gam sazyii mah kamakum samtei timatu tang karam jangpii gonyii dakii pyiibam takle, nlenii ahnyii dakiinii pyiimakle.

JONNII KARYII KABI RASAM JUKAMATI 6:45

Aitiisii lungkakalingmei mah larek kikii ryiibamle, ‘Sateichii ahnyii hang go Saraanii ralipyii tangle.’ Pfii dato shiikalu ninado rali kalumei hang- teinii guda gongle.

JONNII KARYII KABI RASAM JUKAMATI 14:16

Inii Pfii dato khang tangle sateichii mpounii gonyiigo tiikaha kaki hangninii pyiitangle, kalui gasii ahnii gonyiigo kaswisii bam tangle.

1 KORENMEI 2:12

Sateichii Saraanii nyii dakii pyii kabam luha hang gotei nyiinii tiwo kabui jangpiinii, nyiinii sazyii pouryii mah rangii gotei doumakle; nlenii Saraa dato kagong rangii gotei dou wotakle.

2 KORENMEI 1:21

Gonyiigo njasii nyiigo tiikapyii ninado nyiimah tiilung ai Kristago hangninii tiisii nja katu kito tiisangting kapyii tei Saraa ah sekle, nyiigo poi mpat tham kapyii tei Saraa ah sekle;

1 THESOLONIKAMEI 4:9

Gonyii kangsanameigo kalungsyii matutang karam mah kaang kito mei kaniido gonyii dakii ryiitang karam kabi tei gale. Kadapokii hangninanii hangniniigo kada takumpii kalung- syii tangpo katu tei gonyiigo Saraanii ralipyii takle.