1 JON 2:25 - KARANU KABI SAMTAM

²⁵ Sateichii mpounii nyii dakii pyii tanglesii riishii tiikabam tei aile, katunii, kalui kaga karing teile.

1 JON 2:25 Referans Kwoze

JONNII KARYII KABI RASAM JUKAMATI 10:28

Inii ahnyii dakii kalui kaga karing tei pyiile, ahnyiinii madou kado gasang gatu- lakle sateichii mei kaniido ahnyiigo gubah kito numpoitu wolakle.

TAITAS 3:7

nyiigo keikapyiipii Jisu Krista dato rangii kamatei gotei nyii phyiiryiikii Saraanii moisii rui mpatpyii takle.

JUD DATO KAGONG CHITI JUKAMATI 1:21

Sateichii Bangpii Jisu Kristanii mpoumah lungset kati kito gonyiigo kalui kaga karing pyiimatu tang karam jangpii gonyiinii koisii koisii, gonyii roinapii gonyiigo Saraamah lungkasyii kito mbamlo.

1 TIMOTHI 6:12

Kamalum mah kabi saryii katii tei tiilo, sakchyiimei hangkii doito nangnii tam ka-mpat kak, n-go latkalu kalui kaga mah karing tei jumlo.

1 JON 1:2

Sateichii karing tei mangou takle, sateichii nyiinii teitei ngoutakle teijangpii nyiinii teimah kaang kito sakchyii tiisii sateichii Pfiigo kaswisii kalei ninado nyii dakii mati kapyii kalui kaga karingmah kaang kito nyiinii gonyii dakii saa mpat leile.

TAITAS 1:2

chuisang chuilei kasu Saraanii pyiitanglesii ndouto riishii tiikabam kalui kaga karing tei doutanglesii maning kamalum kito,

ROMMEI 5:21

Kadaponii kem teinii katai kito magong kalei takumpii, jumage kapyii teido kalui kaga tiilung kito kasang kamajyii jangpii nyii Bangpii Jisu Krista paito magongsii lungtang karam jangpiile.

ROMMEI 2:7

Mei kangkanii tha kabi tei tiisii tiisii pumtei kava go sadzyii ngariit katiigo, sateichii gakalak karing go fiisii bamle. Ahnyii dateikii Saraanii kalui kaga karing tei pyii tangle.

JONNII KARYII KABI RASAM JUKAMATI 12:50

Mpoumah kakhatsam ainii kalui kaga karingle katu Inii tile; teipiinii Inii tam kalei ai Pfiinii gudakii katam tei Inii tam leile.”

JONNII KARYII KABI RASAM JUKAMATI 6:68

Saimon Pitarnii mpougo khekalatle, “Bangpii, nyiinii tada tat tutangpo? Godato kalui kaga karing mah samkang hangtei leile.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

1 TIMOTHI 6:19

ahnyiinii kasang karing tiilung tei doutang karam jangpii, gong tang karam tinglang jangpii kabi bangmaa takumpii ahnyii pumsek jangpii poi ndwi matulo.

JONNII KARYII KABI RASAM JUKAMATI 6:54

Gumah kamyii kachiimei ninado gumah zai sak kalumei teinii kalui kaga karingtei doutakle, sateichii Inii ahgo kalui piinei leimik tiima- ringpyii tangle.

JONNII KARYII KABI RASAM JUKAMATI 6:47

Kasangpii Inii gonyii dakii tam leile, malumsii kaleimei hangteinii kalui kaga karingtei doutakle.

JONNII KARYII KABI RASAM JUKAMATI 6:27

Ga aitang karam chiitak jangpii tha tiisulo, nlenii meinah sapfii mpou teinii gonyii dakii pyiitang karam kalui kaga karing mah chiitak jangpii ngam tiilo; kadapokii mpou gamkii Pfii Saraanii seal kaibam takle.”

JONNII KARYII KABI RASAM JUKAMATI 5:39

Gonyiinii kabi rasam hangtei fiile, dapochiinii teihang lung kiteito gonyiinii kalui kaga karing doulesii maningle sateichii gumah kaang kito sakchyii pyiikalei tei teihang teile.

LUKNII KARYII KABI RASAM JUKAMATI 18:30

ahnii tinglang aikito njai moikisii sateichii gong tang karam kiteito kalui kaga karing tiilung tei doutangle.”

1 TIMOTHI 1:16

Nlenii mpougo malum wosii kalui kaga karing doutang karam mei jangpii nda tiikamangou hang- ninii tiisii, kem tiikakipii, n-gu kaswisii kalei kito mpoumah lung leh kati tei Krista Jisunii mangou kabui tiisii Saraanii n-gu lungsyiipyii takle.

GALATIMEI 6:8

Kadapokii mpou pum mpou zai sek kikii ralyii kakai mei teinii pumzai kiteito kaga tei rachet tangle, nlenii rangii kikii ralyii kakaimei teinii rangii kiteito kalui kaga karing tei rachet tangle.

ROMMEI 6:23

Kada- pokii kem mah katiimai teinii kataile, nlenii nyii Bangpii Krista Jisu zei kito Saraanii matapii kapyii luha teinii kalui kaga karing tiilung teile.

JONNII KARYII KABI RASAM JUKAMATI 3:15

Mosesnii sazyii kamarong kito sanhiigo poikamatu takumpii, meinah sapfii mpou gotei poimatu tang karamle.

JONNII KARYII KABI RASAM JUKAMATI 6:40

Kadapokii gu pfiinii kamaning kamazhii tei aile, meinah sapfii mpou gotei ngouwosii, ahgo malum kalumei hangteinii kalui kaga karing doumatu tang karam teile, Sateichii Inii ahnyiigo kalui piinei leimik tiimaringpyii tangle.”