1 JON 2:15 - KARANU KABI SAMTAM

¹⁵ Sazyii pouryiigo sateichii sazyii pouryii lungto kalei mah hang gotei marei sulo. Mei kata kangkanii sazyii pouryiigo lungsyii leponii, Pfiimah lungkasyii tei ah dato gale.

1 JON 2:15 Referans Kwoze

JEMS 4:4

Gonyii sapwimei sapfiimei kashyii kahong tha katiimei! Sazyii pouryiigo kanghe katii ai Saraago ngou karoumeile katu gonyiinii timakde? Teijangpii kata kangkanii sazyii pouryiigo kanghe tiikanyiimei teinii ah roinapiinii ahgo Saraamah angouroumei tiisii leile.

ROMMEI 12:2

Sazyii pouryii mei mah ajairali gotei poisulo, nlenii Saraanii kama- ning kamarei kabi sateichii lukai kamajyii sateichii bikamatui tei gonyii tikabui tiisii gonyii lung kali katu teipii tiikali ailo.

METIU 6:24

“Mei hangninanii apum mei hangnaki leipei wolakle, kadapokii ahnii hangniniigo ngourou tangle sateichii hangniniigo lungsyii tangle, sateichii ahnii hangniniigo dzyiirou tangle ninado hangninii go maning majang tangle. Gonyiinii Saraa nei kani kahii nga ngapei wolakle

LUKNII KARYII KABI RASAM JUKAMATI 16:13

“Ki kaleimei hangninanii Apumpii hangna nga ngapeiwo lakle; kadapochiinii mpounii hangniniigo ngourou tangle sateichii hangniniigo lungsyii tangle, mak-kii mei hang- ninii jangpii sat siinii mei hangni- niigo saba tangle. Gonyiinii Saraa nei kani kahii mah nga ngapeiwo lakle.”

JONNII KARYII KABI RASAM JUKAMATI 15:19

Gonyii ai sazyii pouryii mah leponii; sazyii pouryiinii mpou mah sek takumpiinii gonyiigo lungsyii tangle. Nlenii gonyii gonii sazyii pouryii aito Inii kalai wotakle, sateichii gonyiinii teimah makle; teijangpii sazyii pouryiinii gonyiigo ngourou leile.

1 JON 3:17

Nlenii sazyii pouryii mah kanimei, hangninanii mpou sanapiinii bitang karam tei ngou wosii mpou sanapii jangpii lungtei laatsei suleponii, mpounii Saraago lungsyiile sii mpounii tam wobuipo?

1 TIMOTHI 6:10

Kadapokii sanahgo kamarei ainii kashyii hangmah abang teile, mei kangkanii ai ai hangkapii doukanyii kito ahnyii tei kamalum kito dhiisii tat tutakle sateichii ahnyii lungtei swi kamage katu teipiinii ngiipii kahui kumpii hui aitakle.

GALATIMEI 1:10

Meinah mah kamazhii doutang karam mak-kii Saraa mah kamazhii doutang karam jangpii Inii fiileipo? Mak-kii Inii mei dzyiibi tiitang karam jangpiinii tiisii leipo? Inii aitoi katang mei dzyiibi tiitang karam jangpiinii tiisii leipo? Inii aitoi katang mei dzyiibi tiisii leileponii, Inii Krista mah kikaleimei hangninii tiilak tang karamle.

1 JON 4:5

Ahnyiinii sazyii pouryii mahle, teijangpii ahnyiinii sazyii pouryii sam tamle, sateichii sazyii pouryiinii ahnyii sam tei shiile.

IPISAMEI 2:2

Tei tinglangki gonyiinii sazyii pouryiimah kashyii tai tei swisii, aitoi tinglang ki Saraanii katam swikasu sating nei sazyii kak kamarong kito apum tiisii kalei rangiimah teimaham hang gotei gonyiinii kaswisii leile.

1 JON 5:10

Saraa nah sapfii mpougo kamalum ah teinii ah roinapii sakchyii tei leile, Saraago malum kasu ahteinii mpougo chuimatu aitakle, kadapokii Saraanii mpounah sapfii mpou mah kaang kito pyii kabam sakchyii tei ahnii malum sutakle.

METIU 4:8

Nlailoisii seitan teinii mpougo hangkapiinii kasagoi zang hangni- niiki pangpisii Sazyii pouryii mah sagong sazyii hang ninado ahnyii mah pumtei kava tei mpoudakii mangousii,

JEMS 1:27

Nyii Pfii Saraa doito kamatei ninado kahong kaga kanat teinii: pwi pfii kagamei sateichii kamipwimeigo ahnyiimah kamage kalak kito jukaha sateichii mpougo sazyii pouryiimah kashyii kahong kito rum matu kasu aile.