Biblia Todo Logo
Bib sou entènèt

- Piblisite -




1 JON 2:13 - KARANU KABI SAMTAM

13 Apfiimei, Inii gonyii dakii ryiileile, dapodinchii saroisekto kalei mpougo gonyiinii tile, karanumei, Inii gonyii dakii ryii leile, dapodinchii gonyiinii kashyii gotei ngam wotakle. Nahmei, Inii gonyii dakii ryii leile, dapodinchii gonyiinii Pfiigo tile.

Gade chapit la Kopi




1 JON 2:13
36 Referans Kwoze  

Gonyiinii n-gu titakleponii, gonyiinii gu Pfii godo titang takle, aitoisekpii gonyiinii mpougo titakle ninado ngoutakle.”


Apfiimei, Inii gonyii dakii ryiile, dapodinchii saroisekto kalei mpougo gonyiinii tile. Karanumei, Inii gonyii dakii ryiile, dapodinchii gonyiinii tei mahamle, sateichii Saraamah samtam tei gonyii dato taksupii leile, sateichii kashyii gotei gonyiinii ngam wotakle.


Lungkasyii nahmei, gonyiinii Saraa mahle, sateichii gonyiinii ahnyiigo ngam wotakle, kadapokii gonyii dato kalei ah teinii sazyii pouryiito kalei ah sung kisii dikile.


Nukarei kito kabam, nyiinii shiikalu, nyii mikpiinii ngou kalu, nyiinii ngou wosii nyii bahpiinii dengkalu karingmah samkangmah kaang kito–


“Mahlyiihang gu pfiinii n-gu pyiitakle; sateichii pfii teisupiinii mei kaniido nah gotei tapo katu tei timakle, sateichii nah sapfii mpou teisupiinii sateichii nah sapfii mpou teinii mangoupyii matu kanyiimei tei supiinii mei kaniido Apfii gotei timakle.”


Sateichii hangni- niisang hangninii roinii kalei kasang Saraa Ahgo ninado Ahnii lang kamagong Jisu Kristago nyiinii tikatu ai; kalui kaga karing teile.


Saraa dato manaa kalu meihangnii kem tiisii leimakle, kadapokii Saraanah sapfii mpou teinii ahgo tiigatpii jumatousii leile sateichii sara kashyii teinii ahgo tiimashyiipei wolakle katu nyiinii tile.


Nyiinii Ken takum lak tang karamle; mpounii sara kashyii tai tei swisii mpou sanapii Abel go gitat aitakle. Kennii mpougo dajangpii gitat aipo? Dajangpiipo dinchii mpounii katii hangtei kamale, nlenii mpou sanapiinii katii hangtei kasangle.


“Mahlyiihang gu pfiinii gudakii pyiibam takle; sateichii pfii tei supiinii Nah sapfii mpou gotei mei kaniido timakle, sateichii nah sapfii mpou tei supiinii Pfii gotei mei kaniido timakle sateichii Nah Sapfii mpou teinii kata hangninii dakii mpougo mati mangou tang karam jangpii kalai wokalu teisupii, mei kaniido Pfiigo timakle.


Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.


Gunahmei, Inii gonyii dakii ryii leile, dapodinchii gonyiimah kem hangtei mpou-ju jusii magapyii takle.


Gunahmei, gonyiinii kem tiikasu tiisii Inii ai ai gonyii dakii ryii leile; nlenii mei kata hangninanii kem tiileponii, Pfii doito nyii jangpii satsii sam tampyii tang karam, kasang kamajyii Jisu Krista leile.


Teitakumpiinii ahnyii roinapii mpou mpou pum jum matwi kabui tiisii sapfiimei karanumeigo katuikai pyiilo.


Tii mpat kareiki Saraanii kakhatle, “Kamyii kito kava tei vamatulo.” Aimah njoi Saraa ainii mpoumah kava tei nyii lung kitodo vamatule. Kava ainii Krista ju kito vakalei Saraamah pumtei kava tei nyiigo timatule.


Sateichii ahnyiinii aihang ai tiitangle, dapodinchii ahnyiinii Pfii godo n-gudo timakle.


Jisunii khekalatle, “Tinglang aitiiziika kathang ai Inii gonyiigo kaswisii bam takle, teitii kido nang n-gu timakpo, Filip? N-gu ngou kalumei hangteinii Pfiigo ngoutakle, teitii leponii, nang dajangpii ‘Pfii gotei nyii dakii mangoulo,’ sii tam leipo?


Teijangpiinii ahnyiinii mpougo tamle, “Go Pfii kadaki leipo?” Jisunii khekalatle, “Gonyiinii n-gudo gu Pfii godo timakle; gonyiinii n-gu tileponii, gonyiinii gu pfii godo titangle.”


Lubam teinii sazyii pouryiile, Lwirou kabi tei sagong sazyii mah nah sapfiimei hang teile; rhiimah teinii kashyii mah nah sapfiimei hangteile;


Mei kata hangninanii sating gam sazyii mah samtam tei shii wosii, teigotei tikasu teinii kashyii teinii gongsii ah lungkikii maroukai kabam tei poitoi takle; pwidiku kikii rali kakei ahtei aile.


Katingmeigo n-gisulo, nlenii mpougo go pfii takumpii, sapfiimei karanumeigo gosanamei takumpii,


ahnyii hang ai hangninii tiimatu tang karam jangpii Inii riita leile; nangnii n-gu lang magongle katu sazyii pouryiinii malum matu- tang karam jangpii, he Pfii-o, nangnii gudato sateichii Inii godato kalei takumpiinii, ahnyiinii nyii dato leimatu tang karam jangpii Inii riita leile.


Nlenii gomah sam tei nle leponii, nle sii tamlo, makle leponii maklesii tamlo, sateichii aidoito kakihang teinii sara kashyii datole.”


Gonyiinii gudato kamajung tei doumatu tang karam jangpii samhang ai Inii gonyii dakii tam takle. Sazyii pouryiito gonyiinii kamage kalak doule, nlenii ntatulo, sazyii pouryiigo Inii ngamwo takle.”


“Rangiinii Charsh dakii tam kalei tai khoi pungkalei meihang teinii shiimatulo, ngam kalu ah dakii Saraamah Paradais kito kalei karingmah ruibang kiteito chii matu- tang karam jangpii Inii pyiitangle.’


Sateichii ahnyiinii mpougo Jaonah mah zai teipii sateichii ahnyiimah sakchyii kapyiimah sam- kang teipiinii ngam wotakle, kada- pokii ahnyiinii ahnyiimah tiilung gotei katai katang marai makle.


Swiv nou:

Piblisite


Piblisite