1 JON 2:12 - KARANU KABI SAMTAM

¹² Gunahmei, Inii gonyii dakii ryii leile, dapodinchii gonyiimah kem hangtei mpou-ju jusii magapyii takle.

1 JON 2:12 Referans Kwoze

TIILAMLWI KAPYIIMEI THA JUKAMATI 10:43

Lungkakalingmei hangnii mpou kaang kito sakchyii tiile, katunii mpougo kamalum meihangnii mpou zei kito kem maga kapyii tei doutangle.

TIILAMLWI KAPYIIMEI THA JUKAMATI 13:38

Teijang- piinii, kangsanamei, ai ai gonyiinii tiwolo, katunii mpou paikito kem tiimaga kapyii ai gonyii dakii tam ralipyii leile.

IPISAMEI 1:7

Kadapokii Kristanii karatsii taikapyii teipii nyiihang go matapii laat mpatpyii takle, katunii, nyii kem kama hangtei magapyii takle. Saraamah jumage kapyii tei kadaziikapii dipo,

TIILAMLWI KAPYIIMEI THA JUKAMATI 4:12

Sa- teichii mei kaki hangninii dakado keikapyii karing tei gale, kadapokii nyiigo keipyii tang karam, meihang dakii pyiikabam sating kang aito zei kaki hangninii kado gale.”

KOLOSIMEI 1:14

Nyiigo kaleikapyii katunii, nyii kem maga kapyii tei ai nah sapfii mpouda aito leile.

1 JON 1:7

Nlenii mpounii kava kito kalei takumpii nyiinii kava kito tat leileponii nyiinii hangninanii hang- niniigo nja katumah njai dou njoi katu tei leile, sateichii mpounah sapfii mpou Jisumah zai teipiinii kem hang kito nyiigo tiimatei pyiile.

1 JON 1:4

Nyiimah ka-nta ai matwi mashang matu tang karam jangpii nyiinii ai ai ryii leile.

LUKNII KARYII KABI RASAM JUKAMATI 24:47

Sateichii Jerosalem sekto haosii Lui kaki hang dakii mpou zei kito lung kakali ninado kem kama maga kapyii tei tamroi tang karamle;

LUKNII KARYII KABI RASAM JUKAMATI 5:20

Teito ahnyii mah kamalum tei Jisunii ngou wosii tamle, “He sapfii mpou, gomah kem hangtei magapyii takle.”

1 JON 2:21

Gonyiinii kasang tei tikasu jangpii Inii ryiimakle, nlenii gonyiinii teitei kati jangpii sateichii kachui katu ai hangninii kado kasang kito gong makle katu kati jangpii ryiile.

1 JON 2:7

Lungkasyiimei, Inii gonyii dakii kasatai kakhatsam ryiilei makle, nlenii saroisekto gonyiinii doukalu kaham kakhatsam teile, Kaham kakhatsam teinii gonyiinii shiikalu teile.

1 JON 2:1

Gunahmei, gonyiinii kem tiikasu tiisii Inii ai ai gonyii dakii ryii leile; nlenii mei kata hangninanii kem tiileponii, Pfii doito nyii jangpii satsii sam tampyii tang karam, kasang kamajyii Jisu Krista leile.

1 JON 1:9

Nyiinii nyiimah kem tei tam mpat leponii, nyiimah kem hang kaleipyii tang karam ninado nyiimah tiikama hang kito nyiigo tiimateipyii tang karam jangpii, mpounii malum kabui ninado kasangle.

IPISAMEI 4:32

Sateichii gonyii hangninanii hangniniigo kalungsyii- sii, lung manoilo; Saraaniido Krista paikito gonyiigo magakapyii takumpii gonyii hangninanii hangniniigo kama kaleipyiilo.

1 KORENMEI 6:11

Sateichii gonyii mei kangkanii teitakumpii leile. Nlenii nyii Bangpii Jisu Krista zei kito sateichii nyii Saraamah rangii kito gonyiigo shyiido shyii matei pyiitakle, tiido tiimateipyii takle sateichii tiido tiimajyii tiimatuipyii takle.