Mateus 19:5 - Txa²wã¹sũ̱³na² Wãn³txa²

⁵ Te²yã¹nxũn³te³nah¹lxi¹: “Nxe³ju³kxai³lu² in³txai²na² sa²kxai³lu² a²wĩ³na² a²hã³ka³nai²na² nxe³sxã³ ã³waix3tũ²la² a²sxe³xa³ka³lxa² so¹lxi³ tẽ³tu¹wi¹. Nxe³ha²kxai³ in³txa² txu¹ha² a²nũ²ka³na³ka³na³ton³tu¹wi¹.” Nxe³ta¹hxai²ti³ai¹ti²tu³wi¹.

Mateus 19:5 Referans Kwoze

1 Korĩntios 7:4

A²sxe³xai²na² sa²kxai³lu² a²nũ²khai³xa² a²wa³kxẽn³na³ka³lxu³sxa³wa². Yxãn¹ta¹ a²wẽ³sãi¹yah³lai²na² sa²kxai³lu² a²wa³kxẽn³yah³lai²la¹wa². Te²yã¹nxe³sxã³ a²wẽ³sãi¹yah³lai²na² sa²kxai³lu² a²nũ²khai³xa² a²wa³kxẽn³yah³lo²sxa³wa². Yxãn¹ta¹ a²sxe³xa³ka³lxai²na² sa²kxai³lu² a²wa³kxẽ³na³ka³lxai²la¹wa². A²wa³kxẽn³su²nyhu¹ki̱³tã³la².

1 Korĩntios 7:2

Nxe³yãn¹ta¹ kuh³lxa³thin¹sxã³ kãi³ju³ta² yũ³khaix1te²jai¹ti²ti¹. Txu¹ha² so²nxa³ta¹ka³lxu²su² ũ³whĩn¹ta³kxi²nyhu¹kxi³ju³ta² yũ³khaix1te²jai¹ti²ti¹. Nxe³ha²kxai³ in³txi³nãu³xa² hãi¹nxe³ti³xa¹ a²txu¹khai³xa² so²xai³ju³ta² wain³na³la². Te²yã¹nxe³sxã³ tu¹txi³nãu³xa² hãi¹nxe³ti³xa¹ a²in³txi³khai³xa² yũ²xai³ju³ta² wain³na³la².

Efesios 5:31

Txa²wã¹sũ̱³na² ũ³wha²li¹txã³nxu¹tai²na² e³te³nah¹lxi¹: — In³txai²na² txu¹ha² so¹nyhu¹te³lhxã³ nxe³kxai²nãn²tu̱³ a²wĩ³na² ã³na¹i² a²hã³ka³nai²na² ã³na¹i² nxe³ka³tu̱³ a²sxe³xa³ka³lxai²na² so¹nũ²la² ã³nũ²kxi²sxã³ yxau³ya³tu¹wi¹. ónũ²kxi²sxã³ yxau³ya³kxai²nãn²tu̱³ a²nũ²ka³na³ka³na³te²hũ̱³nxe² yxau³ya³te²ju²hẽ³li¹. Nxe³ta¹hxai²hẽ¹la².

1 Korĩntios 6:16

Jã¹nxũn³sxã³ ko̱³nxe³thin¹ta¹ka³lxa² ũ³whĩn¹ti³ki̱³kxai²nãn²tu̱³ nxẽn¹ta¹ka³lxu³su² ta¹ka³lxa² ko̱³nxe³thin¹ta¹ka³lxa² a²nũ²a² ã³nũ²kxi²sxã³ yu³ka³na³ka³na³ju³ta³nũ³su² kãi³hĩ̱³ki̱³tã³la². Jã¹nxe³jut3su² Txa²wã¹sũ̱³na² ũ³wha²li¹txã³nxa² nxe³te³nah¹lxi¹: — Ũ³whĩn¹ta³kxi²ki̱³kxai²nãn²tu̱³ ã³nũ²kxi²sxã³ wxa²nũ²a²nãu³a² yu³ka³na³ka³na³ju³ta³nũ³su² kãi³hĩ̱³ki̱³tã³li¹. Nxe³ta¹hxai²hẽ¹la².

Romanos 12:9

A²nũ²a² ã̱³xa² a³lxi²waun¹nha¹jah³lxi³hẽ¹la². — Txa²wã¹yxo²ka³nãu³ai²na² whãi²na¹ wi¹la̱in³nha²sxã³, a³lxi²khaix1na¹nha¹. Nxe³sxã³ a³lxi²waun¹nha¹jah³lxi³hẽ¹la². Hai³txi³ a³lxi²ki³lxo³xah³lxi³txa³hẽ¹la². Jã¹nxe³sxã³, ha³lo²a² ko̱³nxe³ju³ta² ã³na¹jah¹lxi³hẽ¹la². — Ko̱³nxe³ju³ta² yxo²kwĩn¹kxi²na¹nhã¹. Yah³lxin¹jau³su², ã³na¹jah¹lxi³hẽ¹la². Yah³lxin¹ka³tu̱³, wi¹ju³ta² so¹lxi³ i³jah¹lxi³sxã³ ã³tẽ³sxã³ ã³kãi³jah¹lxi³hẽ¹la².

Mateus 19:6

Jã¹nxe³ha²kxai³ a²nũ²a² ha¹lo³nxa³wi¹. A²nũ²ka³na³ka³na³jah³na³li¹. Nxe³ha²kxai³ Txa²wã¹sũ̱³na² hi²sen³kxai³lu² ã³nũ²kxi²ya³te²sya¹hin²ta²wi¹. Nxe³kxe³su² a²nũ²ai²na² sa²kxai³lu² ã³nhai²ta³lxi³si¹hain¹kxai²nãn²tu̱³ nxe²kãi³yah³lxi³txa³hẽ¹li¹.