Nxe³ju³tai²na² Sũ̱³na² ũ³wha²li¹txã³nxa² ĩ²ki̱³te²jai¹ti²tu³wa². Nxe³ki̱³sa²kxai³ a²nũ²a² wi¹lhin¹ti³hi¹te²na² ko̱³nxe³ti³ju³ta² ĩ³ha¹txi²nhain¹kxai²nãn²tu̱³ Txa²wã¹sũ̱³na² nxũ²kwa̱i³lxũ¹nũ¹hain¹tu¹wa², ko̱³nxe³ti³ kãi³kxa²ya̱n³ti³sa². Te²yã¹nxe³kxe³hũ̱³nxe² wi¹lhi¹nai¹nxa³te²a² kãi³kxa² yo³ha² ũ³wha¹ũ¹hain¹tu¹wa². Kxã³nãu³a¹ a²nũ²a² a²yxo²ha³kxa¹ kãi³ain¹kxa² yo³yhu³ta² ũ³hũ¹je³na³kxa² ũ³wha¹nũ¹hain¹tu¹wa².
Lukas 21:22 - Txa²wã¹sũ̱³na² Wãn³txa²22 A²nxe³hĩ¹na² ko̱³nxe³ti³ kãi³te²nãu³xa² ta³lan²txai²na² ye³khãuh³lxa³thi¹nyhain¹kxi³ai²la¹wi¹. Nxe³ju³ta²nũ³a² Txa²wã¹sũ̱³na² ũ³wha²li¹txãn³nxu¹tai²na² kxãn³nxãn¹txã³nxu¹tai²na² ĩ³ye³kxũ¹nẽ³ta¹hxai²ti³ai¹ti²tu³wi¹. Gade chapit la |
Lukas 21:22
22 Referans Kwoze
Jã¹nxe³jut3su² oh³xan¹ko³xai²na² hĩ¹na² ĩ²ki̱³ko³xai²na² yuh³xai²nãn¹ko³xai²na² hĩ¹na² ĩ²ki̱³ko³xai²na² nxe³sxã³ te²yã¹nxe³sxã³ hũx1sxã³ hxat3sih¹xah³lho³la². Txa²wã¹sũ̱³na² a²yxo²wãn³txu¹txai²na² e³ju³tan¹te²kxa³ya̱³lhu² ko̱³nxe³te²la³ a³ya³txi²kxe³nũ³a² ũh³wxe³na²hẽ³la². Nxe³te³na¹ ha³lo²ai²na² whãi²na¹ Txa²wã¹sũ̱³na² wãn³txu¹tai²na² we¹ta³lun²si¹ja³kxa³nũ³su² ha³nxe²a² i̱³ju³ta² i̱³hxan³si¹tu¹wa². Nxe³tãu³ãn²tu̱³ a²nũ²a² ko̱³nxe³thin¹te²nãu³xai²na² a²yxo²ha³kxa¹ ko̱³nxe³ti³ ĩ³yĩ¹li²ha²kxai³ ko̱³nxe³thin¹kxa² yo³ha² ũ³hũ¹ai¹nha²kxai³ nxe³ain¹tu¹wa².
Yxãn¹ta¹, ã³ne³wi¹xa³sxã³ ã³ne³toh³yxa³sxã³ ah³lxi³to³hxa³lxa². Yah²lxan³kxe³su², yxan¹nãu³a¹, Txa²wã¹sũ̱³na² wain³txi³ wã²nxũ̱h¹ a̱in³nha²sxã³, txa²wã¹ko̱³nxe³ti³ kãi³ki̱³ju³ta² ĩ³xa̱n³ta³kxi², wã²nxũ̱h¹ kãi³ki̱³kxa² yã¹nxe³sxã³ ĩ³yĩ¹li²xai², nxe³nẽ³tu¹wa². Nxe³nẽ³lha²kxai³, hĩ¹na² ã³ne³to³yhah²lxan³kxai²nãn²tu̱³, yah³lxin¹kxa² yã¹nxe² yxan¹nãu³ai²na² Txa²wã¹sũ̱³na² ko̱³nxe³te²lo³sxã³ ĩ³yĩ¹li¹nx2ti³tu¹wa².
Piblisite