Kálatas 5:2 - Txa²wã¹sũ̱³na² Wãn³txa²

² Nxe³yah³lxi¹nha²kxai³ wi¹lain³kxi²sah¹lxi³hẽ¹la². Txai²na¹xai²na² Pau²lah³lo²na¹xai²na² wãn³txi³khai³xa² e³kxi¹nx2ta¹wa². Ju³te²a² nũ̱³ka̱³txa² a²ki³lha³lxa² kãi³ai¹nhxai²kxai³ jã¹yxah³lxin¹ju³ta² ã³wxe³nũ¹hah³lxin¹kxai²nãn²tu̱³ Kris²tu³jah¹la² ã³non²ta³kxi¹nx2ti³xa³lho³la².

Kálatas 5:2 Referans Kwoze

Kálatas 5:6

Nxe³ha²kxai³ hãi¹nxe³sxã³ Je³su² Kris²tu³jah¹lai²na² wãn³txa² yxo²ĩ²sĩ¹na¹wa². Sĩ¹na¹ha²kxai³ Ju³te²a² a²ki³lha³lxa² kãi³ai¹nhxai²kxai³ jã¹nxe³ki̱³ju³ta² kãi³ta̱³nxa² hãi¹nxã¹ta̱³nxa² ĩ²lu³ju³ta² kwa²hãi¹nxe³hĩ̱³nx2na³la². Yxãn¹ta¹ Je³su² Kris²tu³jah¹lai²na² wãn³txa² yxo²ĩ²sxã³ a³lxi²waun¹nhyu¹ki̱³kxai²nãn²tu̱³ wain³te²lo³tẽ³ju³ta² yũ²na³la². Nxe³ju³ta² so¹lxi³ wain³na³la².

Atos 15:1

Nxa²ha¹te¹ in³txi³nãu³xa² Ju³te²a²ko³xu¹tai²na² a³li³xain¹nũ²la² Ãn³ti³o³ki²a²thĩ³na² ã³wi¹hain¹ta¹hxai²hẽ¹la². ówi¹hain¹nũ²la² yxo²ĩ²tũ̱³ka̱³txa² ĩ³ye³kxain¹te³nah¹lxi¹: — Kxã³nhxĩ¹nu¹tai²na² Moi³se²ah³lu¹tai²na² e³ta¹hxai²hẽ¹li¹. E³te³nah¹lxi¹: “Wxa²ki³lha³lxa² tẽ³sxã³ a²ki³wã²la² ũ³sa³si³tũ³ko¹kxã¹ju³ta² ĩ³yau¹ũ³nx2ta¹ju³ta² wet1sah¹lxi³hẽ¹li¹.” Nxe³jau³xai²li² Moi³se²ah³lu¹tai²na² ũ³wha²li¹ta¹hxai²ti³ai¹ti²tu³wi¹. Nxe³ha²kxai³ Ju³te²a² nũ̱³ka̱³txi³sxa³te²su² te²syah¹lxan³kxan²ti³ te²yã¹nxe³jah³lxi³hẽ¹li¹. Yxãn¹ta¹ yah²lxan³kxai²nãn²tu̱³ Txa²wã¹sũ̱³na² hxi²ki³kxai³lu² wxa²ko̱³nxe³ti³ kãi³yah³lxin¹ju³ta² hxi²kan¹txi³ ne³wã²na³nx2ti³xah³lho³li¹. Nxe³nyhain¹ta¹hxai²hẽ¹la².

Ebreus 4:2

Jã¹nxe³jau³xu¹tai²na² ĩ³hen³txi³nx2ti³jau³xu¹tai²li² jau³xain²txi³ ĩ³hen³txi³nẽ³jau³xain²txi³ nxe³jau³xai²li² ain³kxi²nũn³ki̱³tai¹ti²tu³wa². Nxe³jau³jau¹xu¹tai²na² ain³kxain¹kxan²ti³ hai³txi³ yxo²ĩ²ai¹nxa³ha²kxai³lu¹ ĩ³hxi²ka¹tain¹ju³ta³nũ³a² yũ³ain¹ta¹hxai²nxa³ti³ai¹ti²tu³wa².

Kálatas 5:11

Yxãn¹ta¹ txa²wã³tã̱³syah¹lxi¹lxa². Ain³kxi²sah¹lxi³hẽ¹la². Txai²na² sa²kxai³lu² Ju³te²a² a²ki³lha³lxa² kãi³ai¹nhxai²kxai³ jã¹nxa¹ju³ta² nxe³jau³jau¹xai²na² yxo²ĩ²si¹hain¹jau³su² ĩ³yau¹ũ³ai¹na¹kxai²nãn²tu̱³ ĩh¹nxe³kxa²ya̱n³ti³ta̱³ Ju³te²a² wãn³txa² sa²yxo²we¹tũ̱³ka̱³txa² khãuh³lxa³ti³sain¹to³lhai¹la²? Ya²la³tu̱³ nxe² ĩ³yau¹ũ¹hai¹na¹ke³la³te²kxai³ wãn³txa² ĩ³hen³txi³na¹jau³xa² Kris²tu³jah¹la² ĩ³hxi²kĩ¹la³kxain¹ju³ta² ya³lu²kxi²nẽ³ju³ta² kwa²wãn³txi³sa²hĩ̱³nx2na³la². Yxãn¹ta¹ ti³he¹xai¹nxa³wa². Jã¹nxe³ke³la³te²kxai³la¹ Ju³te²a² wãn³txa² sa²yxo²we¹tũ̱³ka̱³txa² ĩ³xa̱n³ta³kxi²sai¹nhĩ̱³nx2nxa³wa². Yxãn¹ta¹ jau¹xai²na² ĩ³yau¹ũ³ain¹nxa³hẽ³la².

2 Korĩntios 10:1

Ju¹ta³la³ nxe³ha²kxai³ txai²li² Pau²lah³lo²na¹xai²na² ko̱³nxe³te²lot3sah¹lxin¹te² ĩ³nxai²na² thãi³ti³la² e³kxi¹nx2ta¹wa². Kris²tu³jah¹la² thãi³ti³la² e³kxi²kxa² yã¹nxe² e³kxi¹nx2ta¹wa². Wã²nxũ̱h¹ e³lyah¹lxin¹te³nah¹lxi¹: — Pau²lah³lai²na² wxã³sxã³ e³kxi²nẽ³tãu³a¹ wi¹lhit1sxã³ e³kxi² thãi³ti³la² e³kxi² nxe³nẽ³na³li¹. Yxãn¹ta¹ u¹nxũh¹yxau³tãu³a¹ yxo²xũ̱n³txi³ e³kxi²nẽ³na³li¹. Sah¹lxin¹jau³su² nxe³sah¹lxin¹jah¹lo²sa¹wa².

Atos 15:24

Nxe³yah³lxi¹nha²kxai³ txa²nũ̱³ka̱³txa² wxã³sxã³ ĩ³ye³kxi¹nx2tain¹ta¹hẽ¹li¹. Nxe³jau³xa² hxi²waun³txi³sxã³ ĩ³yxaih¹yah³lxi³ta¹hĩ¹nhẽ¹li¹. Yxãn¹ta¹ jau¹xai²na² hai³txi³ sa²si¹hã³nx2ti³sĩn¹nxa³hẽ³li¹.

1 Tesalonisẽnses 2:18

Ĩ²xi²ti³ten³khai¹nxe³nx2ti³sĩ¹na¹hẽ¹la², txai²na¹xai²na² Pau²lah³lo²na¹xai²na²sa³. Yxãn¹ta¹ Sa³ta³na²jah¹la² hxi²kat1sa²sĩn¹to³hxa³hẽ¹la².

Filemõ 1:9

Yxãn¹ta¹ a³lxi²khaix1nxa²ha¹nha²wa². Nxe³nxa²ha¹ha²kxai³ hãi¹sxã³ ĩ³ye³kxi¹nxa²ha¹tu¹wa². Txai²na¹xai²na² Pau²lah³lo²na¹xai²na² yah³lon¹jah¹lo²na¹xai²na² Je³su² Kris²tu³jah¹lai²na² wãn³txa² yxo²ĩ²a¹ha²kxai³ ũ³tĩ̱¹kxi²sain¹jah¹lo²na¹xai²na² ĩ³ye³kxi¹nxa²ha¹tu¹wa².

1 Korĩntios 16:21

Jã¹nxe³na¹jau³su² txa²hxi²ka² ũ³wha²li¹lye¹nx2ta¹wa². Txai²li² Pau²lah³lo²su² nxa¹wa².

Atos 15:5

Ain¹nxa²ha¹te¹ fa³ri³se²a² in³txi³nãu³xu¹tai²na² Je³su²jah³lai²na² wãn³txa² yxo²ĩ²ain¹te²an²tu̱³ ĩ³sa²yxau³sxã³ ĩ³ye³kxain¹te³nah¹lxi¹: — Wain³ti³he¹nxa³wi¹. Moi³se²ah³lu¹tai²na² wãn³txa² sa²yxo²wet1si¹hain¹jau³su² kwa³na³txai¹yah³lxi³hẽ¹li¹. Nxe³kxa²yu³su² a²ki³lha³lxai²na² a²ki³wã²la² ũ³sa³si³tũ³ko¹kxã¹si¹hain¹jau³su² kwa³na³txain¹yah³lxi³hẽ¹li¹. Ju¹tai²na² so¹lxi³ wain³na³li¹. Fa³ri³se²a² in³txi³nãu³xu¹tai²na² nxe³ta¹hxai²hẽ¹la².

Filemõ 1:19

Txa²hxi²ka² ĩ²wha²li¹la¹wa². Nxe³na¹te³nah¹lxi¹: — Txai²li² Pau²lah³lo²na¹xai²na² ũ³yho³hxi²na¹txã³nxa² ũ³wha²li¹lye¹nxa²ha¹wi¹. Nxa¹wa². Nxa¹jau³su² yxãn¹ta¹ a²kxã³nxai³tã² Je³su² Kris²tu³jah¹lai²na² wãn³txa² ĩ³yau¹ũ³nxa²ha¹ha²kxai³ yxo²ĩ² ã³si³wxen¹tai¹ti²tu³wa². Ĩ³yau¹ũ¹nxa²hxa³ke³la³te²kxai³ hai³txi³ yxo²ĩ²hĩ̱³nx2nxa³lxa². Nxe³hĩ¹nãn¹te²tu̱³ ka³te̱³na² wi¹tãu³la³ yũ¹lxa². A²nxe³jut3su² ne³wã²na³txa³hẽ¹la².