Atos 20:1 - Txa²wã¹sũ̱³na² Wãn³txa²

¹ Aun³ta² ĩ³yain¹sxã³ ã³nhãu²no³jain¹nxa²ha¹te¹ Pau²lah³lo²nu¹ta² hi²sen³kxai³lu² Je³su²jah³lai²na² wãn³txa² yxo²ĩ²te²nũ̱³ka̱³txa² ĩ³kaix1so¹sxã³ ã³nũ²kxi²nũ²la² wãn³txa² wi¹jau³xa² ĩ³nxũ²kwa̱i³lxũ¹nain¹jau³xa² ĩ³ye³kxi²ta¹hxai²hẽ¹la². Nxe³nũ²la² ã³waix3txi²ta¹hxai²hẽ¹la². ówaix3txi²nũ²la² Ma³se³to²na²ko³xa² ã³nxai³lha²the³ta¹hxai²hẽ¹la².

Atos 20:1 Referans Kwoze

2 Korĩntios 7:5

Nxa²ha¹te¹ Ma³se³to²na²ko³xai²na² ã³wih¹sxã³ ai³lha²thet3ta¹hĩ¹nãn¹te²tu̱³ ĩ³ye¹nxi²na¹ju³ta² yũ³tu³nxa³hẽ³la². Yxo²xũn³txi³ ĩ³kwa̱i²kxi²sa²te²a² yũ³ha²kxai³ txa²ẽ¹nãu³ai²na² a̱u³txi³ yuh³lxi³khaix1sa³hẽ¹la².

Atos 19:21

Nxe³nũ²la² Pau²lah³lo²nu¹tã² a²wãn³txi³kxai³lu¹: — Hĩ¹na² ai³na¹tu¹wi¹. Ma³se³to²na²ko³xa² ai³sã²na¹ka³tu̱³ hã²wxãn³txa³ Kre³sa²ko³xa² ai³nũ³na¹tu¹wi¹. Jã¹nxa¹ka³tu̱³ Je³ru³sa³lẽ²thĩ³na² ã³wi¹ha¹tu¹wi¹. Nũn³to³ha¹ka³tu̱³ Ro²ma²thĩ³na² ã³ya²sa³we¹ti¹ha¹tu¹wi¹. Nxe³ta¹hxai²hẽ¹la².

1 Timoteo 1:3

Nxe³ha²kxai³ Ma³se³to²na²ko³xa² ai³te³lhxã³ nxa¹hĩ¹nai³tã² e³kxi¹nxa²ha¹tai¹ti²tu³wa². Nxe³nxa²ha¹te³nah¹lxi¹: — E²fe³so³thĩ³na² hãi¹sxã³ yxau³sẽ¹li¹. A²nũ²a² ĩ²li³te²a² wãn³txa² ki³han³jau³xa² ĩ³tih³nxe³nyhai¹nha³tai¹. Nxe³te²a² ha³ya³kxa² o²la³kxain¹si¹hin¹jau³su² ĩ³ye³kxi¹tai¹nhẽ³li¹. Wãn³txa² ki³han³jau³su² jau³xa² ã³na¹i² wxa²wĩ³na²nãu³xu¹tai²na² he¹ta¹hxai²hẽ¹li¹. Nxe³jau³xai²na² ya²la³tu̱³txa³kxai²nãn²tu̱³ ã³na¹i² nxe³ain¹si¹hin¹jau³su² ĩ³ye³kxi¹tai¹nhẽ³li¹. Nxe³jau³xai²li² a²ẽ¹nãu³ai²na² hxi²kan¹txi³ yxo²ĩ²ki̱³jau³sxa³wa². Yxãn¹ta¹ Txa²wã¹sũ̱³na² wãn³txa² so¹lxi³ hxi²kan¹txi³ yxo²ĩ²ki̱³jau³xai²la¹wa².

1 Tesalonisẽnses 5:26

Txa²wã¹sũ̱³na² wãn³txa² yxo²ĩ²yah³lxi¹nha²kxai³ ne³khauh²xi²nyhu¹ah³lxin¹kxai²nãn²tu̱³ ĩ³yxo²sai¹la³kxi²nha¹ju³ah³lxi³hẽ¹la².

1 Korĩntios 16:20

Txa²wã³tã̱³nãu³xai²li² ti¹na² yxau³te²a² a²yxo²ha³kxa¹ te²yã¹nxe³jau³xa² ĩ³sa²si¹hã³nx2tain¹nũn³na³la². Txa²wã¹sũ̱³na² wãn³txa² yxo²ĩ²yah³lxi¹nha²kxai³ ĩ³yxo²sai¹la³kxi²nha¹ju³ah³lxi³hẽ¹la².

1 Korĩntios 16:5

Nxa²ha¹te¹ wxã³sxã³ ĩ²nx2ta¹tu¹wa². Ma³se³to²na²ko³xa² ai³lha²thet3sãn²sxã³ hã²wxãn³txa³ wxã³na¹tu¹wa².

Romanos 16:16

A³lxi²waun¹nha¹jah³lxi³sxã³ ĩ³hen³txi³nha¹jah³lxi³hẽ¹la². Yah³lxi¹nha²kxai³, Je³su²jah³la² sa²yxo²we¹tain¹tũ̱³ka̱³txi³nãu³xa² yxo²ha³kxa¹ ha³lo²lo³txai³lain¹ju³ta² yxau²xai³lain¹sxã³ ĩ³ka³li³si¹nx2ti³jau³su², ĩ³sa²si¹hã³ũh¹nx2tain¹na³la².

Atos 20:37

Nxa²ha¹te¹ ĩ³sa²yxau³xi²nũ²la² Pau²lah³la² kãin² ĩ³nã̱n³kxin²tain¹na²hẽ³la². Nxe³sxã³ ha³la³ti³ain¹nũ²la² ĩ³yxo²sai¹la³kxin²tain¹na²hẽ³la². Ai¹nha²kxai³ wi¹lhin¹sxã³ a³li³si¹hain¹jau³su² ĩ³ye³kxain¹na²hẽ³la².

Atos 20:10

Nyhain¹nxa²ha¹te¹ Pau²lah³lo²nu¹ta²kxai³lu² a³ka³nxi²sxã³ ã³tĩ̱³xain¹na²hẽ³la². ótĩ̱³xain¹nũ²la² ã³ka³ti³lhu³ta³kxa²wxe³sxã³ wxa²ha³la³wau¹kxi²na²hẽ³la². Nxe³sxã³ ĩ³ye³kxi²te³nah¹lxi¹: — Ãin²jxah³lxi³txa³hẽ¹li¹. A²wi¹tãu³a² ãh¹ nxũ²kwa̱i³yxaun³tai¹. Pau²lah³lo²nu¹ta²kxai³ nxe³na²hẽ³la².

Atos 16:9

Nxe³tãu³a² ka³nxa³hi²ta¹hxai²hẽ¹la². Ka³nxa³hi²nũ²la² Pau²lah³lo²nu¹ta²kxai³lu² hxi²sxã³nho³jut3sũ̱³ju³ta² ĩ²ta¹hxai²hẽ¹la². Ĩ²ka³tu̱³ta¹ in³txa² Ma³se³to²na²ko³xan¹jah¹la² ã³wxã³ye²ta¹hxai²hẽ¹la². ówxã³ye²nũ²la² win¹ta²te²lxi³ ĩ³ye³kxi²te³nah¹lxi¹: — Ma³se³to²na²ko³xa² ã³wxã³sẽ¹li¹. ónon²ta³kxi²sa²sĩ¹nhẽ³li¹. Nxe³ye²ta¹hxai²hẽ¹la².

Atos 11:26

Ĩ³ha¹txi²nũ²la² Ãn³ti³o³ki²a²thĩ³na² ãn³sa²so²xai³ta¹hxai²hẽ¹la². Nxe³ka³tu̱³ kwẽ³kxa² ka³na³ka³nat3sxã³ yxau³tãu³a² yxo²ĩ²tũ̱³ka̱³txa² ã³nũ²kxain¹to³tãu³a² Sũ̱³na² wãn³txa² ĩ³tih³nxain¹to³ta¹hxai²hẽ¹la². Nxe³sxã³ a²nũ²a² ka³lxa¹txi³ ĩ³tih³nxain¹ta¹hxai²hẽ¹la². Nxe³tãu³a² a²nũ²a² ã̱³sa²nũn³te²a² wãn³txi³kxai³lu¹: — Tũ̱¹ka³txai²li² Kris²tu³ tũ̱³ka̱³txi³sin²ta²wi¹. Ain¹jau³su² nxe³sxã³ Ãn³ti³o³ki²a²thĩ³na² nxe² ĩ³yĩ¹lih² ã³si³wxe³eh²nyhain¹ta¹hxai²hẽ¹la².

2 Korĩntios 13:12

Txa²wã¹sũ̱³na² wãn³txa² yxo²ĩ²ah³lxi¹nha²kxai³ ĩ³yxo²sai¹la²kxi²nyha¹ju³ah³lxi³hẽ¹la².

Atos 16:12

Te²yã¹nxũn³tãu³a² ĩ̱³ye³na²kxai³lu² ã³sxã³ Fi³li³pos²thĩ³na² a²yu³kxa² ã³nxai³ya³sain¹na²hẽ³la². A²nxe³thĩ³na² Ma³se³to²na²ko³xan¹thĩn³su² ha²kxai³ sxi²yhe³na² kãin²thĩn³su² ha²kxai³ nxe³hxai²na²hẽ³la². Nxe³ha²kxai³ Ro³ma²no² nũ̱³ka̱³txa² a²hxi²kan¹ta² yxau³thĩn³su² hxai²na²hẽ³la². A²nxe³thĩ³na² ye³ha¹li¹ yxau²a³lan²ya³sain¹na²hẽ³la².

Atos 20:2

Ai³lha²thet3tãu³a² a²nũ²a² yxo²ĩ²te²a² wãn³txa² wi¹jau³xa² ĩ³nxũ²kwa̱i³lxũ¹nain¹jau³xa² ĩ³hen³txain¹ta¹hxai²hẽ¹la². Nxe³ha²kxai³ yxo²ĩ² kãi²no³nain¹ta¹hxai²hẽ¹la². Nxe³nũ²la² a³li³sxã³ Kre²sa²ko³xa² ã³nxai³ta¹hxai²hẽ¹la².

Atos 20:3

Nxe²xai³ti̱³kxai³lu² i³la³ka² ki³ha¹li¹ ka³na³ki¹ sa²tã³tĩ¹sxã³ ta³ko¹xu¹tai²na² yxau³ta¹hxai²hẽ¹la². Nxe³nũ²la² Si²ri³a³ko³xa² ã³nxai³te³lhxã³ nxe³tah¹lxa¹ Ju³te²a² nũ̱³ka̱³txa² ã³nhai¹tũ³ tũ̱³ka̱³txa² su²lhã³te³lhxã³ ain¹jau³su² ain³kxi²nha²nũ²la² ã³wa²li²sxã³: — Ma³se³to²na²ko³xa² wa̱³li²te³la¹wi¹. Nxe³ain¹ta¹hxai²hẽ¹la².