Apokalipse 9:13 - Txa²wã¹sũ̱³na² Wãn³txa²

¹³ Nxa²ha¹te¹ ã̱³xah³lai²na² sa²kxai³lu² ã³ta³lo³hẽt1sxã³ a²wãi²lhũ̱³ka³txa² wxa²no²la³kxi²na²hẽ³la². Wxa²no²la³kxi²ka³tu̱³ wãn³txa² ain³kxi²na¹hẽ³la². Txah³lxa³kxa³txai²li² ou²ro²ka² we¹tain¹ka³txa² Txa²wã¹sũ̱³na² sa²nẽn¹kxi²ka³txai²li² a²ne³txau³xa² ne³tau³ha¹li¹ ne³tau³ha¹li¹ yũ³na²hẽ³la². Nxe³te²nxũ²kwa̱i³ye³la³nãu³a² wãn³txa² e³jau³xa² ain³kxi²na¹hẽ³la². A²nxe³ka³txai²na² sa²kxai³lu² Txa²wã¹sũ̱³na² yen³nãu³a² sxa³na²hẽ³la².

Apokalipse 9:13 Referans Kwoze

Apokalipse 9:1

Nxa²ha¹te¹ ã̱³xah³lai²na² sa²kxai³lu² ã³ta³lo³hẽt1sxã³ a²wãi²lhũ̱³ka³txa² wxa²no²la³kxi²na²hẽ³la². Wxa²no²la³kxi²ka³tu̱³ oh³sĩ̱³na² hi³ka²ta³a² ĩ²a¹hẽ³la². A²nxe³ki³a² oh³xa² a³hi²sxã³ yuh³xan¹ko³xai²na² sxan³ta²wa². A²nxe³sxã³ hi³ka²ta³jah¹la² yuh³xan¹ko³xai²na² a³hi²jah¹lai²na² sa²kxai³lu² sya²ve²ka³txa² ũh³yxo²than²ki̱³ka³txa² sa²nũ¹nyhain¹na²hẽ³la². Yuh³xa² kxĩh³nxẽ¹na² u¹tẽ³na² ũh³yxo²than²ki̱³ka³txa³nũ³a² sa²nũ¹nyhain¹na²hẽ³la².

Ebreus 10:21

Wã³nxĩn¹ta² Si³yxau³jah¹la² Txa²wã¹sũ̱³na² yen³nãu³a² a²nũ²a² wã³nxĩn¹ti³ ĩ³ye³ũ¹nhẽ³jah¹lan²tu̱³ hxi²kan¹khaix1jah¹lai²la¹wa².

Ebreus 9:24

Jã¹nxe³ju³kxai³lu² Kris²tu³jah¹la² sa²kxai³lu² sxi²ha² wã³nxĩn¹thĩ³na² a²nũ²a² hxi²ka² wet1thĩ³na² hai³txi³ ã³wih¹ta¹hxai²nxa³hẽ¹la². Nxe³thĩ³nai²na² hãi¹sxã³ wã³nxĩn¹thĩ³nhũ̱³na³la². Yxãn¹ta¹ oh³nãu³nũ¹ka³na¹ Txa²wã¹sũ̱³na² yxau³ko³xa² ã³wih¹ta¹hxai²hẽ¹la². Txa²wã¹sũ̱³na² yen³nãu³a¹ ĩ³ye³ũ¹nhẽ³kxe³su² kãi³ũ¹nhẽ³na³la².

Apokalipse 8:2

Nxa²ha¹te¹ oh³xan¹tũ̱³ka̱³txa² ha¹li¹ ha¹li¹ ha¹li¹ ka³na³kin¹tũ̱²ka̱³txa² Txa²wã¹sũ̱³na² ne³kaix3tãu³a² yxau³ain¹tũ̱³ka̱³txa² wxã³ain¹na²hẽ³la². Wxã³ain¹nũ²la² wãi²lhũ̱³ka³txa² ũ³hũ²xai³ain¹na²hẽ³la².