Apokalipse 22:20 - Txa²wã¹sũ̱³na² Wãn³txa²

²⁰ Jã¹nxe³sxã³ Je³su²jah³lai²na² wãn³txain²txi³ a²hãix1jau³xain²txi³ ĩ³ye³yxo²nũn¹nain¹sxã³ ĩ³ye³te³nah¹lxi¹: — Ya²la³tu̱³tã³li¹. Wa³su³txi³ wa̱³li²na¹tu¹wi¹. Nxe²na³la². Nxe³jau³xai²na² ten³sa²nũn³nha²wa². Nxe³na¹te³nah¹lxi¹: — Wi¹na³li¹. Wa³su³txi³ wa̱³li¹sẽ¹li¹. Nxe³na¹wa².

Apokalipse 22:20 Referans Kwoze

Apokalipse 22:7

Nxa²ha¹te¹ Je³su²jah³la² e³kxi²sain¹te³nah¹lxi¹: — Nxex3sa²lxi¹. Wa³su³txi³ wa̱³li²na¹tu¹wi¹. Nxe³ha²kxai³ txa²wãn³txa² kwẽn¹ta² ũ³hũ¹nxa²ha¹jau³xai²na² ũ³wha²li¹lin¹jau³xai²na² sa²yxo²wet1sa²jah¹la² sa²kxai³lu² ĩ³ka³lih³kxai¹na¹tu¹wi¹. Nxe³sain¹na²hẽ³la².

Ebreus 9:28

Te²yã¹nxe³jut3su² Kris²tu³jah¹la² sa²kxai³lu² ye³ka³na³ka³nat3sxã³ so¹lxi³ ya²lu²kxi²nẽ³na²hẽ³la². A²nũ²a² a²yxo²ha³kxa¹ txa²wã¹ko̱³nxe³ti³ kãi³ki̱³ju³ta² a²wah³yu³ta² ũ³yho³hi²ta³lun²si¹jau³nũ³a² ya³lu²kxi²nẽ³na²hẽ³la². Hã²wxãn³txa³ wa̱³li²ye¹nx2tu¹wa². Wa̱³li²ye¹nxa²kxai²nãn²tu̱³ hai³txi³ ya²lu²kxi²nẽ³na²hẽ³ jã¹nxe³sxã³ ya³lu²kxi²nẽ³lxa³lho³la². Yxãn¹ta¹ a²nũ²a² ĩ²li³te²nãu³xa² wa̱³li²ju³ta³nũ³a² wah³nxe³te²su² te²an²tu̱³ sa¹so¹nẽ³tu¹wa². A²ka³te̱³na² wi¹tãu³lo³ti³hi¹tẽ³tu¹wa².

Apokalipse 22:12

Nxa²ha¹te¹ Je³su²jah¹la² ĩ³ye³te³nah¹lxi¹: — Nxex3sa²lxi¹. Wa³su³txi³ wa̱³li²na¹tu¹wi¹. Nxa¹kxai²nãn²tu̱³ a²nũ²a² kãi³ain¹ju³ta² ĩ²a¹tu¹wi¹. Wi¹ju³ta² kãi³ta̱³nxa² ko̱³nxe³ju³ta² kãi³ta̱³nxa² nxain¹jut3su² a³ya³ti³na¹tu¹wi¹. Nxa¹kxai²nãn²tu̱³ nxe²kãi³ain¹kxa² yo³ha² nxe² sa²tẽ³a¹tu¹wi¹.

2 Timoteo 4:8

Kxãn³nãu³a² wain³txi³ o²la³kxi²na¹kxa² yo³ha² yũ³sa³tu¹wa². Txa²wã¹hxi²kan¹ta² Si³yxau³jah¹la² wain³ju³ta² so¹lxi³ kãi³jah¹la² nxe³te² hi²sen³su² ũ³yho³hi²sa³tu¹wa². Te²yã¹nxe³sxã³ Je³su² Kris²tu³jah¹lai²na² a³ka³nxi²ju³ta² wah³nxain¹te²a² yxo²ha³kxa¹ ũ³yho³hain¹nũn³tu¹wa², Kxãn³nãu³a¹sa².

1 Korĩntios 16:22

Wxa²nũ̱³ka̱³txi³ ĩ³nxa² ĩ²li³te²a² sa²kxai³lu² Txa²wã¹sũ̱³na² a³lxi²nxa³kxai²nãn²tu̱³ ko̱³nxe³ti³ ĩ³yĩ¹li²ũ¹jah¹lai²la¹wa². Txa²wã¹hxi²kan¹ta² Si³yxau³jah¹lai²na² a³ka³nxi²sxã³ wa̱³li²ju³ta³nũ³a² ya̱u³son³na³la².

Apokalipse 22:10

Jã¹nxe³sxã³ ãh¹ e³kxi²sa²te³nah¹lxi¹: — Nxe³ha²kxai³ ha³lo²a² yxau³son³na³li¹. E³kxi¹nxa²ha¹ju³tai³ta³lxi³ wa³su³txi³ ãn³si³wxen¹tu¹wi¹. Wãn³txa² ũ³wha²li¹lin¹jau³xai²li² hãi³a² ũ³ho¹txa³hẽ¹li¹.

Apokalipse 1:2

Nxa²ha¹te¹ Jo³ãu²ah³lo²na¹xai²na² sa²kxai³lu² ha³lo²a² a³la³kxi²si¹sa²ju³tai²na² a²yxo²ha³kxa¹ wã²nã³ũ¹sa²ju³ta² ha³kxa¹ ũ³wha²li¹lhxã³ ĩ³yau¹ũ¹nx2ta¹tu¹wa². Txa²wã¹sũ̱³na² wãn³txa² ĩ³yau¹ũ³hi² Je³su² Kris2tu³jah¹la² wãn³txa² ya²la³lyau³xa² ĩ³yau¹ũ³hi² nxe³sa³na²hẽ³la².

Apokalipse 22:18

Jã¹nxa¹jut3su² txai²na¹xai²na² Jo³ãu²ah³lo²na¹xai²na² e³lxah¹ e³kxi¹nx2ta¹wa². Wãn³txa² ha³lo²a² wxã³ju³ta²nũ³ai²nãn¹jau³xa² e³kxi¹nx2ta¹jau³xa² ain³kxi²syah¹lxin¹te² ĩ³nxai²na² a³la³kxi¹jxah³lxi³hẽ¹la². Wãn³txa² yau³xã̱³xa² ĩ³ye³sxã³ ĩ³nũ²kxi²yah³lxin¹kxai²nãn²tu̱³ ko̱³nxe³te²lo³txa²lxi³ha³ta²wa². Ha³te̱h³nxã³nxai²na² ũ³wha²li¹la¹jau³xai²na¹ ko̱³nxe³te²lo³txa²lxi³ha³ta²wa².

Joãu 21:25

Jã¹nxa¹jau³su², ha³lo²a² yu̱³tã̱³lxi³, Je³su²jah³la² ka³lxa¹txi³ kãi³sa²sai¹ta¹hxai²hẽ¹la². A²nxe³ju³ta² yxo²ha³kxa¹ hxi²kan¹txi³ ũ³wha²li¹ ũ³hau³ko³ta³lun²sa²so¹hĩ̱³ki̱³sxa³wa². — Ũ³wha²li¹ta³lu²na¹tũ¹xã¹. Nxe³ki̱³kxai²nãn²tu̱³, a²ha³te̱h³nxã³nxa² yuh³xai²nãn¹ta³ko³xai²nãn¹txã³nxai²na² yxo²ha³kxa¹ ũ³wha²li¹ãn³yxo²ka³tu̱³kxi²sa²so² wxa²nã¹la³kxi²nũ² nxe³ki̱³kxai²nãn²tu̱³, ha³te̱h³nxã³nxai²na² yxo²ha³kxa¹ hxan³khai¹nxe³tãu³a¹ ha³ta̱³nxãn²txi³, hxi²kan¹txi³ Je³su²jah³la² kãi³ju³ta² ka³lxa¹ju³ta² ha³kxa¹ ũ³hau³ko³ta³lun²sa²so¹hĩ̱³ki̱³sxa³wa². Ta³lu²na¹wa².

Apokalipse 1:18

Ka³te̱n³yah¹lo²su² te²sa¹i¹. Kxã³nxai³tã² ya³lu²na¹hẽ³li¹. Yxãn¹ta¹ hĩ¹na² ka³te̱n³yu³ta² so¹lxi³ yũ³te²sa¹i¹. Wãn³txi³khai³xai²la¹wi¹. Jã¹nxe³na¹ha²kxai³ ya³lu²nẽ³ju³ta² a²wa³kxẽn³yah¹lo²sa¹i¹. Ya³lu²te²a² ha³lo²a² a²yxo²ha³kxa¹ a²wa³kxẽn³yah¹lo²sa¹i¹.

Ebreus 10:37

Txa²wã¹sũ̱³na² ũ³wha²li¹txã³nxa² nxe³te³nah¹lxi¹: — Jũ¹nxe² yan¹nãu³a¹ jah¹la² wxã³ju³ta²nũ³a² au³ũ¹nx2ta¹jah¹la² ya²la³tu̱³ wxã³tu¹wi¹. Hai³txi³ kxãn³su² nxa³lho³li¹.

Apokalipse 2:16

Nxe³ha²kxai³ ko̱³nxe³ti³ kãi³ju³ta² ã³na¹jah¹lxi³hẽ¹li¹. Sa²yxo²wet1syah¹lxi³hẽ¹li¹. Nxe³syah¹lxan³kxai²nãn²tu̱³ ye³jen¹na² wa̱³li³na¹tãu³a² ã³nhe¹kxi¹nx2ta¹tu¹wi¹. Hi³ki²a³la² txa²yxo²ai²na² sa²yxo²sai¹ta³wxi²ai²na² tẽ³sxã³ ã³nhe¹kxi¹nx2ta¹tu¹wi¹.