Apokalipse 20:10 - Txa²wã¹sũ̱³na² Wãn³txa²

¹⁰ I̱³hxan³txain¹ka³tu̱³ A²ta³jah¹la² Ti³a²bo³jah¹la² a²nũ²a² yxo²ha³kxa¹ ã³ke³tũ¹ain¹jah¹lai²na² sa²kxai³lu² so¹nũ²la² ĩ̱³ye³na² ha³nxe²a² i̱³je³na² ẽ³syo²fre²nũ³nxa² i̱³je³na² ã³nũ̱¹hain¹tu¹wa². A²nxe³je³nai²na² sa²kxai³lu² ka³yxuh³hũ̱³jah¹la² ko̱³jah¹la² ĩ̱³ye³na² wxa²li³jah¹la² ka³yxuh³hũ̱³jah¹la² ko̱³nxe³sxã³ ã³ke³tũ¹hain¹jah¹lai²na² nxe³sxã³ a²kxã³nxa¹ ã³nũ̱¹ain¹na²hẽ³la². A²nxe³je³na¹ a²ta³jah¹lai²li² so¹sxã³ ã³nũ̱¹ain¹nũn³tu¹wa². Nxain¹ka³tu̱³ khãuh³lxa³txain¹ju³ta² so¹lxi³ yũ³ain¹tu¹wa². Khãuh³lxa³txain¹ju³ta² ne³ki³so¹nxa³lho³la².

Apokalipse 20:10 Referans Kwoze

Mateus 25:41

Nxe³nũ²la² a²wã̱³tãu³a² sa²wxe³si¹hai¹na¹te²nãu³xa² yxo²ĩ²sai¹nxa³te²nãu³xa² ĩ³ye³kxai¹na¹tu¹wi¹. Ĩ³ye³kxai¹na¹te³nah¹lxi¹: “ówaix3sah¹lxi³hẽ¹li¹. Ko̱³nxe³thin¹yah³lxi¹lxi¹. Ha³lo²ai²li² ha³nxe²a² i̱³ju³ta² ã²la² ãu¹la³kxi³ko³xai²na² a²ta³a²nãu³xa² ũ³sa²tã³kxi²si¹ju³ta³nũ³a² ũ³sa²tã³nx2tain¹tu¹wi¹.

Apokalipse 19:20

ónhe¹lxin³tain¹te³na¹ ka³yxuh³hũ̱³jah¹la² ko̱³khaix1jah¹la² ĩ̱³ye³na² wxa²li³jah¹la² so¹ain¹na²hẽ³la². Jah¹lai²na² so¹ai¹nha²kxai³ ka³yxuh³hũ̱³jah¹la² ã̱³jah¹la² ko̱³nxe³sxã³ ã³ke³tũ¹ain¹jah¹lai¹ta³lxi³ wã³nxĩn¹sxã³ o²la³kxi²yain¹to³jah¹lai¹txa³lxi³ a²ye³ha³na³kxa² ũ³ta̱³ka² sai¹sxã³ ũ³yhe³wha²li¹la³kxain¹sxã³ ĩ³ki³ha¹kxain¹jah¹lai¹txa³lxi³ ka³yxuh³hũ̱³jah¹la² ko̱³khaix1jah¹lai²na² yãu³ka³txa² kwa³thi³la² we¹tain¹te²a² sa²nẽn¹kxi²si¹hain¹jah¹lai¹ta³lxi³ so¹ha²kxai³ nxe³sxã³ ka³yxuh³xa² ha¹lon³txi³te²na² ka³te̱n³ti³ so¹ain¹ka³tu̱³ ĩ̱³ye³nai²na² ha³nxe²a² i̱³je³nai²na² ã³na¹sxã³ ã³nũ̱¹lain¹na²hẽ³la². A²nxe³je³na² ẽ³syo²fre²je³na² i̱³hxa³nxa³je³nai²la¹wa².

Mateus 25:46

A²nxe³te²nãu³xai²na² sa²kxai³lu² ha³lo²a² ha³nxe² i̱³sa²tẽ³ju³ta² khãuh³lxa³ti³sa²tẽ³nhain¹tu¹wi¹. Nxe³yãn¹ta¹ wi¹lhin¹te²nãu³xai²na² sa²kxai³lu² ka³te̱³na² wi¹tãu³a¹ wi¹lhin¹sxã³ yxau²sa²tẽ³ain¹tu¹wi¹. Je³su²jah³lai²na² wãn³txa² ta¹hxai²hẽ¹la².

Apokalipse 20:8

Ai¹nha²kxai³ Sa³ta³na²jah¹la² hi²sen³su² yuh³xan¹ko³xai²nãn¹tũ̱³ka̱³txai²na² whãi²na¹ ãh¹ ĩ³ki³ha¹kxa²ain¹to³tu¹wa². U³je³na² kan³ko³nãu³a² ĩ³ki³ha¹kxi²ha²kxai³ u³je³na² a³li³xi²ko³nãu³a² ĩ³ki³ha¹kxi²ha²kxai³ a²wi¹nẽ³tãu³an¹ko³nãu³a² ĩ³ki³ha¹kxi²ha²kxai³ a²wã̱³tan¹ko³nãu³a² ĩ³ki³ha¹kxi²ha²kxai³ nxẽn³tain¹tu¹wa². Ko²ke³ nũ̱³ka̱³txa² ĩ³ki³ha¹kxi²ha²kxai³ Ma³ko²ke² nũ̱³ka̱³txa² ĩ³ki³ha¹kxi²ha²kxai³ nxẽn³tain¹tu¹wa². Nxẽn³txain¹nũ²la² ã³nhe¹lxi³yain¹si¹jau³su² ĩ³sa²kxi³nũ²kxain¹tu¹wa². A²nxe³tũ̱³ka̱³txa² ka³lxa¹khai¹nxẽn³tain¹tu¹wa². Ka³yã̱³la³nũ³a² ki³ka³lxa¹khaix1te²jai¹ti²tu³wa². Jã¹nxe³jut3sũ̱³nxe² a²nũ²a² ka³lxa¹khai¹nxẽn³tain¹tu¹wa².

Apokalipse 16:13

Nxe³nũn³nxa²ha¹te¹ ka³yxuh³hũ̱³jah¹la² ko̱³jah¹lai²na² ka³yxuh³xa² ko̱³khaix1jah¹lai²na² ĩ̱³ye³na² wxa²li³jah¹lai²na² ko̱³nxe³sxã³ ã³ke³tũ¹ain¹jah¹lai²na² nxain¹sxã³ a²yxo²nãu³a² a²yãu³ka³txa² ko̱³nxe³khaix1te²nãu³xa² ha¹li¹ ka³na³ki² te²nãu³xa² ha³lau³lhũ̱³te²nãu³xa² yxo²a³li³la³kxain¹na²hẽ³la².

Mateus 7:15

Sũ̱³na² wãn³txa² ĩ³hen³txi³nẽ³tũ̱³ka̱³txa² nxe³ki³lxo³nxe³tũ̱³ka̱³txai²na² wxã³ha³ta²wi¹. Wi¹lhin¹sxã³ thãi³ti³la² ki³lxo³tai¹nha²kxai³ a²tai²na² o³ve²a²hũ̱³ye²tain¹tu¹wi¹. Yxãn¹ta¹ a̱u³txi³ a²ẽ¹nãu³ai²na² ko̱³nxe³thi¹nai¹nha²kxai³ ã³na¹nx2ti³te³lhxã³ nxai¹nha²kxai³ ha̱u³hũ̱³te²sin¹tu¹wi¹.

Apokalipse 9:17

Nxe³sxã³ ĩ²a¹tũ̱³ka̱³txa² nxe³te³nah¹lxi¹. Ka²va¹la² ka³ti³ya̱u³kxi²tũ̱³ka̱³txai²na² sa²kxai³lu² a²ha³la³san¹ka³lo³ai²na² kwa³thi³la³ka³lo³ai²na² sa²kxai³lu² ha³nxe²a² yã¹nxe² he³hen³nha²kxai³ ja³sĩn²to² yã¹nxe² wi³win³nha²kxai³ ẽ³syo²fre² yã¹nxe² sa³te³sa³ten³nha²kxai³ nxẽn³tain¹na²hẽ³la². Nxa²ha¹te¹ ka²va¹la² a²ne³kai²na² sa²kxai³lu² ya²na¹la² ne³ki³hũ̱³na²hẽ³la². A²yxo²ai²na² sa²kxai³lu² ha³nxe²a² i̱³jut3sũ̱³nxe² yxo²a³li³ha²kxai³ a²wha³lxin¹txa² yxo²a³li³ha²kxai³ ẽ³syo²fre²nũ̱³hũ̱³nxe² yxo²a³li³ha²kxai³ nxe³yain¹na²hẽ³la².

Markos 9:44

Nxe³tãu³a² a²nũ²a² ya³lu²ju³ta² yũ²nxa³ha²kxai³ ha³nxe²a² i̱³sa²tẽ³ju³ta² yũ³ha²kxai³ nxe³sa²tẽ³tu¹wi¹.