2 Timoteo 3:5 - Txa²wã¹sũ̱³na² Wãn³txa²

⁵ Nxe³sxã³ Txa²wã¹sũ̱³na² wãn³txa² kwa² sa²yxo²we¹kxan²ti³ a²ẽ¹nãu³ai²na² Txa²wã¹sũ̱³na² nũ̱³kxũn³ju³ta² yxo²ĩ²ai¹nxa³wa². Nxe³jah¹lo²su² kxai²nãn²tu̱³ ã³sxã³ ã³waix3txai¹nhẽ³la².

2 Timoteo 3:5 Referans Kwoze

Tito 1:16

A²nxe³jah¹la² Txa²wã¹sũ̱³na² yxo²ĩ²ki³lxo³nxe³hĩ̱³nx2na³la². Yxãn¹ta¹ o²la³kxi²ke³su² sa²yxo²ã³ai¹nhĩ̱³nx2na³la². Yxo²kwĩn¹kxi²ju³ta² so¹lxi³ o²la³kxi²hĩ̱³nx2na³la². A²ẽ¹nãu³ai²na² sa²kxai³lu² Txa²wã¹sũ̱³na² wãn³txa² sa²yxo²ã³i² nxai¹nhĩ̱³nx2na³la². Nxe³ha²kxai³ wi¹lo²la³ki²ju³ta² hxi²ka¹nai¹nhĩ̱³nx2nxa³wa². Nxe³te²ju²hẽ³la².

1 Timoteo 5:8

A²nxe³jut3su² a²yah³la²nãu³su² ta̱³nxa² a²xa³ka³lxu²nãu³su² ta̱³nxa² a²nũ̱³ka̱³txa² sa²hau³ko³tai¹nxa³kxai²nãn²tu̱³ Je³su² Kris²tu³jah¹la² wãn³txa² e²nai¹nhĩ̱³nx2na³la². Je³su²jah³lai²na² wãn³txa² yxo²ĩ²xa³te²a² wi¹wa³to²hi²hĩ̱³nx2na³la².

Mateus 7:15

Sũ̱³na² wãn³txa² ĩ³hen³txi³nẽ³tũ̱³ka̱³txa² nxe³ki³lxo³nxe³tũ̱³ka̱³txai²na² wxã³ha³ta²wi¹. Wi¹lhin¹sxã³ thãi³ti³la² ki³lxo³tai¹nha²kxai³ a²tai²na² o³ve²a²hũ̱³ye²tain¹tu¹wi¹. Yxãn¹ta¹ a̱u³txi³ a²ẽ¹nãu³ai²na² ko̱³nxe³thi¹nai¹nha²kxai³ ã³na¹nx2ti³te³lhxã³ nxai¹nha²kxai³ ha̱u³hũ̱³te²sin¹tu¹wi¹.

Tito 3:10

A²nũ²a² wxa²nũ̱³ka̱³txa² kwa²ĩ³ha³te̱²ta³lxi³tain¹te²a² ye³ha¹lo³txa³lxi³sxã³ ĩ³kwa̱i²kxi¹txai¹nhẽ³la². Nxẽ¹ka³tu̱³ ã³sxã³ ã³waix3txai¹nhẽ³la².

2 Timoteo 2:16

Jã¹nxe³sxã³ wãn³txa² Txa²wã¹sũ̱³na² ko̱³nxe³ti³ e³kxi²jau³xa² ã³na¹i² kwa²toh³lxi³jau³xa² ã³na¹i² nxe³sẽ¹la². Nxe³jau³jau¹xai²na² e³kxi²sxã³ kãi³jah¹la² sa²kxai³lu² ã²la² ko̱³nxe³thin¹sxã³ o²la³kxi²hĩ̱³nx2na³la². Nxe³sxã³ Txa²wã¹sũ̱³na² wãn³txa² sa²yxo²ã³nũ³nhĩ̱³nx2na³la², ko̱³nxe³thin¹jah¹la²sa³.

2 Timoteo 2:23

Yxãn¹ta¹ wãn³txa² wa³lxe³jau³xa² hxi²kan¹ti³ ã³ne³wxe²nxa³jau³xa² kwa²ĩ³ye³ki²nyhu¹txa³hẽ¹la², ĩ³xa̱n³ta³kxi²nyhu¹in¹kxa²ya̱n³txi³sa². A²nũ²a² kwa²toh³lxi³te²a² kwa²he¹ki²te³lhxã³ ĩ³ye³ĩ³yi²lhon¹ta³kxi²te²ju²hẽ³la². Yxãn¹ta¹ Txa²wã¹sũ̱³na² sa³wit3su² ti³hex1te²sxa³yu²hẽ³la². A²nũ²a² ã̱³xa² thãi³ti³la² wi¹lhin¹sxã³ ĩ²ũh¹jah¹lai²la¹wa². Wãn³txa² wi¹jau³xa² a²nũ²a² ya³nãn³ta³ki²la²sxã³ wain³txi³ ai²nxa³te²a² hxi²kan¹ti³ ĩ³tih³nxe³hĩ̱³nx2na³la².

1 Timoteo 6:5

Jã¹nxe³te²a² a²ẽ¹nãu³ai²na² ko̱³nxe³ti³ a̱in³nha²ju³ta² so¹lxi³ yũ³ha²kxai³ wãn³txa² ya²la³lyau³xa² ĩ³tih³nxai¹nxa³ha²kxai³ nxe³ju³tan¹te²kxa³ya̱³lhu² a̱n³ta³txi³ ĩ³ye³ye³kxi²nyhu¹ain¹na³la². — Kãin² yen³kxi³nha²te³lhxã³ yxo²ĩ²a¹tũ¹xã¹. Nxe³jau³su² nxe³hĩ̱³nx2na³la².

Efesios 4:14

Nxe³hĩ¹nãn¹te²tu̱³ wẽ³ha³lxa² yã¹nxe³ki̱³sxa³lho³la². Te²yã¹nxe² na³vi²o²tẽ³na² yã¹nxe³ki̱³sxa³lho³la². A²nxe³tẽ³na² it3ta² ũn³kxa² sa²ik3kxai²nãn²tũ̱³ na³vi²o²tẽ³na² kwa²sa²xai³li² kwa²sa²wa²lho¹xi² jã¹nxe² nxe²xai³te²ju²hẽ³la². Te²yã¹nxe³jut3sũ̱³nxe² kãi³ki̱³sxa³lho³la². Wãn³txa² tah²yau³xai²na² ain³kxi²ki̱³kxai²nãn²tu̱³ ka²yãu¹ka²yãu¹jau³su² kxai²nãn²tu̱³ ain³kxi²ki̱³sxa³lho³la². Wãn³txa² ĩ³ki³ha¹kxi²nẽ³te³lhxã³ e³kxi²nẽ³lain¹kxan²ti³ hai³txi³ ain³kxi²ki̱³sxa³lho³la².

2 Tesalonisẽnses 3:6

Txa²wã³tã̱³nãu³xãi³. Wxa²nũ̱³ka̱³txa² ha³tih³ ĩ³nxai²na² u̱³txi³ wa³ko³nain¹te²su² ta¹hẽ¹la². Te²yã¹xah³lxi³txa³hẽ¹la². A²nxe³jah¹lai²li² txa²wã³tã̱³su² kxan²ti³ te²yã¹nxe² kãi³yah³lxi³txa³hẽ¹la². Nxe³jah¹lai²li² ã³sxã³ u²lxi³ ã³si³tu³lxi²sxã³ yxau³jah¹lxi³hẽ¹la². Te²yã¹nxe³jau³xa² e³kxi¹nx2ti³to³nha¹tai¹ti²tu³wa². Je³su² Kris²tu³jah¹la² Txa²wã¹hxi²kan¹ta² Si³yxau³jah¹lo²kxai³lu² jau³jau¹xai²na² ĩ³kwa³na³sain¹jau³jau¹xain²txi³ ĩ³kwa³na³nx2ti³nha¹wa².

2 Tesalonisẽnses 3:14

Yah³lxin¹ju³ta² a²nũ²a² ĩ²li³te²a² ta²nxã¹nxai²na² wãn³txa² sa²yxo²wet1sah¹lxi³sĩ¹nxãn³kxai²nãn²tu̱³ ĩ²khai¹nxe³tai¹yah³lxi³hẽ¹la². Sa²ye³ya̱¹not3sxã³ ã³jxah¹lxi³hẽ¹la². Ain¹yah³lxin¹kxai²nãn²tu̱³ ãu²li²to³nha²hĩ̱³nx2na³la².

1 Timoteo 4:7

Nxe³yãn¹ta¹ wãn³txa² ya²la³tu̱³txa³jau³xa² ain³kxi²ti³he¹txa³hẽ¹la². Yxãn¹ta¹ wãn³txa² wi¹jau³xa² so¹lxi³ sa²yxo²we¹te³lhxã³ kãin² o²la³kxi¹sẽ¹la².

1 Timoteo 4:8

Txa²wã¹nũ²ai²li² sxĩ³nxũn³te³lhxã³ o²la³kxi²ki̱³kxai²nãn²tu̱³ jũ¹nxe² wi¹na³la². Yxãn¹ta¹ Txa²wã¹sũ̱³na² wãn³txa² nũ̱³kxũn³txi³ sa²yxo²we¹ki̱³kxai²nãn²tu̱³ ã²la² wi¹na³la². Nxe³ki̱³sĩ¹nãn¹te²tu̱³ txa²wã¹ẽ¹nãu³ai²na² ka³lih³ki̱³tã³la². Nxe³ki̱³ka³tu̱³ta¹ kxãn³nãu³a¹ ka³lih³khaix1nxe³ki̱³tu¹wa².