Nxe²e³kxi²sĩ¹na¹kxai²nãn²tu̱³ kwa² ĩ²sa²nẽn¹kxi²nha²hĩ̱³nha¹te²la¹xã³? Sa²nẽn¹kxi²si¹sah²lxin¹ju³tan¹txã³nxa² ten³sa²hĩ̱³sĩn¹te²la¹xã³? Sa²nẽn¹kxi²si¹sain¹sĩn¹txã³nxa² ũ³hũ¹nx2ti³te³lhxã³ nxe³txã³nxũ³a² ten³sa²hĩ̱³sĩn¹te²la¹xã³? Nxe²kãi³jah¹lo²su² jah¹la² ĩ²yah³lxin¹to³hxai¹nhẽ³la². Hai³txi³ jah¹la² yãx1sĩ¹nxa³wa².
2 Korĩntios 5:12 - Txa²wã¹sũ̱³na² Wãn³txa²12 Nxe³na¹ha²kxai³ txai²na² sa²kxai³lu² wi¹kãi³a¹ju³ta² yxo²kãin²txi³ ĩ³ye³xa³lho³la². Nxe²nxa³ha²kxai³ Sũ̱³na² ĩ³kaix1so¹tũ̱³ka̱³txi³su² ki³lxo³te²nãu³xa² ĩ³lxa³thi¹nai¹nxa³wa². Wãn³txa² wi¹le³kxi²nũ¹hain¹jau³xa² so¹lxi³ yxo²kwa̱i³no³tain¹na³la². Yxãn¹ta¹ Sũ̱³na² wãn³txa² a̱u³txi³ a²ẽ¹nãu³ai²na² ĩ³sa²hẽ²txa³lxai¹nxa³wa². A²nxe³tũ̱¹ka̱³txai²li² wxã³nũh¹nx2tain¹kxai²nãn²tu̱³ a̱u³txi³ a²ẽ¹nãu³ai²na² ĩ³sa²hẽ²txa³lxi³ju³ta² ĩ²ai¹nxa³ha²kxai³ ko̱³nxe³te²lot3sain¹ta¹hẽ¹la². Nxain¹kxai²nãn²tu̱³ wain³txi³ kãi³sĩ¹na¹ju³ta² ĩ³ye³sxã³ ĩ³wa²lũ³xain¹yah³lxin¹kxai²nãn²tu̱³ ko̱³nxe³ti³ kãi³ain¹ju³ta² e³lxah²lxi³ ĩ³yau¹ũ³ain¹yah³lxi³hĩ̱³nxa¹lxa². Gade chapit la |
2 Korĩntios 5:12
13 Referans Kwoze
Nxa²ha¹te¹ toh³lxa³ti³yah³la² yã¹nxe² e³a¹wa². Yxãn¹ta¹ wxãi² ĩ³nxa² wã²nxũ̱h¹lxi³yah³lxi¹lxa². Wi¹le³kxi²nũh¹sah²lxin¹ke³la³te²kxai³ wai³nhĩ̱³nx2na³la². Yxãn¹ta¹ sah²lxa³lxa². Tũ̱¹ka̱³txain²txi³ Txa²wã¹sũ̱³na² wãn³txi³su² ki³lxo³tũ̱³ka̱³txain²txi³ hai³txi³ ne³ka³ta²sai¹nxa³wa², txai²li² kãi²ti³he¹nxẽ²nxa³kxan²ti³na².
Jã¹nxe³ju³kxai³lu² wxa²ha³tih³ ĩ³nxa² wxi²kan¹ki³lxo³nha²yah³lxin¹ta²wa². Wã²nxũ̱h¹ ĩ²nha²sxã³: — Ĩ²li³ju³ta² kãi³a¹ju³ta² wain³txi³ kãi³a¹xã¹. Nxe³yah³lxin¹ta²wa². Kwa²toh³lxa³ti³su² yah³lxin¹ta²wa². óne³wxe³yah²lxa³lxa². Wxa²nũ̱³ka̱³txa² ha³tih³ ĩ³nxai²na² kãi³yah³lxin¹ju³ta² ã³nhau³ko³txa²lxi³sxã³ kãi³te²txã³wa².
A²kxã³nxa² e³kxi¹nx2ta¹tai¹ti²tu³wa². E³kxi¹nx2ta¹te³nah¹lxi¹: — Kris²tu³jah¹la² hi²sen³kxai³lu² ĩ³hxi²kat1sa³na²hẽ³li¹. Ju¹tai²li² yxo²kãin²txi³ e³kxi¹nx2ta¹wi¹. Nxa¹jau³su² e³kxi¹nx2ta¹tai¹ti²tu³wa². Nxe²e³kxi¹nx2ta¹kxan²ti³ hai³txi³ ãu²li²to³nha¹ju³ta² yũ²nxa³wa². Nxe³yãn¹ta¹ Kris²tu³jah¹la² yxo²ĩ²yah³lxin¹kxe³su² ã²la² kãi²non³sih¹nx2ti³jau³su² ĩ³hxi²kat1sa³na²hẽ³la². Hai³txi³ ã³na¹hxa³nx2ta¹ju³ta³la³ te³nxa³wa².
Ha³lo²a² ĩ²li³ju³ta² ĩ³ha¹txi²na¹kxai²nãn²tu̱³ Sũ̱³na² wãn³txai²na² so¹lxi³ wain³txi³ sa²yxo²we¹ti³ten³sa³nha²wa². Nxe³na¹ju³tan¹te²kxa³ya̱³lhu² Sũ̱³na² sa³wit3su² ye²na¹kxe³su² ĩ²kxi¹xi²sah¹lxin¹tu¹wa². Ha³lo²a² ĩ²li³ju³ta² wi¹ta̱³nxa² ko̱³ta̱³nxa² nxe³ju³ta² nxe³khauh²sa³kxai²nãn²tu̱³ ya³lo³txi²sa³nha²wa². A²nũ²a² sa²kxai³lu² Sũ̱³na² wãn³txa² sa²yxo²ã³te²a² nxe³te²a² sa²kxai³lu² ko̱n³ton³kxi²sai¹nha²kxai³, txa²wa³ka³la² sa³te̱¹ju³ta³lot3sa³ha²kxai³, ha³lo²a² hxi²kan¹sa²nxa³kxe³su² hxi²ka̱u³ka̱ut3sa³ha²kxai³, Nxe³sa³kxan²ti³ ya³lo³txi²sa³nha²wa².
Nxe³yãn¹ta¹ wxãi² ĩ³nxai²na² sa²kxai³lu² ĩ²sah¹lxin¹sxã³ kãi³ye¹nx2ta¹ju³ta² ĩ³yĩ¹li²sah¹lxi³ta¹hi¹nhẽ¹la². Nxe³sah¹lxin¹te³nah¹lxi¹: — Pau²lah³lai²li² wxi²kan¹sxã³ nũ³kxũn³jah¹lo²sxa³wi¹. Nxe³yãn¹ta¹ Kris²tu³jah¹la² hxi²ka² wxi²kan¹txi³ ĩ³hxi²kat1sa³na²hẽ³li¹. Nxe³yah³lxi¹nha²kxai³ wxãi²yã¹nxe³sxã³ Kris²tu³jah¹la² hxi²ka² wxi²kan¹txi³ ĩ³hxi²kat1te²lot3sa²nũn³na²hẽ³la².
Piblisite