1 Timoteo 4:15 - Txa²wã¹sũ̱³na² Wãn³txa²

¹⁵ Nxe³jau³xai²na² ĩ²khai¹nxe³sẽ¹la². Wãn³txa² yxo²ha³kxa¹ sa²yxo²we¹txa²hẽ³la². Nxẽn¹kxai²nãn²tu̱³ wxa²nũ̱³ka̱³txai²na² wain³txi³ kãi³in¹ju³ta² ĩ²nxain¹tu¹wa².

1 Timoteo 4:15 Referans Kwoze

Mateus 5:16

Te²yã¹nxe³jut3su² lã³pi³ãu²tẽ³na² sa²kĩ̱³ki̱³kxai²nãn²tu̱³ ha³lo²a² wi¹lha²tet1te²ju²hẽ³li¹. Nxe³kxa²yã¹nxe² kãi³yah³lxin¹ju³tai²na² a²nũ²a² a²yxo²ha³kxa¹ e³lxah²lxi²na³li¹. Nxe³ha²kxai³ wi¹kãi³yah³lxin¹kxai²nãn²tu̱³ Txa²wã¹sũ̱³na² oh³nãn¹ko³xai²na² yxau³jah¹lai²na² sa²nẽn¹kxain¹tu¹wi¹. Nxe³ju³ta² kãi³jah³lxi³hẽ¹li¹.

Atos 6:4

Nxe³ki̱³kxai²nãn²tu̱³ txai²nãu¹xai²na² sa²kxai³lu² Txa²wã¹sũ̱³na² ĩ³ye³kxi² A²wãn³txa² ĩ³yau¹ũ³hi² nxe³sĩ¹na¹tu¹wi¹. Nxe³ju³tai²na² ten³sa²sĩ¹nha²wi¹. Nxe³ta¹hxai²hẽ¹la².

Tito 2:14

A²nxe³jah¹la² ya³lu²kxi²nẽ³lha²kxai³ txa²wã¹ko̱³nxe³ti³ kãi³ki̱³ju³ta² sa²wa²su¹tũ¹nhẽ³lha²kxai³ txa²wã¹ẽ¹nãu³ai²na² sa²hxan³kxi²nẽ³lha²kxai³ nxe³tu¹wi¹. Nxe³sxã³ Je³su²jah³la² a²sa²wi³ha³lxi³te²lo³tẽ³tu¹wi¹. Nxe³sxã³ wi¹kãi³ju³ta²kxai³lu² ya³lo³txi²sxã³ kãi³ki̱³tu¹wi¹.

1 Timoteo 4:6

Nxe³jut3su² jau¹xai²na² yxo²ha³kxa¹ txa²wã³tã̱³nãu³xa² ĩ³yau¹ũ¹txai¹nhẽ³la². Nxẽ¹kxai²nãn²tu̱³ Je³su² Kris²tu³jah¹la² wain³txi³ ã³si³tẽ³kxin¹tu¹wa². Txa²wã¹sũ̱³na² wãn³txa² wain³txi³ yxo²ĩ² ĩ³tih³nxe³nxain¹jau³xa² wain³txi³ ã³ne³wxe² nxẽ¹kxai²nãn²tu̱³ ã²la² kãi²non³sxã³ yxo²ĩ²sxã³ yxau²xai³lin¹tu¹wa².

2 Korĩntios 8:5

Nxe³ain¹nũ²la² ten³si¹hai¹na¹kxa²yu³su² Txa²wã¹sũ̱³nai²li² sa²yxo²wet1sãn²nũ²la² hã²wxãn³txa³ sa²yxo²wet1sain¹nũn³na²hẽ³la², Txa²wã¹sũ̱³na² ten³jau³su² ha²kxai³la².

1 Korĩntios 16:15

Es³te²fa³na²sah³la² a²yu³ta² whãi²na¹ ĩ²yah³lxin¹tai¹ti²tu³wa². A²nxe³jah¹la² a²wi¹lhĩ¹na² Kre²si²a²ko³xa² yxau²xai³lain¹tai¹ti²tu³wa². Nxe³hĩ¹nai³tã² Txa²wã¹sũ̱³na² yxo²ĩ²te²a² yũ²nxa³hĩ¹nai³tã² jah¹lai²na² a²yu³tai²li² yxo²ĩ² ã³si³wxe³ain¹na²hẽ³la². Nxe³hĩ¹nãn¹te²tu̱³ Txa²wã¹sũ̱³na² a²wa³ka³li³yu³ta² so¹lxi³ o²la³kxai¹nhxai²na²hẽ³la². Nxe³jah¹lai²na² ĩ³tih³nxe³nx2ti³jau³xai²na² sa²yxo²wet1sxã³ yxau³jah¹lxi³hẽ¹la². A²nũ²a² ã³non²ta³kxi²waun¹nyhu¹ki̱³ju³ta² yã¹nxe³jah³lxi³hẽ¹la².

2 Korĩntios 4:14

Nxe³na¹ha²kxai³ Txa²wã¹sũ̱³na² hi²sen³kxai³lu² Je³su²jah³la² Txa²wã¹hxi²kan¹ta² Si³yxau³jah¹lo²su² ha²kxai³ nxe³jah¹la² sa²kxai³lu² a²kxã³nxa² ka³te̱n³su² ĩ³sa²yxau³xi²si¹ta¹hxai²ti³ai¹ti²tu³wa². Nxe³kxa² yã¹nxe³sxã³ kã³nãu³a¹ Je³su²jah³la² ka³te̱n³su² ĩ³sa²yxau³xi²ti³hit1sxai²kxai³ jã¹nxe² ka³te̱n³su² ĩ³sa²yxau³xi²ti³hit1sa²nũn³tu¹wa². Nxe³sa³kxai²nãn²tu̱³ txai²na² wxa²nũ̱³ka̱³txai²na² nxe³sxã³ ã³sa²so¹xi²nẽ³lhxã³ a²yxau³ju³khai³xa² ũh³wxe²xai³nẽ³tu¹wa².

1 Timoteo 4:14

Txa²wã¹sũ̱³na² ĩ³hxi²ka¹txa²ju³ta² nxe³wãn²txa³hẽ¹la². Ain³kxi¹xi²khaix1nxe³sẽ¹la². Kxã³nhxĩ¹nai³tã² yxo²ĩ²te²a² hxi²kan¹txi³nãu³xa² a²hxi²ka² wxa²ne³hẽ¹nhain¹tai¹ti²tu³wa². Nxe³nxain¹te³nah¹lxi¹: — Txa²wã¹sũ̱³na² ĩ³hxi²ka¹txa²ju³ta² hĩ¹na² ã³si³wxe²na³li¹. Nxain¹tai¹ti²tu³wa².

1 Timoteo 4:16

Ĩ²nxai¹nha²kxai³ wãn³txa² e³in¹jau³xa² wi¹lĩ²ĩ¹nha²kxai³ ĩ³yau¹ũ¹hai¹nĩn¹jau³xa² wi¹lĩ²ĩ¹nha²kxai³ nxe³sẽ¹la². Ko̱³nxe³ti³ o²la³kxin¹kxa²ya̱n³txi³sa². Nxẽn¹kxai²nãn²tu̱³ wxa²nũ̱³ka̱³txa² yxo²ha³kxa¹ Txa²wã¹sũ̱³na² wãn³txa² yxo²ĩ²ah³lxin¹kxai²nãn²tu̱³ wxa²ẽ¹nãu³ai²na² sa²hau³ko³ta²lxi³tu¹wa².