1 Timoteo 2:15 - Txa²wã¹sũ̱³na² Wãn³txa²

¹⁵ Jã¹nxe³sxã³ wẽ³sa² a³li³lah¹tãu³a² txu¹ha² khãuhx3nha²te²jai¹ti²tu³wa². Yxãn¹ta¹ Txa²wã¹sũ̱³na² wãn³txa² yxo²ĩ²i² a²nũ²a² a³lxi²waun¹nyhu¹i² ai¹nha²kxai³ a²ẽ¹nãu³ai²na² a²ko̱³nxe³ju³ta² ã³wa²su¹tu¹wa².

1 Timoteo 2:15 Referans Kwoze

Tito 2:12

A²nxe³jau³xai²li² ĩ³tih³nxe³nẽ³te³nah¹lxi¹: — Ko̱³nxe³ti³ kãi³sxã³ yxau²xai³kxi³ju³ta² e²nha²kxai³ yen³kxa² Txa²wã¹sũ̱³na² te³nxa³kxe³su² yxo²kwa̱in³yah³lxin¹kxe³su² e²nha²kxai³ nxe³jah³lxi³hẽ¹li¹. Wain³txi³ wã²nxũ̱¹ha̱in³nha²sxã³ wi¹lo²la³kxi¹jah³lxi³hẽ¹li¹. Wain³ju³ta² so¹lxi³ kãi³i² wi¹lhin¹sxã³ yxau²xai³li² nxe³jah³lxi³hẽ¹li¹.

1 Petro 4:7

Nxe³jah³lxi³sã²lxa². Yuh³xai²nãn¹ta³ko³xa² hxan³je³nãu³wa³kxa² ya̱u³son³ki²nẽ³na³la². Nxe³ha²kxai³, wi¹la̱in³nha², wain³txi³ kãi³sxã³ yxau²xai³li² nxe³jah³lxi³hẽ¹la². Yah³lxin¹kxai²nãn²tu̱³, ha³tin³ti³, Txa²wã¹sũ̱³na² ĩ³hen³txi³jah³lxi³hẽ¹la².

1 Timoteo 1:5

Nxe³sxã³ wain³txi³ ĩ³tih³nxain¹ki̱³kxai²nãn²tu̱³ a²ẽ¹nãu³ai²na² wi¹lhin¹ju³ta² so¹lxi³ yũ³ha²kxai³ wain³ye¹nxa²ju³ta² so¹lxi³ kãi³ha²kxai³ Je³su²jah³la² txa²wã¹ẽ¹nãu³a² sa²hau³ko³tẽ³ju³ta² yxo²ĩ²ha²kxai³ ai¹nhĩ̱³nx2na³la². Ain¹kxai²nãn²tu̱³ a³lxi²waun¹nyhu¹ki̱³ju³ta² ã²la² kãi²nhĩ̱³nx2na³la². Ju¹tai²li² ten³sa³nha²wa².

1 Timoteo 2:9

Te²yã¹nxe³sxã³ txu¹ti³nãu³xa² sa²kxai³lu² wã²la² wi¹khaix1ka³lo³a² ũ³whi²kxi²nhain¹kxai²nãn²tu̱³ hxi²kan¹jut3sxa³wa². Te²yã¹nxe³sxã³ kãi³ta³kxẽ¹ha² a³lxi²khaix1tĩh³na² ũ³yhxe²ta³hẽ¹nha² ta̱³nxa² ou²ra³ka² a³lxi²ki³ai²na² a²ne³kxĩ̱³sa² ũ³nhe³kũ¹nha² ta̱³nxa² nxain¹ju³tai²na² whãi²na¹ hxi²kan¹jut3sxa³wa². A²nũ²a² kwa² ĩ²kxain¹sxã³ ĩ³sa²nẽ¹kxain¹ju³ta² wai³nxa³wa². Yxãn¹ta¹ wã²la² kwa² wi¹ka³lo³a² wi¹lhau³ko³nha²ka³lo³a² wain³na³la².

Lukas 2:7

Nxe³nũ²la² Be³lẽ²thĩ³na² ĩ³ai¹nhĩ¹na² a²ki³lha³lxa² a²hxi²kan¹te²su² te²a² a³li³lah¹ta¹hxai²hẽ¹la². Po¹na² sxi²hẽ¹na² a³li³lah¹ta¹hxai²hẽ¹la², a²nũ²a² sxi²ha² ne³ki³ha²kxai³la². Nxe³sxã³ wã²la² tẽ³sxã³ wxa²wã³lã̱u²kxi²so¹sxã³ ko²syẽ¹na² ã³na¹sxã³ ã³wih¹ta¹hxai²hẽ¹la².

1 Timoteo 1:14

Nxe³sa³nũ²la² Je³su² Kris²tu³jah¹lo²kxai³lu² thãi³ti³la² a³lxi² wa³to²hi²ha²kxai³ wi¹lhin¹khai¹nxe³ha²kxai³ yxo²ĩ²si¹sain¹jau³su² ĩ³yau¹ũ³sai¹ni² a³lxai¹na¹ju³ta³nũ³a² ũ³hũ¹sai¹ni² Je³su² Kris²tu³jah¹la² nxe³sa³na²hẽ³la². ónũ²nxi²sxã³ yxau³a³sa³ha²kxai³ nxe³sa³na²hẽ³la².

1 Korĩntios 12:23

Nxe³sxã³ txa²wã¹nũ²nãu³khai³xa² ĩ²li³te²a² jũ¹nxe² ã̱³lxi³kxe³su² kxan²ti³ wã²la²ka³lo³a² ũ³whi²kxi²nha²sxã³ ũ³tĩ¹kxi²nha²ki̱³te²ju²hẽ³la². Ĩ²li³te²nãu³a² wi¹nẽ³lxa³kxai²nãn²tu̱³ ã²la² wi¹lĩ²nha²ki̱³tã³la².