1 Korĩntios 2:2 - Txa²wã¹sũ̱³na² Wãn³txa²

² Nxe³yãn¹ta¹ Je³su² Kris²tu³jah¹lai²na² wãn³txa² so¹lxi³ ĩ³yau¹ũ³nx2ta¹ju³ta² ten³sa³hẽ¹la². Hi³sa³ka³txa² ĩ³hxi²kĩ¹la³kxai¹nha²kxai³ ya³lu²kxi²nẽ³ju³ta² so¹lxi³ ĩ³yau¹ũ³nx2ta¹tai¹ti²tu³wa². Yau³xã̱³xa² yxo²ha³kxa¹ nxe³wã²na³a¹tai¹ti²tu³wa².

1 Korĩntios 2:2 Referans Kwoze

Kálatas 6:14

Nxain¹kxan²ti³ yxo²kãin²e³ain¹kxan²ti³ txai²li² yxo²kãin²txi³ e³a¹ju³ta² ten³te²txã³wa². Je³su² Kris²tu³jah¹la² ya³lu²kxi²nẽ³jau³xai²na² so¹lxi³ e³kxi²jah¹lo²sa¹wa². Nxe³ha²kxai³ ya³lu²kxi²nẽ³lha²kxai³ yen³kxa² yuh³xai²nãn¹te²a² wã³nxĩn¹kxi³kxan²ti³ a³lxi²sa²nxa³nha²wa². Hĩ¹na² e³kxin²nxa³lho³la². E³kxin²nxa³te³nah¹lxi¹: — Yuh³xai²nãn¹ju³ta² a²hxi²kan¹ti³lxo³ju³ta² ten³sa³nhai¹. Nxe² e³kxin²nxa³lho³la².

Joãu 17:3

A²nxe³ju³ta²su¹: A²nũ²a² wi¹lĩ²nẽ³lhxã³ sa²yxo²we¹tẽ³te²su² kxai²nãn²tu̱³, ka³te̱³na² wi¹tãu³a¹ yxau²xai³te²su² hĩ̱³nx2na³li¹. Nxe³kxai²nãn²tu̱³, wxãin²txi³ Sũ̱³na² Si³yxau³kat3su² te² ĩ̱³nxãin²txi³ hãi¹nxe²te² ĩ̱³nxãin²txi³ wi¹lĩ²nxa²sxã³ sa²yxo²we¹txai¹ni², Txai²na¹xain²txi³ Je³su²jah³lo²na¹xain²txi³ Hxi²kan¹ta² Si³yxau³tãu³lot3sa²sxã³ ĩ³sa²si¹hã³san¹kxah³lo²na¹xain²txi³ wi¹lĩ²sa²sxã³ sa²yxo²wet1sai¹ni², nẽ³lain¹kxai²nãn²tu̱³, ka³te̱³na² wi¹tãu³a¹ yxau²xai³lai¹nhĩ̱³nx2na³li¹.

Kálatas 3:1

Nxe³ha²kxai³ Ka³la²si²a²ko³xan¹te²nãu³ ĩ³nxa² ne³the³the³kxi²yah³lxa³lxa². Kãin² ĩ³ki³ha¹kxi¹nx2tain¹nũ²hẽ³la². Je³su² Kris²tu³jah¹la² ĩ³hxi²kĩ¹la³kxain¹ju³ta² wain³txi³ ĩ³yau¹ũ¹nx2ta¹tai¹ti²tu³wa². Wi¹la³la³kxi²yah³lxin¹tai¹ti²tu³wa².