Yelsom 8:1 - mzwDBL

¹ N dɛ nyin kɛ he fe aa ɛ n nimambie, n ne he bwa aa ɔr n nya el. Anee dɛ́ ɡel n ne he chemo aa, n fe ɡbaare pɛl n te nɛra baah, nomɛlbwa aa wola won pwaah mɛ.

Yelsom 8:1 Referans Kwoze

Galaasia 4:26

Haah waa wola yom ɛɛ la ɡe cheɡɔ tɛ Jerusalam la waa lɔ nyundua la. Onee ya nya nɔ,

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Amanesoma Luk Aa Chwera Tɔn 2:38

Buɡ la ta, Yeesu nya ne o mɛɛ aa lɔ Korowii Dea la, Hana ɡe jo bela dɛ ka che ba jwɛh, dɛ kpɔ jam ne kpɛɛra tɛ Korowii, dɛ bol Yeesu waa baɡle nɛra baa soɡa dɛɛ kpa Korowii kɛ ó ba lɛ Jerusalam tena ta la.

Malakae 3:1

Koranar Bwa Kooro bolɔ ŋɔ, “Hé no, mɛɛ tomɛ n toromee ó tɔ n sie dɛ́ kwaa ŋwɛnɛ tɛ mɛ ń ba. Ásɛ Dɔɔ haa dɛ nyiŋu ŋwɛnɛ la ba piɡri heyaa o Dea, onee hɛɛ nyiŋi ŋwɛnɛ ó ba dɛ́ ba baɡle fɔo la wa.”

Haɡae 2:7

Mɛɛ chɔɡ nɛŋhɔɔhra baa wola Korowii tomɛ kpeɡri bwaa, ásɛ ba kpɔ kwaa a yoɡ aa kpeɡa kohona ba o bini, ásɛ n ɡel kondɔɔh ba su n Dea la bwa. Men Koranar Bwa Kooroo bola.

Aesaya 60:14

Nɛra ba fa aa ɛ heyaa hɔhɔrɔwa naanar ne banɔ la ba fa aa hah he ya, dɛɛ nyiŋi he nyubaah ɛɛ ba ɡuŋi he siee. Baa yerɛ he bwɛɛ Korowii Bwɛjen, Saayɔn, Israel Nɛŋɡoroŋ la Bwɛ.

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

Aesaya 7:14

Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

Felepae 3:3

Ya banɔ la yaa dɛ tomɛ Korowii o Domadɛɛɡe kpeɡri ta dɛɛ tɛ Yeesu Kristo sɔn, yaa wola bɔtɔn mɔna waa maŋkura la, yanee jemɛ penteŋ tenten la.

Galaasia 6:14

N te aa n te maŋkura wobɛlbwa ta, ya Dɔɔ Yeesu Kristo daɡaɡre ta sewa la waa taa n te ɛɛ jaaɡi. O seo la ɡelɔ harɛ ta bonɔ waa berɛ wepɛɛ n be, a ta kpeɡri dɔe n nɛɛ kpa.

1 Kɔrent 1:28

dɛ kpɔ waa nɛra aa haah, ne anɔ la baa dɛ liira wepuu, ne anɔ la baa wola a waa jemɛ ŋɔ á ba chɔɡ anɔ la nɛra aa dɛ maŋkuraa la,

Amanesoma Jɔn Aa Chwera Tɔn 16:28

O bee n le dɛ ba harɛ nɔ ta, taraken n berɔ dɛɛ le bonɔ dɛ kaa o be.”

Amanesoma Jɔn Aa Chwera Tɔn 13:3

Dɛ Yeesu te jemɔ kɛŋɔ wobɛlbwa kpeɡrii o Mɛɛ Korowii kpɔ tɛo, asɛ dɛ berɛ jemɛ kɛŋɔ ɡɛ waa le o be ba la, ɡɛɛ o berɛ dɛɛ ba o be kaala.

Amanesoma Jɔn Aa Chwera Tɔn 8:42

Yeesu ŋɔ ba be ŋɔ, “Dɛ he Mɛɛ Korowii kpela aa, he fe dɛ nyin n wa, dɛkalkɛ o bee n le ba, dɛ do bonɔ taraken nɔ. N ɡbaɡba kpeɡri ne laa n ba, onee tom mɛ.

Amanesoma Jɔn Aa Chwera Tɔn 3:13

Dɛ Men Nɛn Bie laa aa, nomɛlbwa ta Korowii be nyundua laŋɛ mɔɔ. N ɡboo le o be nyundua dɛ tu ba harɛ.

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Amanesoma Luk Aa Chwera Tɔn 18:9

Yeesu sɛɡle nɛra baa dɛ lii ba te kɛŋɔ ba ɛ nɛndɛɛɡa ɡwaa nɛra bwa la ŋɔ,

Amanesoma Luk Aa Chwera Tɔn 12:8

Hé ɡel ń ŋɔ he be, nomɛlbwa waa won che nɛra baah ta dɛ́ sɛh ŋɔ o ja n nɛɛ la, awola Korowii aa ba dɛ ba bol nɛra bwa waa dɛ́ pa bole la, Men Nɛn Bie la ɡee yerɛ naate sɔn nyundua toroma siee kɛ o ja n nɛ.

Amanesoma Luk Aa Chwera Tɔn 10:16

Yeesu ŋɔ ba be ŋɔ, “Nomɛlbwa waa ka no he be la, n bee o no, asɛ nomɛlbwa waa ka vɛh he waa la, n waa o vɛh. Nomɛlbwa waa vɛh n waa la, naate waa tom mɛ la waa o vɛh.”

Amanesoma Luk Aa Chwera Tɔn 9:26

Nomɛlbwa sihiih aa dɛ kpoo n ne n webaɡla nɔ ta la, awola Men Nɛn Bie ne nyundua toromedɛɛɡa aa ba n Mɛɛ jirima ne la, maa naatee heeh awola tɔpere.

Yelsom 1:2

Baɡle nyina kohona haa dɔa tɛ mɛ, he nyina dɔ pɛla kohona dɛ ɡwaa sen.

Yela 51:17

N kpɔ n bambile waa chɔɡa ɛ saraha dɛɛ tɛɛ. Bambile waa chɔɡa dɛ won chara laanee hen Korowii ɛɛ nyin.

Yela 2:12

Hé kpɔ he te tɛ Korowii bie la, ásɛ o baah bɛ di dɛ́ chɔɡ heya. O baah won dii saŋ bɛlbwa. Nɛra baa chwaa kaa marɔ la bwa, ba na som.

Yelsom 7:13

Kwaa fee sɔɔh lɛ bɔr bwa, asɛ silɛɛ kwaa bwa soo siwi, ambena ne anfala bar yaa cheme, asɛ he waa do n bambile bini, mɛɛ nyin he ɡbo wa.

Yelsom 8:2

N fe ɛɛ tɔ he sie dɛ́ ba he ne n nya dem, onee baɡ mɛ wa. N fe ɛɛ tɛɛ sen a sɔɔh aa somaa he nyɔ, n daa fee nee ba harama ɛ sen.