Yelsom 7:12 - mzwDBL

¹² Gel ya fel ir kaa daa kooni ta, dɛ́ ka na kɛ a pa mun dɛɛ fe, kɛɛ a fee pili sie, kɛɛ a nɔna aa do ɡuleɡule dɛ be, ásɛ n baɡle n nyina maa dɔa tɛɛ bela.

Yelsom 7:12 Referans Kwoze

Yelsom 6:11

N la almɔn daa koo ta, dɛ́ ka na kɛŋɔ mɛɛ na a fee, kɛɛ dɛ́ na ɡrepo ne pɔmeɡranet daa fee.

Ɛfesos 6:24

dɛ́ sune he nɛ, dɛ́ cha he banɔ la bwa haa dɛ nyin ya Dɔɔ Yeesu Kristo bambile bwa ne aa wola jaɡa dɔe la.

2 Kɔrent 13:5

Hé nyiŋi he te dɛ́ na kɛŋɔ he yaradao kɛrɛdɛ kɛɛ he ta on yaradae yɔ? Hé pese he te dɛ́ na. He jemɛ kɛŋɔ he ne Yeesu Kristo pɛo kɛɛ? He nao kɛŋɔ he ne o ta pɛɛ te naa, ate dɛ he horɛ o waa yaradae ta.

Yelsom 7:6

Na ɡɛ haa wera tolo he waa ɛɛ lɛ sie, he nyina waa dɛ lawɛ n bambile kohona.

Yela 122:5

Belaa Kooro Devid luɡe koranar fa so, dɛ bol nɛra waa dɛɛ pa bole.

Hibru 12:15

Korowii dɔ chae waa dɛ nyin o cha yaa kohona. Anomanta, hé nyiŋi kɛrɛdɛ ásɛ a bɛ bɛlbwa ba paŋɛ. A waa laa aa, wechɔɡa ane ɛɛ ba jo he binii dɛ́ chɔɡ nɛndamanta kɛŋɔ koŋkpela yon jo kondikwaa ta dɛ chɔɡa la.

Hibru 4:16

Anomanta, hé ɡel ya lɔ bambile dɛ́ tel Korowii waa dɛ sune nɛra nɛɛ dɛɛ cha ba la sie. Wɛɛ na ya sumii dɛɛ cha yaa ɡɛ saŋ aa hiah yaa.

Hibru 2:15

Yeesu ɛ ken ásɛ dɛ won lɛ nɛra baa koh seo ɔma waa dɛ ɛ yoma ba soɡa bini bwa la.

Hibru 2:13

O toolo berɛ ŋɔ, “Mɛɛ kpɔ n hwɛɡaa do Korowii nɛ.” O berɔ ŋɔ, “N ne bechale Korowii aa tɛ mɛ laanee la.”

Tɔn Pɔɔl Aa Chwerɛ Rom Tena 5:11

A ɡbo laa. Ya sie lɛ Korowii nɛɛ kohona ya Dɔɔ Yeesu Kristo nomanta. O nɛɛ a che ya ne Korowii pɛ.

We-ɛɛla 15:36

A habɔɔ la, Pɔɔl ŋɔ Banabas be ŋɔ ó ɡel ba berɛ la bwɛɛre baa baɡle nɛra Yeesu waa a ta la bwa ta, dɛ́ ka na ɡɛ ba bala baa baɡ ba Yeesu waa la aa doa.

Aesaya 18:5

Kwaa koma aa wola tele mɔɔ kwaa fee chure asɛ daa nɔna la ɛɛ swɛɛ la, Korowii ɛɛ teŋni kpala nɔna aa saɡre a ta laanee bil, ásɛ dɛ kpɔ kere kuu a kpala la le a ta.

Yelsom 4:16

Weekaŋle nyundua peu ir, ásɛ weekaŋle harɛbɔr peu ɡe ta. Ta kpɔ bodɛɛɡe maa du daa la, ásɛ daa la sɔɔh yɛɛ kaa bojaŋ. Gel n sɛnodɛɛɡe ba jo daa la baah, dɛ́ di a nɔna aa soma la.

Yelsom 2:15

Lawɛ kalampoŋare aa do jeɡre la mɔɔ á chɔɡ ya daa kooni aa dɛ ba fee la.

Yelsom 2:13

Fiɡ daa nɔna pa mun dɛɛ ɛ bie, daa fee sɔɔh tɔ bobɛlbwa. Ir che n sɛno, ir ba n sɛnodɛɛɡe, ásɛ n ne he kaa.”

Wejereme 9:10

Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

Sɛɡla 8:17

N dɛ nyin nɛra baa dɛ nyin mɛ, nomɛlbwa waa dɛ nyin n bɔr dɛ́ na mɛ.

Yela 73:25

N Naa Korowii, he ɡboo lɔ nyundua dɛ́ won cha mɛ. He habɔɔ, maa komɛlbwa nyin harɛ nɔ ta.

Yela 43:4

Ásɛ n la hen Korowii saraha kon la ta, henee dɛɛ tɛ mɛ silɛɛ. Mɛɛ ɡo yelaa, dɛ́ lɔ janjela kpɛɛre, henee Korowii maa dɛ tomɛ.

Kaala 25:22

N ne he Danseɛ Daka la doa Kerobim la baah taa mɛɛ ba he chema, dɛ́ kpɔ me Mmarare bwa tɛɛ hé kpɔ tɛ Israel tena.

Yelsom 4:13

Kwaa aa lɔ bela kpeɡo dɛ do wer. A do kɛŋɔ daa bɛl baa dɛ yerɔ pɔmeɡranet dɛɛ nɔnɛ nɔndɛɛɡa. Kwaa aa sɔɔh aa soma ne alele ta bela nyae,

Yelsom 7:11

N sɛnodɛɛɡe, ba yá kaa bwɛɛ dahare, ya kaa ka chɔ bwɛjeɡre la ta jwaana.