Yelsom 5:14 - mzwDBL

¹⁴ O nɔɔra wer kɛŋɔ suuɡaswɛm bune, baa kpɔ bwedɛɛɡa a yoɡ aa kpeɡa cheɡ a ta. O bwadabii wer kɛŋɔ bala nyen baa loɡao la, dɛ kpɔ bwedɛɛɡa ane a yoɡ aa kpeɡa cheɡ a ta.

Yelsom 5:14 Referans Kwoze

Kaala 24:10

dɛ ka na Korowii Israel tena aa dɛ tomɛ la. Harɛ waa cheɡɛ o ta la ɛ bobɛl baa mao bwea ne o ir nyundua, dɛ do ɡereŋ kɛŋɔ bwedɛɛɡe baa dɛ yerɔ safaaya la, dɛ ɛ burum kɛŋɔ nyundua ken.

Aesaya 54:11

Jerusalam, wahala bwɛjen peuchɔɡa aa taa dɛ chɔɡe, nomɛlbwa aa wola toole dɛ́ larawe he bwara, mɛɛ kpɔ bwedɛɛɡa a yoɡ aa kpeɡa dɛ́ berɛ kwaa mae.

Ɛsekeɛl 1:16

Saaker nakpale anaarɛ la dɛ nyɛɡle kɛŋɔ bwedɛɛɡa ane baa dɛ yera kresolet, a bwa ɛ siwi beŋkpoŋ. A do kɛŋɔ beŋkpoŋ su o dɔŋ ta ken.

Aesaya 52:13

Korowii ŋɔ, “N bonɔɔ ɛɛ won ɛ toma maa kpɔa do o nɔn ta la tonɛ, baa duuruu taeh, dɛ́ ɡel o sɔn le.

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Yelsom 7:2

He ul do ɡuleɡule kɛŋɔ numol, sen ne konsɔɔhsoma suu dɛɛ ta saŋ bɛlbwa. He tea do ɡuleɡule kɛŋɔ mea baa vɔwa, asɛ kpɔɡa fee aa wera baro cheme.

Yela 99:4

Korowii ɛ kooro, dɛ dɔ kpeɡri kohona, dɛɛ nyin waa aa toɡra, o ɡelɔ kasinteŋ do Israel harɛ ta. O ba wa aa toɡra dɛ do wer ne.

Kaala 39:13

naarɛte la ɛ solmen waa dɛ nyɛɡle kresolet, ne bwelwɛɛ onis dɛ bwelwɛɛ waa dɛ nyɛɡle jasepa. Ba cheɡa suuɡaswɛm kwaa ta a lawa kpoŋe.

Kaala 28:20

Naarɛte la ɛ bwe waa ɛ solmen dɛɛ nyɛɡle baa yerɔ kresolet, ne bwelwɛɛ onis dɛ bwelwɛɛ waa dɛ nyɛɡle baa yerɔ jasepa. Cheɡa suuɡaswɛm kwaa la ta á lawa kpoŋe.

Kaala 15:6

N Naa Korowii, he nɔn diɡ dɔ jirima kpeɡri do o ta, he kpɔ chɔɡ ya dɔma.

Kaala 28:18

Anɔ la aa teŋa nɛɛ la ɛ bwe burum baa dɛ yerɔ tɛɛkoes, ne bwe waa ɛ burum kohona baa yerɔ safaaya, dɛ bwe waa ɛ onlwɛɛ dɛ do ɡereŋ baa yerɔ ɛmeral.

Job Tɔn 28:16

Haa won kpɔ suuɡaswɛm koŋkwaa dɔɔ, haa won kpɔ bwedɛɛɡa a yoɡ aa kpeɡa dɔɔ.

Daneɛl 10:6

O bwara do kɛŋɔ bwedɛɛɡa ane aa dɛ nyɛɡle baa yera kresolɛt, o siebɔr do kɛŋɔ bwaala aa dɛ nyɛɡle ken, o sibie do kɛŋɔ kapɛle aa dɛ hɔ, o nɔɔra ne nakpale do kɛŋɔ ayaawa baa looru ken, asɛ o taa do kɛŋɔ nɛnlaa aa bol waa dɛɛ nyɛɡ ken.