Yelsom 4:4 - mzwDBL

⁴ He baŋa jaŋne dɛ siɡri, dɛ do wer, kɛŋɔ Kooro Devid dejaŋ ken. He baŋa kwaa saɡre teŋɛ dɔŋa nɛɛ kɛŋɔ, kwaa baa kpɔa dɛɛ tɔ ɡbemɡbe laa ta anjeɡre kaɡboŋ.

Yelsom 4:4 Referans Kwoze

Yelsom 7:4

He baŋa jaŋne dɛ siɡri kɛŋɔ dejaŋ baa kpɔ bala nyen ɛo ken. He sibie dɛ nyɛɡle kɛŋɔ bwɛjen Hɛsbɔn taama aa lɔ Bat Rabbim doonyoa. He mee toɡrɔ kɛŋɔ Lɛbanɔn dejaŋ o sie aa chaɡɛ bwɛjen Damaskɔs.

1 Pita 1:5

He cheɡaa a che. He yarada nomanta, Korowii kpɔ o kpeɡri tɔ he nɛ, wobɛlbwa aa wola won ɛ heyaa ka tel kɛŋɔ waa ba lɛ heya. O ɛ lɛɛ waa ba lɛ heyaa la wobɛlbwa tonɛ, dɛ lɛ heyaa waa bwa jaɡa saŋ.

Nehemia 3:19

Asɛ Jesua bibaa Esa o fa aa ɛ nomoa Mispa ɡe berɛ kwaa ma choŋi dea baa dɛ cheɡ dɔmkwa o ta la sie, ka jaɡɛ dea la loŋkora waa ɡoŋa ta.

Kolosi 2:19

dɛ vɛh o te kpɔe dɛ́ do Yeesu Kristo lɔɡa. Onee ya nyu, asɛ ya ɛ o bwadabii dɛɛ dɔ bokpeɡa o be, bɛlbwa lawɛ o dɔŋ kpoŋe kɛrɛdɛ ya ne o ɛ beŋkpoŋ, dɛ́ che pɛɛ yaa pɛa la ta dɛ ɡel yaa kpeɡ ɡɛ Korowii aa dɛ nyin.

Yelsom 1:10

Na ɡɛ he siebɔr ne deŋna kwa aa wera, he baŋa ne suuɡaswɛm baŋa kwaa ɡe do wer.

2 Samoɛl 22:51

He ɡelɔ kooro haa leo cheɡ tɛ he te la yo lajena, dɛ pɔ o dɔma nɛ, dɛ kpɔ he nyina aa wola jaɡa dɔe nyin nɛn haa fuɡe noo do o nyu ta, dɛ tɛ men Kooro Devid ne n naanar saŋ bɛlbwa dɛɛ la.”

2 Samoɛl 1:21

Mɛn kɛɛ bwaala bɛ Gelboa deŋɡarere ta nɛ, o harɛre bɛ won dɛɛ ɛ kondikwaa ɡe kpa! Banyoola kwaa baa kpɔa tɔ ba te ɡbemɡbe dɛɛ yo chɔ bela, baa noo kpɔe dɛɛ fɔɡɛ Kooro Sɔɔl kon waa kpɔa dɛɛ tɔ o te ɡbemɡbe wɛɛ nyɛɡle kpa.

Yela 144:12

Gel ya bibaala bonɔɔne saŋ do kɛŋɔ daa baa nyiŋi a ta kɛrɛdɛ, á kpeɡ dɛ́ do kpeɡri. Gel ya bihaahna ɡe do kɛŋɔ pilare baa paaɡa koodem, a ɡel o do o wer la.

Yelsom 7:5

He sɔn ɡɔɔrɔ kɛŋɔ Kaamɛl Bwejen. He nyumpona jaŋne dɛ bir dɛɛ nyɛɡle, hale kooro kwaraa pɛla dɛ lawɛ.

Yelsom 8:10

Dɛ n fa do kɛŋɔ danjwɛɛ ken, kɛ n ela kpeɡo kɛŋɔ dejaŋa. Anomanta, n sɛnodɛɛɡe jemɔ kɛŋɔ n dɔ bansɔɔhna ne deŋnesɔɔhna dɛɛ le o be.

Maeka 4:8

Kɛ hen Saayɔn Bwejen haa lɔ Jerusalam, belaa Korowii do kɛ peteɡre dɛɛ nyiŋi o nɛra nɛ, hɛɛ berɔɔ ba ɛ bwɛjen nyu tenten, ɡɛ he fa aa doa wubwa la.