Yelsom 4:13 - mzwDBL

¹³ Kwaa aa lɔ bela kpeɡo dɛ do wer. A do kɛŋɔ daa bɛl baa dɛ yerɔ pɔmeɡranet dɛɛ nɔnɛ nɔndɛɛɡa. Kwaa aa sɔɔh aa soma ne alele ta bela nyae,

Yelsom 4:13 Referans Kwoze

Yelsom 1:14

N sɛno do kɛŋɔ kpɔɡa aa fea, dɛ do daa kooni aa lɔ Ɛn Gedi harɛ ta ken.

Yelsom 6:11

N la almɔn daa koo ta, dɛ́ ka na kɛŋɔ mɛɛ na a fee, kɛɛ dɛ́ na ɡrepo ne pɔmeɡranet daa fee.

Wejereme 2:5

Mɛɛ ɛ bodɛɛɡee dɛ́ du daa bwa soo siwi aa dɛ nɔnɛ.

Yelsom 1:12

N kooro taa chɔ o kara ta la, n nosɔɔhsoma sɔɔh lɛ bɔr bwa.

Felepae 1:11

N dɛ soŋo kɛ he che Yeesu Kristo kpeɡri la ta dɛ́ won dɛɛ ɛ wedɛɛɡa kɛrɛdɛ, ásɛ nɛra ɛɛ tɛ Korowii sɔn ne jirima.

Amanesoma Jɔn Aa Chwera Tɔn 12:3

Anee Mɛɛre kpɔ nosɔɔhsoma loŋbir a yoɡ aa kpeɡa kohona ba fuɡe ta Yeesu napaala ta, dɛ kpɔ o nyumpona dɛɛ feera. Asɛ dea la bini bwa sɔɔh do som ken.

Amanesoma Mak Aa Chwera Tɔn 14:3

Yeesu la Bɛtani dɛ ka choɡ Seemɔn weechɔɡa fa aa chɔɡ o bwara ka la dea. Baa dɛ di kwaa la, haah bɛl kpɔ nosɔɔhsoma a yoɡ aa kpeɡa loŋbir bɛl ba jo ba be. O baa paɡre loŋ la dɛ wee nosɔɔhsoma la dɛɛ do Yeesu nyu ta.

Aesaya 61:11

Gɛ konduuli yon pere harɛ dɛ le, dɛ kpeɡ la, ɡɛɛ Nemenɛ Korowii ɛɛ ba o nɛra lɛɛ, ásɛ harɛre nɛra bwa kpɛɛro.

Aesaya 60:21

He nɛra bwa wa ɛɛ toɡroo, harɛ la ɛ ba kon saŋ bɛlbwa. Baa doo kɛŋɔ daa maa duu o pamɛ le o lur ta ken. Men ta ba, ásɛ baa baɡle n jirima.

Yelsom 8:2

N fe ɛɛ tɔ he sie dɛ́ ba he ne n nya dem, onee baɡ mɛ wa. N fe ɛɛ tɛɛ sen a sɔɔh aa somaa he nyɔ, n daa fee nee ba harama ɛ sen.

Yelsom 6:2

N sɛnodɛɛɡe kaa bodɛɛɡe waa du daa konsɔɔhsoma aa su o bwa. O sie dɛ lɛ a ta dɛ kaa nyin ane, dɛ kaa nyin kpɔɡa fee aa wera.

Yelsom 4:14

ne safrɔn, ne kalamus ne sinamɔn, ne korobo, dɛ konsɔɔhsoma aa wera bwa soo siwi.

Yela 92:14

A ɛ dabena dɛ ta won nɔna, dɛ dɔ papooni kohona, dɛ che kɛrɛdɛ.

Yelsom 2:3

Gɛ apol daa aa lɔ kɔr bini, dɛɛ nɔnɛ nɔndɛɛɡa la, ɡɛɛ baa maa dɛ nyinu do wer bonɔɔna bini. N sie lɛo kɛ ń so o chunchule lɔɡa, o nɔna som n nyoa bini.

Yelsom 4:16

Weekaŋle nyundua peu ir, ásɛ weekaŋle harɛbɔr peu ɡe ta. Ta kpɔ bodɛɛɡe maa du daa la, ásɛ daa la sɔɔh yɛɛ kaa bojaŋ. Gel n sɛnodɛɛɡe ba jo daa la baah, dɛ́ di a nɔna aa soma la.

Joel 2:8

Aa dɔŋa taɡɛ, bɛlbwa pa sie dɛɛ kaa. A dɛ jo bela waa kpeɡa dɛ́ le, wobɛlbwa aa wola an ɛ.