Yelsom 4:1 - mzwDBL

¹ N sɛnodɛɛɡe, na ɡɛ haa wera! He wer kohona to! He kpɔ yal bɔle he nyu, asɛ he siwinyiŋi do kɛŋɔ borɔnoma sibie. He nyumpona biro kɛŋɔ bombiŋere aa tua le Gelead Bwejen doa dɛɛ ba.

Yelsom 4:1 Referans Kwoze

Yelsom 1:15

N sɛnodɛɛɡe, na ɡɛ haa do wer, he wer tolo ɡa! He sibie wer kɛŋɔ borɔnoma sibie.

Yelsom 6:5

Laa sie kpɔ n nɛ, ásɛ ba bɛ men lawɛ. He nyumpona biro kɛŋɔ bombiŋere aa teŋɛ dɔŋa nɛɛ tu le Gelead deŋɡarere ta dɛɛ ba.

Yelsom 6:7

He faɡra dɛ nyɛɡle yal bini. A do ɡuleɡule kɛŋɔ daa bɛl baa dɛ yerɔ pɔmeɡranet nɔna.

Maeka 7:14

Ya Naa Korowii, nyiŋi he nɛra nɛɛ kɛŋɔ peteɡre aa dɛ nyiŋi peera, nɛra haa lee ba tɛ he te la. Ya do kɛ peera aa pere a te, dɛ ka do kpɔɡbaah dɛɛ di. Gel he nɛra ka do harɛpare ondɛɛɡe kɛŋɔ Basan ne Gelead ta, dɛɛ di kɛ saŋ la.

Yelsom 7:5

He sɔn ɡɔɔrɔ kɛŋɔ Kaamɛl Bwejen. He nyumpona jaŋne dɛ bir dɛɛ nyɛɡle, hale kooro kwaraa pɛla dɛ lawɛ.

Yelsom 2:14

He do kɛ bilo waa kaa sɔh bwebɔɔ bini. N dɛ nyin he wer haa doa la dɛ na, ɡel ń no he taa waa soma la.

2 Kɔrent 3:18

Anomanta, komɛlbwa ta ya te sie tɔe. Ya Dɔɔ Yeesu jirima chaah ya nɛ, dɛɛ beɡre yaa asɛ yaa do ɡɛ waa doa, jirima yaa dɔa la ɛɛ ja. Ya Dɔɔ Yeesu waa ɛ Domadɛɛɡe la bee a bwa le.

Matiu 11:29

Gɛ baa kpɔ daa dawɛ nae anɛ nɛ a pɛ dɛɛ ɛ toma la, hé ɡel n ne he pɛ ɛ ɡɛ, ásɛ he hweli le n be, dɛkalkɛ n pwɛre, maa mbarafo ɡe ɛ. He ɛ ɡɛ naa, haa koeh ba.

Ɛsekeɛl 16:14

He wer kohona la nomanta, he lɛ sɔn harɛre bwa ta, dɛkalkɛ menee ɡela he do wer ka tonɛ. Men Nemenɛ Korowiirii bola.

Yelsom 2:10

Baa maa dɛ nyinu ŋɔ n be ŋɔ, “Ir che, n sɛno, n sɛnodɛɛɡe, ásɛ n ne he kaa.

Yela 45:11

He wer ɡelɔ kooro bambile do he nɛ, dɛɛ duuru, dɛkalkɛ he dɔɔree on.

Nɛra Kura 32:40

Anomanta, Mosis kpɔ Gelead tɛ Makir naanar baa ɛ Manasɛ dea tena la asɛ ba so bela.

Nɛra Kura 32:1

Rubin ne Gad dea tena kondɛɛra warɔ taeh. Ba nao kɛ Jasa ne Gelead harɛre wer ne kwaa dɛɛra.

Jeremia 22:6

Gɛ Korowii aa dɛ bol laanee nɔ. “A lole kɛŋɔ Juda koodem wer kɛŋɔ Gelead harɛ ne Lɛbanɔn bwejena n be, kɛ kasinteŋ, mɛɛ ɛɔ kɛŋɔ pua hɛŋle ɡbo harɛ, kɛŋɔ bwɛɛre nɛra aa wola toole a ta ken.