Yelsom 3:2 - mzwDBL

² Mɛɛ iruu dɛ́ ɡaaɡe bwɛjen la bini, o fɔɡbaahna ne bela nɛra aa dɛ so. Mɛɛ ka ɡaaɡoo nyin nɛn n bambile aa lawa. N ɡaaɡɔ n ta on nae.

Yelsom 3:2 Referans Kwoze

Ɛfesos 5:14

Kon la bwa bɔr aa chaah o ta la, o ɡbaɡba dɛ baɡle o te. A waa ba yon ŋɔ, “He banɔ la haa sewa chɔ la, hé ir, ásɛ Kristo chaah he nɛɛ” la.

1 Kɔrent 15:34

Anomanta, hé ir dɛ́ ɡel he sie chɔ harɛ hɛɛ ɛ kɛrɛdɛ, dɛ bɛ wechɔɡa dɛɛ ɛ. He bini bane aa Korowii waa jemɛ kɛrɛdɛ. A ta sihiih ɛɛ tɛ heya aa?

Tɔn Pɔɔl Aa Chwerɛ Rom Tena 13:11

Hɛ́ɛ nyin dɔŋa, dɛkalkɛŋɔ he jemɔ kɛŋɔ tɔpere la telo. He jemɔ kɛŋɔ a telo kɛŋɔ dɛ chɔe he chɔ a, he ir! Ya lɛɛ tɔpere la joɔ tonɛ taraken dɛ ɡwaa ɡɛ saŋ yaa kpɔ ya te tɛ Yeesu dɛ pa mun dɛɛ teŋɛ o nɛɛ la.

Amanesoma Jɔn Aa Chwera Tɔn 1:6

Dɛ baa bɛl lole baa yerɔ Jɔn. Korowiirii tomɔ

Jeremia 5:1

Korowii ŋɔ, “Jeremia, ir la ka nyiŋi Jerusalam fɔɡbaahna. Nyiŋi o bini kɛrɛdɛ dɛ́ bar, ásɛ dɛ ɡaaɡe bela nɛra aa dɛ cheme bwa. Dɛ hɛɛ won dɔ nɛmbeŋkpoŋ kwaraa o wa aa wera dɛɛ di kasinteŋ aa, mɛɛ kpɔ Jerusalam tena wechɔɡaa kɛ ba.

Aesaya 64:7

Nomɛlbwa toole dɛɛ soŋe, nomɛlbwa aa nyin kɛŋɔ he chao. He kpɔ he te sɔh yaa, dɛ koh ya wechɔɡa waa dɛ ta yaa.

Yelsom 5:5

N iro ŋɔ n yao ɡbera, n nonie ne n nɔɔra bwa maa korobo, ɡɛ saŋ maa lawɛ ɡbera la koŋkare kon la.

Sɛɡla 8:34

Nɛn waa dɛ no n waa la, o na som, nɛn waa dɛ so n dem doonyoa kɛɛ dɛɛ kpa bela la, o na som.

Yelsom 3:3

Nɛra baa dɛ daah bwɛɛ la ɡaaɡɔ dɛ ba puu mɛ, asɛ n bɔɔ ba ŋɔ, “He na nɛn n bambile aa lawɔ mɛɛ nyinu kohona la aa?”

Yelsom 1:7

N sɛno maa dɛ nyini kohona, baɡ mɛ bela he peera aa dɛ di, ne bela aa ba dɛ onɛ webaŋa. Ɛrɛɛ chɛ kɛ ń kpɔ sie sɔh yal bini, kɛŋɔ haah waa dɛ teŋɛ peteɡra bane ne ba peera nɛɔ?