Yelsom 3:1 - mzwDBL

¹ Maa chɔ n kalaŋ ta jwaana bwa la, n lii n sɛnodɛɛɡe wa. N nyin o bɔr, kɛ n ta on nae.

Yelsom 3:1 Referans Kwoze

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.

Yelsom 5:6

N ya ɡbera ŋɔ n sɛno fee ba jo kɛ o kaalɔ, n ta on nae. N bambile chɔɡ kaala waa kaala wa, asɛ n nyin o bɔr n ta on nae, n yerɔ ɡe o ta chaŋɛ.

Yelsom 1:7

N sɛno maa dɛ nyini kohona, baɡ mɛ bela he peera aa dɛ di, ne bela aa ba dɛ onɛ webaŋa. Ɛrɛɛ chɛ kɛ ń kpɔ sie sɔh yal bini, kɛŋɔ haah waa dɛ teŋɛ peteɡra bane ne ba peera nɛɔ?

Aesaya 55:6

Hé nyin Korowii bɔr saŋ haa nao nɔ ta, hé yerɔ, taraken waa bɛne heyaa nɔ.

Aesaya 26:9

N sie dɛ che chiŋ jwaana he wa, chɔɔbɔr ɡe, n pɛla dɛ lawɛ. He baa bol harɛ nɔ ta nɛra waa dɛ pa bole aa, aa ɡeloo ba hweli waa aa toɡra.

Yelsom 5:8

Jerusalam haahna, hé baɡ mɛ nyoa, dɛ he na n sɛnodɛɛɡe la aa, hé ŋɔ o be ŋɔ o nyina kohona ɡelɔ n bambile chɔɡ, mɛɛ nyin o bɔr.

Yela 22:2

N Naa Korowii, n wio dɛɛ noe chɔɔ haa men chaŋe, dɛ wi dɛɛ noe jwaana, kɛ n bwara aa men sɔɔh.

Amanesoma Jɔn Aa Chwera Tɔn 21:17

Yeesu berɔ kwaa pɛɛro toorotena ŋɔ, “Jɔn bie Seemɔn, he dɛ nyin n waa aa?” Waa nɔ ɡelɔ Seemɔn Pita bambile chɔɡ kohona kɛ waa bera bɔɔro toorotena ŋɔ, “He dɛ nyin n waa” la. Asɛ o ŋɔ, “N Dɔɔ, he jemɛ wobɛlbwa, he ɡbabir jemɔ kɛ n dɛ nyin he wa.” Anee Yeesu ŋɔ o be ŋɔ, “Dɛɛ dɛɛ n peera.

Amanesoma Luk Aa Chwera Tɔn 13:24

“Hé takapɔ dɛ́ kpɔ doonyoa waa do feelɔɔ o ta joe do kpeɡri la ta, dɛ́ jo ka ja Korowii Kora la ta, dɛkalkɛŋɔ nɛra ɛɛ warɔɔ dɛ́ɛ nyin dɛ́ jo bela, kɛ baa won dɔ bɔr jo.

Yela 6:6

N pɛmɔ dɛ ba koh, jwaana bɛlbwaa n sinii ɛɛ yɔɔ mɛ kalaŋ ta, dɛɛ pweh n kapuri bwa!

Yela 4:4

He bɛ ɡel he baah di bandichɔɡa he ɛ wechɔɡa, he ka chɔ dɛ lii a wa, saŋ haa chɔ he kalaŋre ta la.

Amanesoma Jɔn Aa Chwera Tɔn 11:29

Mɛɛre aa no ɡɛ la, o iro warane asɛ dɛɛ kaa o be.