Yelsom 2:16 - mzwDBL

¹⁶ Menee dɔ n sɛnodɛɛɡe, asɛ o ɡee dɔɔ mɛ. O ɡbo peeraa dɛɛ di kpɔɡa aa dɛ fe la bini.

Yelsom 2:16 Referans Kwoze

Yelsom 6:3

Menee dɔ n sɛnodɛɛɡe, asɛ o ɡee dɔɔ mɛ, o ɡbo peeraa dɛɛ di kpɔɡa fee aa wera baah ta.

Yelsom 7:10

N sɛnodɛɛɡee dɔɔ mɛ, n ɡbo nɛɛ o pɛla do.

Yela 63:1

N Naa Korowii maa dɛ tomɛ, n pɛla dɔe sibeɡra ne, n bambile lawɛ kɛ nyɔɡre aa dɛ kpo nɛn, wɛɛ nyin nee dɛ nyɔ, pua hɛŋle ɡbo harɛ ta, bela nee aa wola toole.

Yela 48:14

dɛkalkɛ ɡɛ Korowii nɔɔ yaa tomɛ saŋ bɛlbwa, wɛɛ tɔ ya siee, dɛɛ baɡle ŋwɛnɛ yaa kpɔ o ta saŋ bɛlbwa dɛɛ la.

Galaasia 2:20

Baa kpaa Yeesu Kristo pɛl o daɡaɡre ta la, a kaa ɛ kɛ n ne onee sewa. Anomanta, n soɡa nɔ maa soɡa nɔ, n ɡbaɡba laa dɛɛ hwee nɔ. Korowii Bie Yeesu Kristoo soɡe n nɛɛ dɛɛ hwee la. N hweera nɔ maa dɛ hwee nɔ, yarada maa yaradao la, anee ɡela n do le la. Korowii Bie nɔ nyin mɛ kohona dɛ kpɔ o hweera charɛ n nyu.

Jeremia 31:33

Fɔo n ne Israel tena aa fɔwɛ tɔpera aa lɔ sie la ta laanee nɔ. Mɛɛ kpɔ me Mmaraa do ba bambili bini, dɛ́ chwerɔ do ba nyuune bini, ásɛ n ɛ Korowii baa dɛɛ tom mɛ, ásɛ ba ɡe ɛ n nɛra.

Yelsom 7:13

Kwaa fee sɔɔh lɛ bɔr bwa, asɛ silɛɛ kwaa bwa soo siwi, ambena ne anfala bar yaa cheme, asɛ he waa do n bambile bini, mɛɛ nyin he ɡbo wa.

Yelsom 4:5

He ela wer kohona, a do kɛ kweɡli bii anɛ, aa dɛ di kpɔɡa fee bini ken.

Yelsom 2:1

N do kɛŋɔ kpɔɡa fee aa lɔ Sarɔn harɛ waa chɔa kaa ta, dɛ do kɛŋɔ kpɔɡa fee aa lɔ nenabɔɔ bini.

Yelsom 1:7

N sɛno maa dɛ nyini kohona, baɡ mɛ bela he peera aa dɛ di, ne bela aa ba dɛ onɛ webaŋa. Ɛrɛɛ chɛ kɛ ń kpɔ sie sɔh yal bini, kɛŋɔ haah waa dɛ teŋɛ peteɡra bane ne ba peera nɛɔ?

Yelsom 6:2

N sɛnodɛɛɡe kaa bodɛɛɡe waa du daa konsɔɔhsoma aa su o bwa. O sie dɛ lɛ a ta dɛ kaa nyin ane, dɛ kaa nyin kpɔɡa fee aa wera.

Yelsom 7:11

N sɛnodɛɛɡe, ba yá kaa bwɛɛ dahare, ya kaa ka chɔ bwɛjeɡre la ta jwaana.

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”