Yelsom 2:13 - mzwDBL

¹³ Fiɡ daa nɔna pa mun dɛɛ ɛ bie, daa fee sɔɔh tɔ bobɛlbwa. Ir che n sɛno, ir ba n sɛnodɛɛɡe, ásɛ n ne he kaa.”

Yelsom 2:13 Referans Kwoze

Yelsom 2:10

Baa maa dɛ nyinu ŋɔ n be ŋɔ, “Ir che, n sɛno, n sɛnodɛɛɡe, ásɛ n ne he kaa.

Aesaya 61:11

Gɛ konduuli yon pere harɛ dɛ le, dɛ kpeɡ la, ɡɛɛ Nemenɛ Korowii ɛɛ ba o nɛra lɛɛ, ásɛ harɛre nɛra bwa kpɛɛro.

2 Kɔrent 5:20

Taraken nɔ, Yeesu Kristoo tomɛ yaa ŋɔ yá bol waa dɛɛ tɛo la. A kaa ɛ kɛŋɔ Korowiirii cheɡɛ ya nɛɛ dɛɛ bol waa nɛra be la. Ya cheɡɛ Yeesu Kristo naa ta dɛɛ soŋe heyaa kɛŋɔ, hé ɡel he ne Korowii baah kwaa he pɛ.

Amanesoma Luk Aa Chwera Tɔn 19:42

O wio ŋɔ, “Alako he fe jemɛ ɡɛ haa ɛ dɛ́ dɔ bosɔɔhna fini! Korowii kpɔɔ sɔh heya, anomanta, haa won jemɛ.

Matiu 24:32

Hé kpɔ fiɡ daa hweli wa. O baa foɡre dɛɛ le papo-lwɛɛne aa, dɛ nomɛlbwa jemɔ kɛŋɔ bɔwɔb saŋ telo tonɛ.

Haɡae 2:19

Mea tonɔ, asɛ ɡrepo ne fiɡ daa, ne pɔmeɡranet dɛ ɔleve daa ta nɔnɛ mɔɔ, kɛ le fini dɛɛ la mɛɛ swee andɛɛɡaa tɛ heya.”

Hosia 14:6

Baa kpeɡuu dɛ́ so le, ásɛ dɛ do wer kɛŋɔ ɔleve daa ken. Ba sɔɔh ɛɛ do somee kɛŋɔ Lɛbanɔn peleme daa ken.

Aesaya 18:5

Kwaa koma aa wola tele mɔɔ kwaa fee chure asɛ daa nɔna la ɛɛ swɛɛ la, Korowii ɛɛ teŋni kpala nɔna aa saɡre a ta laanee bil, ásɛ dɛ kpɔ kere kuu a kpala la le a ta.

Yelsom 7:8

Asɛ n ŋɔ, “Mɛɛ teeh daa laanee dɛ́ ka lawɛ o bie.” N dɛ nyin kɛ he ela do kɛŋɔ ɡrepo daa nɔna n be, he hweera sɔɔh som kɛŋɔ apolre a sɔɔh aa soma,

Yelsom 6:11

N la almɔn daa koo ta, dɛ́ ka na kɛŋɔ mɛɛ na a fee, kɛɛ dɛ́ na ɡrepo ne pɔmeɡranet daa fee.

Yelsom 1:15

N sɛnodɛɛɡe, na ɡɛ haa do wer, he wer tolo ɡa! He sibie wer kɛŋɔ borɔnoma sibie.

Yelsom 2:15

Lawɛ kalampoŋare aa do jeɡre la mɔɔ á chɔɡ ya daa kooni aa dɛ ba fee la.