Yelsom 1:5 - mzwDBL

⁵ Jerusalam bitoli, n biro dɛ do wer, n biro kɛŋɔ tɛnte deene aa lɔ Keda pua hɛŋle ɡbo harɛ ta, kɛ dɛ berɛ do wer kɛŋɔ, Kooro Solomɔn koodem pateesanre.

Yelsom 1:5 Referans Kwoze

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

Amanesoma Luk Aa Chwera Tɔn 15:22

Bie la nyoa ta lee mɔɔ dɛ o mɛɛ yerɛ o bonɔɔna ŋɔ, ‘Hé chwa ka nyiŋi n yale la bwa bini ondɛɛɡe ba tɛo ó tɔ, dɛ́ kpɔ noniseɡdɛɛɡe ba doo, dɛ́ nyin naŋɡawa ba tɛo ó do.

Yelsom 5:16

O nyoa som ne moe, o wobɛlbwa wer tɛ mɛ. Jerusalam haahna, ɡɛ n sɛnodɛɛɡe aa doa mɛɛ nyinu kohona laanee la.

Yelsom 5:8

Jerusalam haahna, hé baɡ mɛ nyoa, dɛ he na n sɛnodɛɛɡe la aa, hé ŋɔ o be ŋɔ o nyina kohona ɡelɔ n bambile chɔɡ, mɛɛ nyin o bɔr.

Yelsom 2:14

He do kɛ bilo waa kaa sɔh bwebɔɔ bini. N dɛ nyin he wer haa doa la dɛ na, ɡel ń no he taa waa soma la.

Yelsom 2:7

Jerusalam haahna, n dɛ ŋɔ he be ŋɔ, hé ŋwɛɛ komɛlbwa sɔn ta baɡ mɛ kɛŋɔ, haa n ne n sɛnodɛɛɡe baahnee chɔɡ. He bɛ ya nyina chɔɡ, ka tel kɛŋɔ ya nyina aa tona.

Yela 120:5

N na waa kɛŋɔ maa soɡe Mɛsɛk ne Keda tena baa ɛ nyubinikpeɡ tena baah.

Tɔn Pɔɔl Aa Chwerɛ Rom Tena 13:14

Hé kpɔ ya Dɔɔ Yeesu Kristo waa ɛ dɔmkwa, dɛ́ laa sie kpɔ he nɛwɛnyini mar wechɔɡa aa suu nɔ tetoowaa ta.

Amanesoma Luk Aa Chwera Tɔn 13:34

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

Matiu 22:11

Kooro la aa dɛ jam hɔɔhra la aa baa cheme bela la, o na baa bɛl ba bini kɛ o te ta laala aa chɛ kɛŋɔ ó do dɛ ba hanfale dem bela la ane doe.

Matiu 10:25

Dɛ ba dɛ yerɛ dea nomoa Bɛlsebul waa ɛ sɔnchɔɡe aa, dea bii la te ta pɔeh yaa?

Ɛsekeɛl 16:14

He wer kohona la nomanta, he lɛ sɔn harɛre bwa ta, dɛkalkɛ menee ɡela he do wer ka tonɛ. Men Nemenɛ Korowiirii bola.

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Aesaya 60:7

Baa kpɔ Keda peera bwaa ba tɛ heya, Nɛbayɔt pebala ɡe ɛɛ he kwaa, ásɛ he kpoora saraha kon ta tɛ men Korowii, dɛ́ kpɔ jirima ba n Dea.

Yelsom 6:4

N sɛnodɛɛɡe, he wer tolo, kɛŋɔ koobwɛjena Tirsa ne Jerusalam. He waa dɔ jirima kɛŋɔ laa tena baa kpoŋe fraŋkaare.

Yelsom 4:3

He nyotɔne swɛɛrɔ kɛŋɔ ŋwɛnswɛm, a ne wobol do wer kohona. He faɡra dɛ nyɛɡle yal bini.

1 Jɔn 3:1

Hé na nyina ya Mɛɛ waa lɔ nyundua aa dɛ nyin yaa, dɛɛ yerɛ yaa o bii. Ya ɛ o bii kpela. A waa ɡela nɛra baa dɔ harɛ nɔ ta ɡbo liire aa wola yaa jemɛ la. Gɛ baa wola Korowii jemɛ la, ɡɛɛ baa wola ya ɡe jemɛ.

Ɛfesos 5:26

O sewɔ tɛɛ ba, dɛ́ ɡel ba won ɛ o nɛra, ásɛ ba doŋa bwa won le ba nɛ, o waa baa noa ne Korowii nee baa sɔ ba nomanta.

Galaasia 4:26

Haah waa wola yom ɛɛ la ɡe cheɡɔ tɛ Jerusalam la waa lɔ nyundua la. Onee ya nya nɔ,

Aesaya 53:2

Korowiirii ɡela o bonɔɔ kpeɡ o sie, dɛ do kɛŋɔ daa waa le harɛ hole ta. O ta nyanyini ne wer dɔe yá pɛla lawɔ, o wobɛlbwa ta silɛɛ dɔe yá nyinu.

Yelsom 8:4

Jerusalam haahna, n dɛ ŋɔ he be ŋɔ, hé ŋwɛɛ baɡ mɛ kɛŋɔ, haa n ne n sɛnodɛɛɡe baahnee chɔɡ.

Yelsom 3:10

O daa aa paaɡa la, suuɡapoŋee ba kpɔ ɛ a bwara, dɛ kpɔ suuɡaswɛm ɛ o mun la ɡe. Ba kpɔ yakɔl bɔle o kara ta, Jerusalam haahna kpɔ kondɛɛɡa ɛ o bini ne o habɔɔ bwa.

Yelsom 3:5

Jerusalam haahna, n dɛ ŋɔ he be ŋɔ, hé ŋwɛɛ komɛlbwa sɔn ta baɡ mɛ kɛŋɔ, haa n ne n sɛnodɛɛɡe baahnee chɔɡ.

Yela 149:4

Korowii sie dɛ lɛ o nɛra nɛ, dɛɛ cha nɛra baa dɛ pwɛr ba te, dɛ ɡel baa pɔ ba dɔma nɛ.

Yela 90:17

N Naa Korowii yaa dɛ tomɛ, swee yaa andɛɛɡa. Gel ya wobɛlbwa do wer tɛ yaa kɛrɛdɛ!

Yela 45:9

Koranar bihaahna ja haahna baa dɔ jirima, dɛ do he dem nɛ, asɛ hanfale do kwaa baa kpɔ suuɡaswɛm tenten ɛa, dɛ che he diɡ pera.

Aesaya 21:16

Korowii berɔ ŋɔ n be ŋɔ, “Gɛ paadii yon jemɛ kɛŋɔ benanyoa wɛɛ ba o toma tona la, ɡɛɛ Keda tena jirima bwa ɛɛ ba tona benanyoa.

Ɛsekeɛl 27:21

Arab tena ne Keda harɛ ta koranar ne he di bona. Ba kpɔ pebiiri ne pebala dɛ boohna ba charɛ laala he be.