Yelsom 1:2 - mzwDBL

² Baɡle nyina kohona haa dɔa tɛ mɛ, he nyina dɔ pɛla kohona dɛ ɡwaa sen.

Yelsom 1:2 Referans Kwoze

Yelsom 4:10

N hanfale ne n sɛnodɛɛɡe, na ɡɛ n sie aa lɛ he nyina haa dɛ nyin mɛ ta! He nyina dɔ pɛla kohona dɛ ɡwaa sen, asɛ he konsɔɔhsoma sɔɔh ɡwaa daawiile baa dɛ fuah sɔɔh.

Yelsom 1:4

Laɡ mɛ kaa warane, n dɛ nyin kɛ n kooro laɡ mɛ kaa o dem warane! Yá hɛɡre, dɛ́ ɡel ya sie lɛ kohona, yaa kpɛɛ he nyina haa dɔa laanee ɡwaa kɛ ya nyɔ sen. A waa ɡela bitoli bwa ɛɛ nyin he waa kɛrɛdɛ la!

Yela 36:7

Na ɡɛ he nyina aa wola jaɡa dɔe aa wera! He kena lɔɡree ya chwa baa sɔh, kɛŋɔ jal yon lawɛ o bii, do o kena lɔɡre la.

Amanesoma Luk Aa Chwera Tɔn 15:20

Bie la aa lii ɡɛ la, o iro chiɡ ŋwɛnɛ ta dɛɛ kaa o mɛɛ be. Waa dɛ kaa o mɛɛ be la, o mɛɛ lɔ dem dɛ nao bojaŋ, asɛ o tea domɔ, o chwa chemo dɛ ka ɡbaaro pɛl o bambile.

Matiu 26:26

Baa dɛ di kwaa la la, Yeesu kpɔ paanoo dɛ jam Korowii o wa, asɛ dɛ mɔne tɛ o habɔteŋra la dɛ ŋɔ, “N bo-olii la. Hé lɛ dɛ́ di.”

Aesaya 25:6

Koranar Bwa Kooro ɛɛ yerɛ harɛre nɛra bwaa ŋɔ, bá ba di kondikonjena, dɛ́ nyɔ sendɛɛɡa dɛ́ lɛ ba sie, Saayɔn Bwejen ta Jerusalam.

Yelsom 7:12

Gel ya fel ir kaa daa kooni ta, dɛ́ ka na kɛ a pa mun dɛɛ fe, kɛɛ a fee pili sie, kɛɛ a nɔna aa do ɡuleɡule dɛ be, ásɛ n baɡle n nyina maa dɔa tɛɛ bela.

Yelsom 7:9

asɛ he nyoa som kɛŋɔ sensoma tenten. Gel sensoma la palɛ bɔeeh, ka kpɔ n sɛnodɛɛɡe nyotɔn ne o nyena ta bwa.

Yelsom 2:4

O laɡ mɛ ba bela waa di kondikonjena dɛɛ lɛ o sie, dɛ baɡle o nyina waa dɔa tɛ mɛ.

Yela 2:12

Hé kpɔ he te tɛ Korowii bie la, ásɛ o baah bɛ di dɛ́ chɔɡ heya. O baah won dii saŋ bɛlbwa. Nɛra baa chwaa kaa marɔ la bwa, ba na som.

We-ɛɛla 21:7

Ya le Taaya ba Tɔlemaes dɛ ba chɔɔ bela asɔre tena, dɛ so ba be tɔpebeŋkpoŋ.

Yelsom 7:6

Na ɡɛ haa wera tolo he waa ɛɛ lɛ sie, he nyina waa dɛ lawɛ n bambile kohona.

Yelsom 5:16

O nyoa som ne moe, o wobɛlbwa wer tɛ mɛ. Jerusalam haahna, ɡɛ n sɛnodɛɛɡe aa doa mɛɛ nyinu kohona laanee la.

1 Pita 5:14

Hɛ́ɛ lea dɔŋa nɛnnyin ne. He nɛra he ne Yeesu Kristo aa pɛa la, Kórowii tɛ he bwa bosɔɔhna.

Mumpar 45:15

O mo o dɔɔranar la lwɛrɛme dɛ wi. Asɛ a habɔɔ o ne ba bol wa.

Mumpar 29:11

Asɛ dɛ ka ɡbaa Rakɛl pɛl o bambile, dɛ mo o lwɛɛma dɛ wi.